ویښوونکې جملې!

ټولونه ـ ریاض مقامزی

 پدې ليکنه کې به داسې جملې/ويناوې ولولئ، چې د نړۍ د نوموتو ليکوالو پورې اړوندېږي او ستاسو په ژوند، فکر او رفتار کې مثبت تغییر راوستلای شي.

• څوک چې غرونه بېځايه کوي، د کوچنیو ډبرو له پورته کولو پیل کوي. (فاکنر)

• وياړ د وينو په تويولو کې نه دی؛ بلکې د اوښکو په وچولو کې دی. (بایرون)

• که ظالم د یوې ګوتې په اندازه تجاوز ته پرېږدې، د زرو ګوتو په اندازه پر تجاوز به هم درېغ ونه کړي. (چارلېز ډيکنز)

• ناسم معلومات له ناپوهۍ څخه ډېر خطرناک دي. (برنارډ شاو)

• لیکل؛ یعنې مطلقه ناهیلي. (وولف)

• ناکام خلک انرژي نه؛ بلکې قوي هوډ او اراده نه لري. (هوګو)

• که په هر څه پوه شو، ژوند به یو ساعت هم و نه شو زغملای. (فرانس)

• مړینه کافي نه ده؛ باید پر ځای ومرو. (سارتر)

• غميزه دا نه ده، چې یواخې اوسې؛ بلکې دا ده، چې د یواځیتوب زغم و نه لرې. (کامو)

• څومره چې ستا کارونه مهم وي؛ هومره به دې دښمنان ډېر وي. (شکسپیر)  

• د دوست تر بخښلو د دښمن بخښل اسانه دي. (بليک)

• ښايي کله ناکله یو غفلت د یوه کس یا یوې ټولنې برخلیک په بله واړوي. (توماس مان)

• خلک تل تیار دي، چې د دویم ځل لپاره هم وغولېږي. (کافکا)

• د انسان ژبه هغه مار دی، چې انسان پخپله چيچي. (ګوګول)

• په یوې دقیقې غوسې سره شپېته ثانيې خوښي له لاسه ورکوو. (امرسن)