د اور وزرې
د اور وزرې
د ډاکټر کلام ژوند لیک دی. د خپلو زدکړو بیلا بیلو پړاونو او کړاونو په اړه پکې خبرې کوي. کتاب درته وايي چې د امکاناتو نه شتون، د ژوند تنګۍ او ترخې د پیاوړي هوډ په مخ کې هیڅ هم نه دي. د پاولو کویلو خبره چې کله تاسې د یو څه د ترلاسه کولو هوډ وکړئ، نو ټول کاینات بیا په دغه تکل کې ستاسې ملاتړ کوي. د کلام ژوند د کویلو خبره درته په دغه کتاب کې عمليوړاندې کوي. غالباً ۲۰۱۵ که ۱۶ به وو، یو ملګري لطف وکړ او د اور وزرې نومې کتاب یې راته ډالۍ کړ. له لوستو وروسته مې هیله وه چې کاش دا کتاب په پښتو هم خپور شي. بیا لعل الدین عاطف صیب سره د دې د ژباړې په اړه وغږیدم. نن راته مجیب مومند صیب احوال راکړ چې The wings of fire د اور وزرې شو او د لوستونکو لاسونو ته د رسیدو لپاره چمتو دی.
دا کتاب باید په ځوانانو د الهام اخیستنې لپاره او کشرانو کې د ساینس سره د مینې او شوق را پارولو په پار ولولو.
لعل الدین عاطف ته دې ډیر ډیر مبارک وي، او ورته د نورو همدا ډول هڅو توفیق غواړم.
لیکنه_مشتاق_رحیم
درکونه:
ننګرهار مارکیټ، دویم منزل، پښتونستان واټ - جلال اباد
اسحق زی مارکیټ لاندې پوړ - جلال اباد
