To start downloading books

Please sign in or create an account.

یوه جمله!!!

یوه جمله!!!

حکایت دی، چې یوې جوړې ته خدای له واده یوولس کاله وروسته زوی ورکړ. د دوی په کور کې چی بل کوچینی نه و، هلک بېخي ډېر نازېده. یو سهار چې د هلک پلار کار ته روان و، د دوا یو بوتل يې پرانیستی ولید. دا چې په ده ناوخته وه، نو په مېرمن يې اواز وکړ چې سر يې بند کړي. مېرمن يې چې په اشپزخانه کې بوخته وه، د بوتل بندول هېر کړل.  

د دوی زوی چې دغه وخت دوه کلن و، پرانیستی بوتل په سر واړاوه، ټوله دوا يې وڅښله هلک بېهوشه شو او په روغتون کې يې سا ورکړه. پلار چې په روغتون کې د خپل مړه زوی سر ته ولاړه مېرمن وليده، ورته ويې ويل: زه درسره یم، مه وارخطا کېږه!  په دې خبره کې دومره زور و، چې نه يوازې د زوی د غم په شپو کې بلکې ټول عمر يې ښځې ته نوی ژوند ورکړ او چې ښځې روحيه پيدا کړه د مېړه روحيه يې هم پياوړې شوه. په دې کور کې که څه هم يو ژوند ختم شو خو د مېړه يوې جملې پکې یو بل ژوند پیدا کړ.  

د حکایت درسونه

• په سختو وختونو کې د يو بل ملامتول نه بلکې يو بل ته لاس ورکول پکار دي.

• کله چې یوه پېښه کېږي ددې پر ځای چې د غلطۍ کوونکی ورټئ، ډاډ او روحیه ورکړئ. دا ځکه چې هغه غلطي شوې وي او په رټلو نه جبران کېږي.

• ستاسو یوه جمله کولای شي یو څوک خوښ او برعکس ناخوښ کړي؛ نو تل د خپلو خبرو خیال ساتئ.

• د روحیې او ډاډ په ورکولو سره تاسو هېڅکله کمزوری نه بلل کېږئ؛ برعکس ستاسو پر پياوړتيا دلالت کوي.  

• که تاسو یو چاته سختې او توهینوونکې خبرې وکړئ، کېدای دا کار د مقابل لوري جرأت، وړتیاوې او پرمختګ ته زیان ورسوي؛ نو هېڅکله چاته سختې خبرې مه کوئ.

• د ستونزو پر مهال یو چاته ډاډ ورکول مقابل لوري ته د پياوړتيا او با اهیمتۍ احساس ورکوي. تاسو همداسې وکړئ. دا کار ستاسو د مینې ترمنځ د مینې او ټينګې اړیکې سبب کېږي. 

Related Articles

اخماتووا؛ شاعره، ژباړنه او کره کتونکې!

د ادبیاتو په نړۍ کې د نارینه وو ترڅنګ مېرمنو هم خپله برخه زیار او زحمت ویستی، چې له دې ډلې یې د اخماتووا نوم هم ځلانده دی. د لیکنې تر پایه به یې په اړه لا ډېر معلومات ترلاسه کړئ.    پېژندنه د روسيې ددې نوموتې ژباړنه، شاعره، لیکواله او کره کتونکې بشپړ نوم انا اخماتووا (Anna Akhmatova) دی. نوموړې د اوسني اوکراین د "ادیسې" په ساحلي ښار کې زېږېدلې د...

امام بخاري رحمه الله

امام بخاري رحمه اللههغه شخصیت چې د قرآن عظیم الشان څخه وروسته  د احادیثو تر ټول صحیح او دقیق کتاب صحیح البخاري یې لیکلی.  هغه څوک چې کله یې له کتاب څخه څوک کوم حدیث بیان کړي نو کره والي او ثبوت ته یې نوره اړتیا نه وي. هغه شخصیت چې داسې احادیث یې راجمع کړي چې د نبي علیه السلام په مبارکو شونډو او مبارکه خوله بیان شوي او هغه شخصیت چې تر قیامته به یې...

له مورنۍ ژبې پرته، په بله ژبه لیکل

په انګلیسي کې د لیکلو مهارت مو لوړ کړئ!له مورنۍ ژبې پرته، په بله ژبه لیکل یو څه ستونزمن کار دی او زمونږ ځوانان په دې برخه کې ډېرې ستونزې لري. دا ستونزې ډېرې د ژبو د ګرامر له اړخه وي ځکه املايي ستونزه د کمپیوټر پروګرامونه په اتومات ډول اصلاح کوي. دا چې د انګلیسي ژبې، غیراصلي کارونکي ډېر دي، له همدې امله ورته ګڼ شمېر پروګرامونه چوړ شوي تر څو پرې لیکل...

Recommended Articles

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...

له وخت څخه مخکي مو ويښتان ولي سپينږي درملنه يې څه ده؟

په تيرو وختونو کې به سيپن ويښتان د زړښت نښه بلل کيده خو اوس داسي نه ده بلکي د ډيرو پيغلو او ځوانانو ويښتان سپين دي. که تاسو هم له دې ستونزي څخه ځورپږي يعني د سر ويښتان مو مخکي له وخت څخه سيين شوي نو حتمن مو په بدن کې ځيني پيچلي بيلوژيکي ستونزي شته ، بايد درملنه يې وکړئ. اوس ډير وخت ليدل کيږي چې آن ۱۶ کلن تنکي ځوانانو هم د ويښتانو د سپيندو په لور ر...