د ځمکې استداره

د ځمکې استداره کتاب ځنګړتیاوې په دې کتاب کې: د قرآن کریم هغه آیتونه څېړل شوي چې د ځمکې د شکل، ثبات او حرکت په اړه اشارې لري؛ د قرآن عظیم‌الشان او نبوي احادیثو نه ټکي پر ټکي الفاظ رااخیستل شوي دي، کوم چې د ځمکې موقعیت یا حرکت ته اشاره کوي؛ د امامانو، مفسرینو، متکلمینو، فقیهانو او حکیمانو واقعي اقوال تحلیل شوي، لکه د ابن تیمیه، فخر رازي، ابن القیم، ابن الجوزي، قرطبي، سیوطي او نورو؛ د عصري فلکپوهنې د تیوریو پر بنسټ د ساینس دریځونه وړاندې شوي؛ د امام غزالي، افلاطون، ارسطو، ابن خلدون، ابن سینا، ابن رشد او نورو د فلسفي منطق له مخې عقلاني تحلیلي نظریات تشریح شوي. په دغه کتاب کې ټول تحلیلونه د قرآني آیتونو، حدیثونو، تفسیرونو، اقوالو، تاریخ، دلایلو، ګرافونو او نظریاتو په رڼا کې وړاندې شوي دي. د دې کتاب لیکلو یوازینی هدف، په قرآن کریم کې د ځمکې د استدارې اړوند، د غلطو تاویلاتو مخنیوی دی!