To start downloading books

Please sign in or create an account.

خپله اراده داسې پیاوړې کړئ

خپله اراده داسې پیاوړې کړئ

لیکنه ـ ریاض مقامزی

په شخصي، اقتصادي او ټولنیز ژوند کې د بریا له شرطونو څخه یو هم د پیاوړې ارادې لرل دي. که تاسو پیاوړې اراده ولرئ پرته له شکه کولای شئ خپلې موخې ترلاسه کړئ او ډېر ژر به پخپل ژوند کې د بریا خوند ووینئ؛ مګر که برعکس کمزورې اراده لرئ. شاید ډېر اسانه کارونه هم و نه شئ کولای.

موږ همدې ستونزې ته په کتو هڅه کړې ده، چې تاسو ته د ارادې د پیاوړتیا تګلاره وښيو. دا ځکه چې ستاسو بریا زموږ هیله ده.

پیاوړې اراده ولې مهمه ده؟

د ارادې د پیاوړتیا پر ګټو خورا ډېرې خبرې کېدای شئ؛ خو که موږ یې په لنډ ډول ووایو، د هرې کامیابۍ لپاره د ارادې پیاوړتیا حیاتي ارزښت لري او پرته له پیاوړې ارادې تر بریا نه شئ رسېدلای؛ نو که په ژوند کې د بریا او کامیابي غوښتنه لرئ خپلې ارادې حتما پیاوړې کړئ.

کمزورې اراده څنګه معلومه کړو؟

شاید ځينې خلک پوه نه شي چې د ارادې کمزوري لري؛ نو د همدې لپاره په لنډ ډول وايو، چې د خپلې ارادې کمزوري څنګه معلومه کړئ. لومړی وګورئ که هیلې او اهداف لرئ خو کار ورته نه کوئ یا یې د ترلاسه کولو لپاره هڅه نه کوئ، نو پوه شئ چې د ارادې کمزوري لرئ.

دویمه نښه دا ده، چې د کار له پیلولو وروسته یې په نیمه کې پرېږدئ. که دا دواړه نښې لرئ. نو د خپلې ارادې د پیاوړتیا لپاره دا لارښوونې عملي کړئ.

لومړی| کوچني اهداف وټاکئ!

روانپوهان د ارادې د پیاوړتيا لپاره لومړنۍ لارښوونه دا کوي، چې تاسو لنډمهالي او کوچني هدفونه وټاکئ. په دې سره ستاسو اراده پیاوړې کېږي. مثلا ووایئ، چې په دې اونۍ کې درې نوي حدیثونه زده کوم، یا د انګلېسي ژبې سل لغاتونه زده کوم او ورته نورې موخې چې په کم وخت او لنډه موده کې ترلاسه کېږي. کله چې تاسو یاد هدف ترلاسه کوئ، دا کار مستقیما ستاسو د ارادې پر پیاوړتيا تاثیر کوي او دا په حقیقت کې د ځان تشویقولو یوه بهترینه تګلاره هم ده.

دویم| ځان منظم وساتئ!

د دویمې لارښوونې په توګه ویلای شو، چې همېشه ځان منظم وساتئ. پاک کالي پر تن کړئ، حمام کوئ او همدارنګه ويښتان مو ږمنځ ساتئ. په دې توګه ستاسې ورځنۍ چارې هم منظمېږي او په پای کې د یوې پیاوړې ارادې خاوند کېږئ.شاید تاسو ته دا کارونه عادي ښکاره شي؛ خو په حقیقت کې ډېرې ښې پایلې یې لیدلای شئ.    

درېیم| یو ساعت خاموشي اختیار کړئ!

د خاموشۍ اختیارولو دا تګلاره خورا ګټوره ده او د نړۍ په بېلابېلو ځايونو کې له دې طریقې ګټه اخیستل کېږي. دا میتود داسې دی، چې تاسو به هره ورځ د یوه ساعت لپاره مطلقه خاموشي اختیاروئ او له هېچا سره به نه غږېږئ. دې کار ته یوه میاشت دوام ورکړئ، چې ډېرې ښې پایلې به ووینئ. البته د خاموشۍ په وخت کې حتما مثبت فکر کوئ.

