To start downloading books

Please sign in or create an account.

لس کاله که شل کاله!؟

لس کاله که شل کاله!؟

ليکنه ـ ریاض مقامزی  

یو حکايت دی، چې شاګرد خپل استاذ ته وویل: په څومره وخت کې به دا کسب په بشپړ ډول زده کړم؟ ځواب یې ورکړ: لس کاله.  شاګرد بیا وپوښتل: که زه شپه او ورځ په ځان یوه کړم؛ ډېر زحمت وباسم. سهار ملا آذان کار شروع کړم او ماسختن ناوخته یې بس کړم؛ بیا به یې په څومره وخت کې زده کړای شم!؟  استاذ یې وویل: په شلو کلونو کې!  

د حکایت درسونه

که دقیق ځير شو، دا حکایت موږ او تاسو ته خورا په زړه پورې درسونه راکوي. معمولا په سرعت سره خپلې ټاکلې موخې ته ژر رسېږو؛ خو په حکایت کې ویل شوي، چې سرعت هدف ته ستاسو رسېدل ځنډوي/اوږدوي. په هر حال؛ له دې داستان څخه دا درسونه اخيستلای شو.

• سرعت یا ډېر کار کول مو هدف ته په رسېدو کې ټکنی کوي. که څوک شپه و ورځ کار وکړي؛ نو حتما به صحي ستونزې پیدا کوي او ډېر امکان شته، چې د اوږدې مودې لپاره کار و نه کړای شي او پدې توګه به هدف ته رسېدل ورته سخت شي.

• بېړه کول ستاسو فکري تمرکز خرابوي او په هر کار کې چې فکري تمرکز نه وي موجود په اسانۍ نه زده کېږي.

• بېړه کول ستاسو د دقت وړتیا له منځه وړي او پدې توګه به پخپل کار کې ډېرې غلطۍ کوئ.  

• که تاسو غواړئ ژر یو کار زده کړئ ډېر کار مکوئ؛ بلکې سم کار کوئ. موخه دا چې تل د کمیت پر ځای کیفیت ته لومړیتوب ورکړئ.  

• د کسب، علم او یا بل هر کار په زده کړه چې وارخطايي مکوئ. د هر کار د زده کړې لپاره آرام ذهن، دقت، کیفیت او مینه مهمه ده؛ نو همدا ځانګړنې خپلې کړئ. 

Related Articles

ځانمرګی برید څه حکم لري؟

ليکنه: مفتي عبدالولي د مسلمان په تکفير کې له حده زيات احتياط په کار دی! او بيا چې مسله هم منصوصي نه وي.  د نړۍ نږدې ټول ديني عالمان او د افتاء معتبرې ادارې ، لکه د سعودي عرب هيئة کبار العلماء، شيخ محمد العثيمين، شيخ ابن باز، شيخ صالح الفوزان، شيخ عبد المحسن عباد، د مصر جامعه ازهر ، د پاکستان اتلس سوه معتبره عالمان چې په سر کې يې مفتي رفيع عثماني،...

نزاکتنامه

نزاکتنامه۱-که یو  چا مو تیلیفون دوه ځلې ځواب نکړ، په درېیم ځل زنګ مه وروهئ، ښايي هغه کوم مهم کار کې بوخت وي۲-که چا رستورانت کې ډوډۍ ته میلمانه کړئ، قیمت بها خواړه او غذا فرمایش مه ورکوئ۳-له خلکو دا پوښتنې مکوئ: ولې تر اوسه مجرد یاست؟ ولې ماشومان نلرئ، ولې کور نه اخلئ او ولې...؟۴-که تاسو کومې ودانۍ او داسې بل ځای ته ننوځئ چې دروازه لري‌ او  ستاسو تر...

خرما (کجورې) او روغتيايي ګټې یې

خرما چې ځینې پښتانه ورته کجورې هم وایي ، په انګریزي ژبه یې (Date ) ، په عربي ژبه یې تمر او په هندي او اردو ژبو کې یې هم کهجور بولي او علمي نوم یې ( Phoenix dactylifera) یو ډول خوږه میوه ده چې مسلمانان زیاتره دتبرک لپاره پرې روژه ماتوي . دخرما  ونې( Date palm )زیاتره په مصر ، سعودي عربستان ، عراق ، عمان ، لیبیا ، الجزایر ، سوډان ، عربي متحده اماراتو...

Recommended Articles

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا رټل کېږي او د جرات ماده یې په هماغه کوچني والي کې مړه کېږي.   ځينې خلک بیا خپل جرات په هماغه کوچني...

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...