له انګليسي ښکېلاک څخه د ازادۍ اخيستونکي (غازي امان الله خان) ځینې مهمې ویناوې
- تر څو چې مېرمنې باسواده نه شي سالم ماشوم ټولنې ته نه شي وړاندې کولی.
- که د خپل پلار لاس مې هم په ناحقه وینو سور وي نو چوکۍ به یې یوې خواته کړم او مجرم ته به سزا ورکړم.
- زموږ هېواد ناروغه دی راځئ چې موږ د یو طبیب دنده ادا کړو او د خپل هېواد درملنه وکړو.
- نالوستی ملت هیڅکله خپلواک نه شي پاتې کېدلای.
- که تاسې عالمان او پوهان شئ هېڅوک ستاسې په حقونو تجاوز نه شي کولی.
- ستروالی په قدرت کې نشته؛ بلکې د ستاسو په هوښیارۍ او سپېڅلتیا کې دی.
- قلم په لاس کې واخلئ او تعلیم وکړئ.
- که تاسې عالمان او پوهان شئ هېڅوک ستاسې په حقونو تجاوز نه شي کولی.
- خدای پاک هغه چا ته خپلواکي ورکړي چې لټون یې کوي.
- ملت د یو ناروغ حیثیت لري او پاچا د یو طبیب که چېرې د ناروغ درد دوا نه کړي نو طبیب نه دی.
- تر ټولو با شرفه خدمت د خپل هېواد لپاره د عسکرۍ خدمت دی. ما ته تر ټولو با عزته زما عسکر دي؛ همدوی دې هېواد ته خپلواکي بخښلې ده او ددې هېواد رښتیني بچیان دي.
- ما تر مړينې وروسته هلته (افغانستان) یوسئ ځکه چې په ژوند مې د خپل هېواد کتل په نصیب نه شو؛ مګر زما تابوت هندوکش، پامیر او بلخ ته ویسئ. ځکه چې دغه درې نومونه به د ټولو نړېوالو پوښتنو، ځواب ووایي.
ټولونه - ریاض مقامزی
