د بریالیتوب اوو ۷ لوی رازونه
خوښي ترلاسه کړئ او له غمونو ځان وژغورئ. دا هغه کار دی چې مونږ او تاسو ورته روزمره کار کوو. مګر له دې څخه بغیر د ژوند لپاره نور څه وکړو؟ ایا تر اوسه چا د دې پوښتنې ځواب پیدا کړی؟ هو، بریالیو اشخاصو درک کړې چې مونږ باید د ژوند موخې لاسته راوړلو لپاره راوېښ شو تر څو مونږ په ژوند کې بریاليتوب ته ورسېږو. پدغه لیکنه کې مو درته د بریالیتوب اوو ۷ لوی رازونه په ګوته کړي.
د الله تعالی په یاد ساتل
که ژوند کې بریالیتوب غواړئ نو، همېش الله تعالی په یاد ساتئ. خپلو کارونو کې له الله تعالی څخه مرسته وغواړئ او همېش شکر ویستونکي اوسئ. د الله تعالی عبادت په هر ځای او هر وخت کې وکړئ.
ژمنتیا / باور
ډیری داسې کسان شته چې غواړي د ژوند پر ځای ورځې تیرې کړي. بریالي اشخاص وايي: “د بریالیتوب لپاره، تاسو باید په ژوند کې موخه وټاکۍ… او هم د دغې موخې ترلاسه کولو لپاره پر ځان باندې پوره ژمنتیا ولرئ.” ستاسو موخه کېدای شي چې ډیر لویه او هم د ډیر وخت غوښتونکې وي، دغه موخه به تاسو په خپله لاسته راوړئ.
پراخه ذهن درلودل
کله چې تاسو خپلې موخې تر لاسه کولو ته ژمن شوې، نو نړۍ به له تاسو سره موخې ته رسېدو کې مرسته کوي. لیکن دا هغه وخت ممکنه ده چې ستاسو ذهن پراخه وي او تاسو دغه تجربې عملي کړئ: “تاسو خپلې موخې له ځان سره همېشه په یاد وساتئ او په هغه چا چې باور پرې لرئ ورته ووایئ. دا به په ریښتا ډیر مرسته کوونکی کار وي چې تاسو د خپلو موخو ترلاسه کولو لپاره یو بل باوري شخص پیدا کړئ. “
ټینګار
مونږ کولی شو تر ټولو لویې موخې ترلاسه کړو چې دغه موخې مو په ذهن کې وساتو او ترلاسه کولو لپاره مو مثبت ګامونه پورته کړو. هیڅ پروا نه کوي چې تیر کې مو څه کړي او یا اوس څومره زیار وباسئ، ټینګار کولی شي چې تاسو ته ځواک درکړي. “کله چې تاسو پدې هڅه کې کوم خنډ سره مخ شوې نو په ځان ټینګار وکړئ او کوم څه چې موخه لرۍ هغه لپاره دوام وکړئ. ” ټینګار هغه څه دی چې تاسو ته ځواک درکوي تر څو کلکه مباره وکړئ.
ایمانداري
د لویو موخو پر ځای ځینې خلک کوچنیو موخو ته ترجیح ورکوي. ځینې وختونو کې داسې ستونزې رامنځته شي چې تاسو به د لویو موخو پرځای کوچنیو موخو ته ترجیح ورکوئ. لیکن چې ستونزې له منځه لاړې شي بیرته خپلو لویو موخو ته مو دوام ورکړئ: ” له همدې امله تاسو ایماندارۍ ته ضرورت لرئ – تاسو به هغه څه ترلاسه کوئ کوم چې مو موخه ټاکلې. تاسو خپل ژوند ته بدلون ورکول په حال کې یاست. “
منندوی / شکر ویستونکی
بریالي اشخاص وايي: ” مننه کول یا شکر ویستل، مستقاً د مثبت والي او منفي والي پورې تړاو لري.” بریالي اشخاص زیاتوي: ” دا ډیر اسانه دی چې تاسو خپل ژوند ته مثبته اوسئ او هم هغه کارونه چې سم روان وي تاسو یې په اړه یې له الله تعالی څخه شکر ویستونکي اوسئ. که چېرې دا تاسو لولئ نو تاسو به د مثبت والي په اړه ډیر څه زده کړي وي.
حوصله / صبر
په تیر کې، ډیری کسانو په کمو امکاناتو کې د لوړو ضرورتونو ترلاسه کولو لپاره ډیر وخت مصرفووه. مونږ او تاسو باید پدې ډیرو امکاناتوکې باید پر مخ واړندې لاړ شو: ” ستاسو د زړه په ژوره برخه کې، یوه هیله ده، کوم چې به تاسو ته خوشحالي، بریالیتوب او هر هغه څه چې تاسو یې په اړه فکر کوې لاسته راوړي. ” نو حوصله وساتئ. پدې اړه یو متل هم دی چې وایي: ” لوی کارونه لوی وختونه نیسي. ” الله تعالی د صابرانو ملګری دی.
پایله:
په هر حالت کې، دا ډیره ښه خبره ده چې په یاد وساتو چې ژوند زمونږ دی او هر څنګه یې چې وغواړو جوړولی یې شو: ” هیڅکله داسې غلطي ونکړي چې ووايۍ ژوند زما لپاره هیڅ هدف نلري. ” په یاد ولرئ ، چې تاسو د یو ځل لپاره پدې نړۍ کې یاست. دغه ستا اوسنۍ ژوند دی. نو ځان ته ډاډ ورکړئ چې تاسو د څه لپاره پیدا شوي یاست، څنګه ژوند غوره کوئ، څه موخې مو لاسته راوړل غواړئ او نور به څه کوئ.