څلورم| ورزش وکړئ!

د ورزش له روغتيايي ګټو به ټول خبر یئ؛ مګر دا به مو نه وې اورېدلي چې ورزش ستاسو د ارادې په پیاوړتیا کې هم خورا ګټور ثابتېږي.

کوښښ وکړئ هره ورځ ورزش وکړئ. اړینه نه ده، چې تاسو دې کلب ته ورشئ، په ډېره ساده بڼه هم ورزش کولای شئ. پخپلې حویلۍ، کوڅه او یا بل ځای کې د ورځې نیم ساعت ـ یو ساعت قدم وهل هم ستاسو په ورزش کې حسابېدای شي.

پنځم| هڅوونکي ویناوې/کتابونه واورئ/واورئ!

د تشویقوونکو ویناوو اورېدل هم د ارادې په پیاوړتیا کې ګټور ثابتېږي. په دې برخه کې تاسو کولای شئ له هغو کسانو سره ووینئ چې تل مو هڅوي. ورسره کښېنئ، خبرې یې واورئ او مجلس ورسره وکړئ. همدارنګه هڅوونکي/انګېزه بخښوونکي کتابونه ولولئ او یا هم په ټولنیزو رسنیو کې انګېزه بخښوونکو ویناوو ويډيوګانې ولټوئ او هره ورځ یې اورئ.

شپږم| خوب مو پوره کړئ!

وروستیو ترسره شوو څېړنو ښودلې ده، چې بې خوبي د ارادې له کمزورو کوونکو عواملو څخه ده. که تل بنډارونه کوئ او یا هم د شپې تر ناوخته ويښ پاتې کېږئ؛ نو ډېر ژر به د ارادې له کمزورۍ سره مخ شئ او تل به پخپلو چارو کې ناکامي تجربه کوئ؛ نو تل هڅه وکړئ چې خوب مو پوره او منظم وي.

اووم| پر شهوت برلاسي شئ!

د یوې بلې سروې موندنې ښيي، چې شهوت کې پاتېدل او د جنسي اړیکو په اړه فکر کول، یا هم د بربنډو فلمونو لیدل د ارادې د مطلقې کمزورۍ سبب کېږي. نو هڅه وکړئ پر شهوت مو برلاسي شئ. دا سمه ده، چې په ځوانۍ کې دا چاره ضروري ده؛ خو که ستاسو ذهن د جنسي اړیکو پر لور ځي، پاڅېږئ، قدم ووهئ، د ملګرو خواته لاړ شئ، لوبې وکړئ او ... په دې توګه مو پر شهوت برلاسي کېدای شئ.

اتم| روغتيا ته مو پام وکړئ!

د ارادې له کمزوري کوونکو عواملو څخه یو هم ناروغي ده. نو زموږ توصیه دا ده، چې خپله روغتيا بابیزه مه ګڼئ. تل خپل صحت ته لومړيتوب ورکړئ او هېڅکله د خپلې روغتيا په اړه مه بې غوره کېږئ.

نهم| ځان ته په کم نظر مه ګورئ!

ځان کمزوری او عبث ګڼل پخپله د ارادې د کمزورۍ سبب کېږي. ددې لپاره چې خپل ځان متفاوت او پیاوړی ووینئ دا کار وکړئ.

  • خپلې لاسته راوړنې په یاد راوړئ.
  • له ځانه کمزورو خلکو ته وګورئ.
  • همدا اوس له میلیونونو هغو کسانو غوره یئ، چې لوستل یې نه دي زده
  • تل له ځان سره وایئ "زه یې کولای شم"، پیاوړی یم او...

لسم| مناسبه غذا وخورئ!

تاسو به فکر کوئ، چې غوښې، کبابونه او نور قیمتي خواړه به مناسبه غذا وي؛ خو داسې نه ده، روانپوهان وايي چې د ارادې د پیاوړتيا لپاره هغه خواړه خورئ، چې په بوټو پورې اړوند وي. سابه، ګلپي، زردک او ورته نور خواړه. دا ټول کولای شي ستاسو اراده پیاوړې او بریا مو تضمینه کړي.

