ځينې خويونه دومره ناوړه دي چې د سمون چانس يې کم وي، په ځانګړي ډول دا خویونه د انسانانو ګډ او ټولنيزو ژوند ته ډېر زيان رسوي، په همدې ډول ځينې خويونو څخه بحث کوو، دا ډول خویونه که چېرې يوه ښځينه په نارينه کې وويني سمدلاسه ورڅخه خپله لاره بېلوي.
هغه کسان چې هېڅ نه خوښوي؛ دا ډول کسان په هرڅه نيوکه کوي، هرڅه نيمګړي ورته ښکاري نو تاسې هم نيمګري ورته ښکاري او تل يې ذهن ستاسې او يا د هرشي په نيمګړتياوو پسې وي، د يو شي مثبت لوری، مثبت مخ او اړخ ډېر کم ويني، تل د پيالې نيمې برخې ته ګوري، دا ډول کسان د دې سبب کېږي چې د خپلې مېرمنې يا خپل بل دوست ټوله سایکولوزي او ذهن ور خراب کړي، له همدې کبله ښځينه ددې ډول نارینه و څخه تل د تېښتې په حال کې وي.
په هرڅه پوه کسان؛ هغه نارينه چې فکر کوي په هرڅه دی پوهېږي، ترټولو دی پوه دي، ددې ډول نارينه و سره ښځې يوه ورځ هم نشي تېرولی، ځکه دوی په حقیقت کې نور انسانان ترځان ډېر کوچني او کم عقل ګڼي، ښځه هم په دې پوهيږي چې د ده سره به يې ژوند صرف د يوې غلامې ژوند وي له همدې کبله د دې ډول نارينه و څخه ډيرې لرې ګرځي، دا ډول خلک په وروستۍ درجه خودخواه وي او تل د ځان په اړه فکر کوي.
بد عمل لرونکی کس؛ دا ډول کس چې بد عمل لري، مثال زر په غوسه کېږي، يا قمار وهي او یا دا ډول نور بد خويونه په حقيقت کې د ژوند ټول خوند له منځه وري، که څه هم ځينې ښځې دا فکر کوي چې د وخت سره به سم شي خو حقيقت دا دی چې د هغوی سمېدل ډېر ګران کار دی او یو عمر خواري غواړي، دوهم ؛ دا ډول کسان بل څوک نشي ښه کولی، پخپله ونه غواړي، نو ښځې نه غواړي خپل يو عمر د دې ډول کسانو په رغولو تېر کړي او له دوی سمدلاسه فاصله نيسي.
ترڅو چې د مور زوی؛ هغه نارینه تراوسه د يو ماشوم په شان وي، تراوسه د مور کوچنی زوی وي د ښځو هېڅ نه خوښېږي، ښځينه هغه نارينه خوښوي چې د خپلې مستقلې او خپلواکې ارادې خاوند وي د هر چا سره ښې اړیکې ولري او د ټولو سره خپل حدود معلوم کړي، دا ډول کسان په ژوند کې د هرڅه په رهبرۍ باندې پوه وي او ښځې ورسره خوشحاله ژوند تیرولی شي.|
