هغه ناروغۍ چې علایم يې په پښو کې څرګندېږي

Riaz Muqamzai
Riaz Muqamzai
Author
1 min read
3,801
هغه ناروغۍ چې علایم يې په پښو کې څرګندېږي

ژباړه ـ ریاض مقامزی  

د روغتیایي لیکنو په لړ کې نن د یوې ډېرې مهمې موضوع په اړه معلومات درکوو. موږ او تاسو به حتما د پښو له درد او یا هم په پښو کې له نورو ستونزو او علایمو سره مخ شوي یو.

که څه هم اکثرا د پښو دردونه او نا آرامي د ستړيا، نامناسبه خوړو او یا د فشار له امله وي؛ مګر په ځينو حالاتو کې د پښو دردونه، ميږي ميږي کېدل، سوخت او ... عادي نه وي، بلکې برعکس د یوې ناروغۍ د شتون خبرداری ورکوي. په دې لیکنه کې پر همدې موضوع مفصلې خبرې شوي دي. د لیکنې تر پایه به پوه شئ، چې په پښو کې شته ګډوډي د کومو ناروغیو د احتمال معنا ورکوي.  

لومړی| د شکر ناروغۍ خطر

موږ او تاسو کله ناکله د پښو میږي کېدل تجربه کوو او عادي یې ګڼو؛ مګر څېړنو ښودلې ده، چې د پښو مېږي کېدل کله ناکله د شکر ناروغۍ احتمال هم ښيي. که له دې نښې سره ـ سره ټپونه مو ژر نه ښه کېږي، تشې بولې مو ژر نه وچېږي نو د شکرې ناروغۍ احتمال لا ډېرېږي.  

دویم| د پښتورګو کمزوري  

که په پښو کې د پړسوب، شدید درد او برېښ علایم لرئ؛ نو حتما د پښتورګو معاینات وکړئ. په پښو کې په دوامداره توګه د یادو نښو نښانو شتون ددې معنا ورکوي، چې تاسو د پښتورګو له کمزورۍ سره مخ یئ. په داسې شرایطو کې له روغتياپال سره مشوره کول تاسو ته ډېر اړین دي.  

درېيم| امیدواري

که مېرمنې له واده وروسته د پښو پړسوب، ستړیا او درد حس کړي اکثرا د حاملګۍ معنا لري. ددې ترڅنګ د پښو دروندوالی هم یوه څرګنده نښه کېدای شي. ددې علایمو لرونکي مېرمنې کولای شي د حاملګۍ معاینات وکړي.  

څلورم| د ورید کمزورتیا

که په پښو کې د پیګمنټیشن (Pigmentation ـ د پوستکي داغونه)، پړسوب او دروندوالي احساس لرئ، نو پوه شئ چې ستاسو په ورید کې ستونزه ده. کله چې په بدن کې وریدونه کمزوري شي او یا کومه بله ستونزه ور پېښه شي؛ نو له زړه څخه د بدن ټولو برخو ته وينه په سمه توګه نه ور رسېږي. له همدې کبله یادې نښې نښانې څرګندېږي. په داسې وخت کې هڅه وکړئ روغتياپال ته ورشئ او لازمې لارښوونې یې عملي کړئ.  

پنځم| د تېروئيد غُدې فعالیت ډېرېدنه

که په بدن کې د تېروئيد غُدې فعالیت خورا ډېر شي؛ نو د پښو په برخه کې به د پړسوب، یخوالی او د بدن په نورو عضلاتو کې درد احساس کړئ. په داسې شرایطو کې هم باید روغتیاپال ووینئ، ترڅو ناروغي مو دقیقه تشخیص او درملنه یې وشي.  

شپږم| د زړه ضعیفوالی

کله چې د انسان زړه له کمزورۍ سره مخ شي؛ نو د پښو ستړیا او پړسوب ورته پېښېږي. ددې چارې علت دا دی، چې د زړه د کمزورۍ په صورت کې د وینې پمپ کېدنه ورو کېږي او یاد علایم څرګندېږي. پر دې خو ټول پوهېږو، چې د انسان په بدن کې زړه حیاتي ارزښت لري؛ نو پر دې اساس د خپلو پښو علایم عادي مه ګڼئ.  

اووم| د ځيګر ستونزه

کله چې په پښو کې د پړسوب او ستړیا احساس مو وځوروي؛ نو باید ژر تر ژره نږدې روغتيايي مرکز ته مراجعه وکړئ. دا ځکه چې یاد علایم په ځیګر کې د ستونزو خبرداری ورکوي او د نه درملنې په صورت کې شاید ډېره درنه بیه یې پرې کړئ.  

اتم| د ترومبوسس Thrombosis خطر

ترمبوس داسې یو حالت دی، چې په وینه کې یوه کتله پيدا کېږي او همدا کتله د دې سبب کېږي، چې د وینې جریان ټکنی کړي او د بدن بېلابېلو برخو ته زیان ورسوي.  د پوستکي د رنګ بدلېدنه، د پښد درد، پړسوب، تبه او ستړیا هغه علایم دي، چې ددې ناروغۍ د شتون خبرداری ورکوي. نو که دا علایم لرئ، بابیزه یې مه ګڼئ او ژر یې درملنه وکړئ. ځکه چې دا یوه خطرناکه ناروغي ده.

0 Comments

Sign in to leave a comment.

No comments yet. Be the first to share your thoughts.

Related Articles

3 articles
مېلمه؛ کومو ټکو ته باید پام وشي؟
Pashto
Jan 09, 2021
5,080 views

مېلمه؛ کومو ټکو ته باید پام وشي؟

لیکنه ـ ریاض مقامزی که څه هم مېلمه پالنه د نړۍ په ډېرو هېوادونو کې دود ده، خو په دغه برخه کې افغانان د ځانګړي نوم خاوندان دي. تقریبا هر افغان د مېلمه په قدر پوهېږي. دغه موضوع زموږ د ديني مسولیت ورهاخوا یوه کلتوري ريښه هم لري. افغانان د ميلمنو ډېر زی...

Written by Riaz Muqamzai Read more
غازی تالې احمد اُتمانخېل بابا
Pashto
May 07, 2021
2,237 views

غازی تالې احمد اُتمانخېل بابا

غازی تالې احمد اُتمانخېل بابا چې دَ پلار نوم ېے صالېح احمد اُتمانخېل وو چې دَ ښپلې زمانې مشهور ستر او بهادر سړے پاتې شوې او دَ رور نوم يے عبدلمحمد اُتمانخېل بابا وو.چې دَ صېلح مهمند تېحصېل امبار سره ے تعلق ساتو.دَ غازی تالې احمد اُتمانخېل بابا ېو سرت...

Written by Salman Jabbar Read more
د سیخانو پیوند یا اورلف په ساختمان کی
Pashto
Nov 10, 2023
2,277 views

د سیخانو پیوند یا اورلف په ساختمان کی

په بیم او پایو کې د سیخانو Lapping  ټولې د سیخ جوړولو کمپنۍ د ACI کوډ مطابق په طولي ډول  د سیخانو طول له 12m څخه نه اضافه کوي، چې معیاري اوږدوالی یې 11.75 متره دی،  کله کله داسې ضرورت پیداکیږي چې دوه سیخان یو له بله سره پیوند (Over Lap) کړو، نو ددغ...

Written by Faridon Delsoz Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,401 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,125 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,881 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article