لیکنه: شکېبا نادري
د اینګین اکیورک پېژندنه
د نړۍ ټول هېوادونه سینماګانې او غوره اداکاران لري، اداکاران یې د نړۍ په ګوډ ګوډ کې لیدونکي او خوښونکي لري، یو له دغو هېوادونو څخه ترکیه ده، چې په دې وروستیو کې یې ډېری ډرامې په افغاني ټلوېزیونونو کې خپرېدلې او ډېر مينه وال یې پیدا کړي وو.
موږ په نننۍ لیکنه کې د اینګین اکیورک په اړه تاسو ته معلومات درکوو، که غواړئ چې د اینګین له شخصي ژوند، سینمایي سفر او بریاوو څخه خبر شئ، زموږ لیکنه تر پایه ولولئ!
د اینګین اکیورک زیږېدنه او کورنۍ
اینګین اکیورک په ۱۹۸۱ م کال د اکټوبر پر ۱۲ مه ڼېټه د ترکیې په انقره ښار کې زېږدلی دی.
پلار یې د دولت کارکوونکی و او مور یې د کور ښځه وه یعنې کومه ځانګړې دنده یې نه درلودله.
یو ورور لري چې نوم یې ارن دی.
د اینګین ونه ۱۸۷ سانټي مېټره ده.
شتمني یې تر یو میلیون ډالرو پورې اټکل شوې ده.
زده کړې!
اینګین په ۲۰۰۲ م کال کې د تاریخ له پوهنځي څخه د لسانس په کچه فارغ شوی دی.
هغه وروسته له فراغت څخه خیریه کارونو ته مخه کړه لکه، د ترکیې د زلزلې له زیانمنو کسانو سره بع یې مرسته کوله.
اینګین له فراغت څخه دوه کاله وروسته یعنې په ۲۰۰۴ م کې د ترکیې د ستورو د استعدادونو پیدا کولو په نوم په یوې سیالۍ کې ګډون وکړ او په پای کې اینګین د ترکیې د غوره نارینه اداکار جایزه وګټله.
په سینما کې د اینګین بریاوې
اینګین اکیورک د ترکیې د سینمایي ستورو په خپرونه کې له ګډون څخه وروسته ډېر ژر د خلکو په منځ کې مشهور شو او د {بهرنی زوم} په ډرامه کې د کار کولو وړاندیز ورته وشو. یاده ډرامه د ۲۰۰۴ م ــ ۲۰۰۷ م کلونو ترمنځ جوړه شوه.
اینګین په ۲۰۰۶ م کې د برخلیک په نامه فلم کې د لومړي ځل لپاره کار وکړ او د همدې فلم په واسطه یې دوې نورې جایزې هم تر لاسته کړې.
اکیورک ته په ۲۰۰۸ م کال (که یوه ورېځ وای) ډرامه کې د لومړي ځل لپاره مرکزي رول ورکړل شو.
وروسته بیا د فاطمه ګل ګناه څه ده؟ په ډرامه کې چې په افغانستان کې د فاطمه ګل په نامه خپرېدله هم مرکزي رول ورکړل شو.
له هغې وروسته اینګین د کاراپاراـ اوښکې په ډرامه کې له توبا بیوک اوستون او ایکو کارایال سره یو ځای کار وکړ دغه ډرامه په ۱۴۸ هېوادونو کې د ډېر پلورل کېدونکو ترکي ډرامو په ډله کې وشمېرل شوه.
اینګین په یاده ډرامه کې له کار کولو وروسته د ۲۰۱۵ م کال کې د غوره اداکار جایزه وګټله.
اینګین اکیورک لا واده نه دی کړی او مجرد دی.
د اینګین تر ټولو نوې ډرامه د خلاصون ده چې په ۲۰۱۷ م کال کې خپره شوه او له فخریې اوجن سره یې پکې رول لوبولی دی.
اینګین اکیورک په ۲۰۱۶ م کال کې د نړۍ د ښه ذوق لرونکي نارینه جایزه هم تر لاسه کړه.
