هغه نزاکتونه چې مېلمه باید پام ورته وکړي!

Riaz Muqamzai
Riaz Muqamzai
Author
1 min read
3,204
هغه نزاکتونه چې مېلمه باید پام ورته وکړي!

لیکنه ـ ریاض مقامزی  

انسان د خپل ټولنیز ژوند له کبله مجبور وي، چې په بېلابېلو مجالسو کې ګډون وکړي او له بېلابېلو خلکو سره اړیکې ولري. له همدې امله ځينې وخت د نورو کره مېلمه کېږي هم؛ خو دا باید هېره نه کړو، چې هر ځای تلل خپل اصول، آداب او نزاکتونه لري. نو که تاسو هم چا کره مېلمانه کېږئ، دا لارښوونې حتما عملي کړئ.  

لومړی| ځان ډاډه کړئ!

تر هر څه لومړی باید د کوربه پر وضعیت ځان ډاډه کړئ. په دې برخه کې څو خبرې مهمې دي. لومړی باید وپوهېږئ، چې مېلمه په اقتصادي لحاظ دې ته چمتو دی او که نه، چې ستاسو کوربتوب وکړي. که مقابل لوری بد اقتصادي حالت لري، نو له ورتللو ډډه وکړئ او یا هم په داسې وخت کې ورشئ، چې پر مصارفو مجبور نه شي.

په دویم قدم کې د مېلمه پر اوزګارتیا/نا اوزګارتیا ځان وپوهوئ. ددې ګټه دا ده، چې تاسو به د نورو ورځني فعالیتونه له خنډ او ځنډ سره نه وي مخ کړي. همدارنګه پر دې هم پوه شئ، چې کوربه مو د مېلمنو لپاره ځای لري او که نا. دا ټول هغه مسایل دي، چې باید له وړاندې پرې ځان پوه کړئ.  

دویم| یو څه ور وړئ!

که تاسو چا کره مېلمانه کېږئ، نو حتما یو څه له ځان سره یوسئ. په ځانګړې توګه که مېوې وروړئ نو ډېره به ښه وي؛ خو په دې شرط چې ستاسو اقتصادي وضعیت هم لږ ښه وي او دا چاره ستاسو نور مهم کارونه له خنډ سره نه مخ کوي. نو د یو ښه مېلمه په توګه تش لاس مه ورځئ!  

درېیم| کور ته په داخلېدو کې احتیاط وکړئ!

کله چې د کوربه مېنې (کور) ته ورسېدئ، نو کور ته یې په داخلېدو کې باید پام وکړئ. لومړی پرېږدئ چې کوربه داخل شي. د نوموړي له داخلېدو وروسته تاسو راسا مه ځئ. باید وپوښتئ "درشم؟" که ځواب یې هو وي نو بیا ورشئ؛ خو پرته له دې چې هاخوا دېخوا نظر واچوئ. راسا د مېلمه پل تعقیب کړئ او په هغه پسې ولاړ شئ.  

څلورم| د کوربه په خوښه ځای وټاکئ!

کله چې حجرې/کوټې ته داخل شوئ، نو منتظر شئ، چې کوربه تاسو ته د کښېناستلو ځای وټاکي. کله چې کوربه له تاسو څخه په کوم ځای کې د کښېناستلو غوښتنه وکړي هملته کښېنئ. ددې کار حکمت دا دی، چې شاید کوربه غواړي د کور ځینو ساحو ته ستاسو شا کړي او ستاسو د سترګو له نظره لرې وساتي؛ نو پر دې اساس پرېږدئ چې کوربه درته ځای وټاکي.  

پنځم| تجسس مه کوئ!

په حجره کې تر ناستې وروسته، هغه پوښتنې هېڅکله مه کوئ، چې مهمې نه وي. "کور مو خپل دی؟"، "ولې مو دلته کور جوړ کړی؟"، "د کوټې رنګ ولې داسې دی؟" او ورته نورې پوښتنې مه کوئ. شاید د اعتماد/اړیکې په جوړېدو سره کوربه پخپله دا ټولې پوښتنې درځواب کړي. همدارنګه خپل نظر تر کنټرول لاندې وساتئ. په ځانګړې توګه هغه طرف ته بېخي مه ګورئ، کومه خوا چې د کور خونې/اطاقونه وي.  

شپږم| د خوړو ستاینه وکړئ!

که ډوډۍ مو وخوړه؛ نو د خوړو د خوند ستاینه حتما وکړئ. دا کار کوربه ته خوښي ورکوي او ستاسو د بیا راتلو هیله به کوي. که د خوړو ستاینه کوئ ستاسو هېڅ هم نه کمېږي؛ مګر برعکس یو یا څو انسانانو ته خوښي ورکوئ.  

اووم| مننه ترې وکړئ!

د تللو په وخت کې د کوربه د ټولو زحمتونو قدردانی وکړئ او ډېره مننه ترې وکړئ. همدارنګه د زحمتونو بخښنه هم ترې وغواړئ. دا کار فقط په څو ساده الفاظو کېږي؛ خو اغېز یې خورا زیات دی. 

0 Comments

Sign in to leave a comment.

No comments yet. Be the first to share your thoughts.

Related Articles

3 articles
د دجال له فتنې څنګه په امان شو؟
Pashto
Aug 27, 2022
2,959 views

د دجال له فتنې څنګه په امان شو؟

د دجال له فتنې څنګه په امان شو؟ اکثره خلک د هرې جمعې په ورځ د کهف مبارک سورت لولي ترڅو د دجال له لویې فتنې په امان شي، په همدې خاطر غواړم د دې سورت په اړه تاسو درنو لوستونکو ته معلومات وړاندې کړم. کهف سورت د قران کريم په پنځلسمه سپاره کې ١٨ سورت دى...

Written by Hasibullah Ashna Read more
لمریز تختې څنګه برېښنا تولیدوي
Pashto
Jul 18, 2024
3,732 views
1

لمریز تختې څنګه برېښنا تولیدوي

لمریز تختې څنګه برېښنا تولیدوي؟ سولر پینلونه د فوتوولټیک (PV) حجراتو څخه جوړ شوي چې د لمر وړانګې جذبوي. کله چې د لمر فوتونونه دې حجراتو سره ټکر وکړي، الکترونونه خوشې کېږي او په پېنل کې د برېښنا جریان په شکل حرکت کوي. معنی دا چې سولر د لمر رڼا ته اړتی...

Written by Faridon Delsoz Read more
د برنارډ شاو پېژندنه او غوره ويناوې
Pashto
Nov 27, 2020
4,234 views

د برنارډ شاو پېژندنه او غوره ويناوې

ددې ستر آیرلینډي لیکوال بشپړ نوم جورج برنارډ شاو "Georg Bernard Shaw" دی. د انګلېسي ادبیاتو په ډرامه لیکونکو کې د لومړي قطار له کسانو څخه شمېرل کېږي. نوموړی په "۱۸۵۶م" کال د آيرلینډ په مرکز دوبلین کې دې نړۍ ته سترګې وغړولې. دا چې کورنۍ یې ډېره غریبه...

Written by Riaz Muqamzai Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,403 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,126 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,881 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article