هېڅکله مه تسلیمېږه

*"هېڅکله مه تسلیمېږه"* د انګلیسی کتاب "Never Give up" څخه ژباړل شوی چی له سوک لي او باب سانګ لخوا لیکل شوی دی.

د دغه کتاب موخه دا ده تر څو له خبرونو، لیکنو، عامو نظرونو، ټلویزیوني مرکو او داسې نورو سرچينو څخه د هغه را اخیستل شوی خبرو له لارې د نړۍ په ګوټ ګوټ کې لوستونکو ته د جک ما په اړه د هغه په خپله ژبه معلومات وړاندې شي.

هغه څه چې په دغه کتاب کې بیانیږي د داسې یوه شخص په اړه دي چې د سوداګرۍ او تکنالوجۍ په برخو کې او همدارنګه په خپل مخکیني ژوند کې د بریا د تجربې درلودو پرته د نړۍ په کچه د انلاین سوداګرۍ نړۍ کژ یې انقلاب رامنځته کړ.

په اوسنیو شرایطو کې له بده مرغه زمونږ خلک په ټوله کې خو ځوانان په ځانگړي توگه له ډول ډول کړاونو او ستونزو سره مخامخ دي. او ځينې ځوانان خپلو موخو ته د رسېدو په لار کې پاتې راتللو له امله بیا د مایوسی کندې ته لوېږي چې دا بيا خورا خطرناک حالت دی؛ نو د دغه کتاب لوستل کولای شي لوستونکو ته له لوېدلو وروسته پورته کېدو او له ناکامۍ وروسته د بريا هيله وبښي.