سرحوض بند - فاریاب

۱۶.  د سرحوض بند - فاریاب:
دا بند د میمنې ښار څخه ۵۵ کیلومتره لېرې په سویل کې موقیعت لري. چې د ګوګل مپ انځورونو په ۳۵.۶۰۵۴۱۶ او ۶۴.۸۰۶۱۷۶ کوردیناتو کې د لیدو وړ دی. 
بند د سنګ کارۍ، پخو خښتو او مصالې څخه جوړ شوی ۱۰.۴ متره لوړوالی او د ۱۰۰ مترو شاوخوا اوږدوالی لري. د اوبو زېرمه یې ۴۰ میلیون مترمکعبه ښودل شوې (ممکن صحیح نه وي. نوټ: صحیح یې ٥ میلیونه ده). د بند په جنوبي خوا کې لویه پرچاوه شته چې له زېرمې ډېرې اوبه لاندې خوا ته لېږدوي. همدارنګه له بند کښته نرۍ دره موقیعت لري چې په کې کرنه شته او د بند اوبه په کې د میمنې ښار ته بهېږي. 
د افغانستان په دې سیمه کې د نورو حوزو په پرتله اوبه لږ دي. له همدې کبله بند د پسرلي په موسم کې د باران او واورې ویلې کېدو څخه اوبه اخلي او د کال په اوږدو کې یې لاندې خوا ته تنظیموي. 
دا چې بند زوړ دی، د جوړېدو په اړه یې متناقض روایات راغلي. ځینې فاریاب میشتي لیکوالان یې د جوړېدو نیټه ۱۴۰۴ میلادي کال د شاهرخ میرزا پیر ښيي. او د امیر عبدالرحمن خان په زمانه کې د تخریب له امله یې بیارغونه د پنجده د جکړې قومندان غازي امین الله لوګري لخوا بولي. خو ځینې نور یې بیا د غازي امین الله لوګري نیټه د پیل جوړېدل بولي. د دې ټولو سربېره، د برېښنا شرکت په ویبپاڼه کې د بند جوړېدو کال ۱۹۲۷ ښودل شوی. 
له انځورونو د بند وضعیت ښه ښکاري، له همدې امله ډېر ګمان کېږي چې ورستنۍ نیټه (۱۹۲۷ د ظاهر شاه د پاچاهۍ دوره) به د بند د جوړېدو کره نیټه وي. 
په هر حال د سرحوض بند د پشتونکوټ ولسوالۍ او میمنې ښار ته د اوبو په برابرولو کې مهم رول لري. په وروستیو کې د نا امنۍ له وجهې دولتي ځواکونه له دې سیمې په شاه شول.
د بند په خوا کې چې اطاقونه ښکاري، یو ځایي صحي کلنیک دی. 
نور بیا!
#دافغانستان_بندونه
https://twitter.com/assemmayar1