لیکنه ـ ریاض مقامزی
که څه هم د نړېوالو ادبیاتو اسمان ډېر لوی دی؛ مګر ډېر کم خلک پر دې توانېږي، چې د خپل زحمت ستوري پکې وځلوي. له دې لږو خلکو یو هم برودسکي دی. تاسو به په دې لیکنه کې د نوموړي په اړه مهم معلومات ولولئ.
د بردوسکي لنډژوندلیک
د روسيې ددې پیاوړي شاعر/لیکوال بشپړ نوم ایوسیف برودسکي "Iosif Brodsky" دی، چې په "۱۹۴۰ز" کال کې زېږېدلی. دی له یوې لوستې جوړې پیدا شو، په دې معنا چې مور یې د محاسبه کوونکې په توګه دنده درلوده او پلار یې عکاس/خبریال و. ماشومتوب یې د غریبۍ، مایوسۍ او سختیو داستان لري. ځکه دا وخت ددوی ښار "لېننګراد" د جګړې او کلابندۍ خاطرې لرلې؛ خو نوموړي هېڅکله زده کړو ته شا نه کړه او تل به یې د وخت د لویو لیکوالو کتابونه/شعرونه مطالعه کول. چې وروسته د یو لوی او عالي شاعر په توګه څرګند شو او ډېر شمېر اشعار یې ولیکل. له ګڼو ادبي هڅو وروسته په "۱۹۹۶ز" کال کې د امریکا متحده ایالاتو په نیویارک ښار کې ومړ.
د برودسکي په اړه نور مهم ټکي
• په څلورویشت کلنۍ کې حکومت ونیوه او له هېواده یې تبعید کړ. دا ځکه چې نوموړي پخپلو اشعارو کې پر حکومت/چارواکو نیوکې کړې وې.
• په ماشومتوب کې یې د زده کړ ترڅنګ کار هم کاوه، ترڅو خپل مصارف پوره کړي.
• شاوخوا شپاړلس کلن و، چې شعر ډوله لیکنې یې وکړې.
• نوموړي د روسیې له مشهورې شاعرې "انااخماتووا" څخه د شعر په اړه زدکړې وکړې.
• د پنځم روسي لیکوال په توګه یې په "۱۹۸۷ز" کال کې د نوبل جایزه ترلاسه کړه.
• د برودسکي مړینه د زړه د سکتې له امله وه.
• برودسکي د شاعرۍ ترڅنګ ژباړې هم کولې.
• د نوموړي کورنۍ یهودۍ وه.
د شعر بېلګه
په دې فکر کې یم
چې زما توري او کلمې به مړه شي
او وخت به په فاتحانه خندا
زما غمجن زحمت د مرګ تر پورې بدرګه کوي ...