Related Articles

کجکي ډيم

د کجکي ډيم په هکله معلومات1: د کجکي بند د ظاهر شاه په دوران کښي په 1953 کال کښي جوړ شوی دی2: کجکي ته د 46588 کیلو متره مربع ساحي څخه د باران او واوري اوبه راځي3: د کجکي بند د 1715 ميليون متره مکعب اوبو د ذخيره کولو لپاره ډيزاين شوى وو چي اوس يى د ظرفيت اندازه 1134ميليون متره مکعب ته راکښته شوي ده  5: د کجکي بند د 150 میګاه واټه برق د تولید ظرفیت لر...

پر ځان باور

پر ځان باور یا Self-Confidence په ټولنه کې ډیر خلک وینو چي په لوړ موقف یا ډیر بریالې دي. بریالیتوب او خپلو موخو ته رسېدل ډیر زحمت، او د بیلابیلو لارو چارو استفاده کول غواړي، چي یوه مهمه او بنسټیزه لاره یې په خپل ځان باور دی.پر ځان باور یا ډاډمنتیا چې په انګلیسې کې (Self-confidence) او فارسي ژبه کې (اعتماد به نفس) بلل کیږي، په خپلو وړتیاوو او ځانګرت...

ډيګري، نرم مهارتونه او په عملي ژوند کې یې اړتیاوې

ډيګري، نرم مهارتونه او په عملي ژوند کې یې اړتیاوې عمران اختر سندونه یا ډیګري د کار په بازار کې ارزښتناکه شتمني کیدی شي، مګر دا مهمه ده چې نرم مهارتونه هم رامینځته کړو چې د مسلک په بریالیتوب کې مرسته کوي. نرم مهارتونه هغه غیر تخنیکي مهارتونه دي چې ګمارونکي یې په کارمندانو کې ګوري، یا نرم مهارتونه هغه غیر تخنیکي مهارتونه دي چې د شخصي او مسلکي ژوند...

Recommended Articles

که دا عادتونه خپل کړئ له غربت څخه خلاصېږئ!

لیکنه ـ ریاض مقامزی دا به سمه خبره وي، چې شتمني له قسمت سره تړلې ده؛ خو دا خبره هم هېڅکله غلطه نه ده، چې ستاسو عادات په دې برخه کې رغنده رول لري. که تاسو هر څومره ډېرې پیسې ولرئ؛ مګر پر مصرف، پانګونې او نورو لاروچارو پوه نه شئ ډېر ژر به مو غربت د کور تر دروازو ورسېږئ. یا که ډېر غریب هم یئ؛ مګر دا لارښوونې عملي کړي، نو ډېر امکان شته، چې له غربت څخه...

خېټه څنګه کوچنۍ کړو؟

د نارینه او نجونو لپاره تر ټولو بد مرض د خېټې د وازدو ډېرېدل او غټېدل دي چې نه یې یوازې ښکلا ته زیان رسوي، بلکې صحت ته یې هم ستونزې جوړوي. نن درته د خېټې د کوچني کولو داسې طریقې در ښیوو چې د ډېر ورزش ستړیا به هم نه ورسره ګالۍ او په تکلیف به هم ورسره نه شئ. د ورځې پیل د لیمو په جوسو وکړئ، نیم لیمو په یو ګیلاس اوبو کې زبېښل او څښل یې په حجراتو کې...

له وخت څخه مخکي مو ويښتان ولي سپينږي درملنه يې څه ده؟

په تيرو وختونو کې به سيپن ويښتان د زړښت نښه بلل کيده خو اوس داسي نه ده بلکي د ډيرو پيغلو او ځوانانو ويښتان سپين دي. که تاسو هم له دې ستونزي څخه ځورپږي يعني د سر ويښتان مو مخکي له وخت څخه سيين شوي نو حتمن مو په بدن کې ځيني پيچلي بيلوژيکي ستونزي شته ، بايد درملنه يې وکړئ. اوس ډير وخت ليدل کيږي چې آن ۱۶ کلن تنکي ځوانانو هم د ويښتانو د سپيندو په لور ر...