#آبي_نهنګ
#د_خلقت_يو_ستر_راز
د مځکي کُره کي تر ټولو لوي حيوان، چي تر اوسه پېژندل سوي د آبي نهنګ (Balaenoptera musculus) په نوم حيوان دي. بالغ آبي نهنګ اوږدوالي 30 متر ته رسيږي، چي وزن ئې له 170 څخه تر 180 ټنه پوري وي. يعني د آفريقا لوي وچي د 30 لويو فيلانو څخه يو آبي نهنګ جوړيږي!
د آبي نهنګ په باره کي معلومات هغه وخت کره سول، چي په 2015 م کال کي د کاناډا په سمندر کي يو آبي نهنګ جسد پيدا او څېړني پر وسوي. دغه حيوان تي لرونکو حيواناتو کي طبقه بندي کيږي بچي پيدا کوي او د سږو په واسطه تنفس کوي.
څېړنو وښوله، چي د آبي نهنګ زړه د نيم ټن په اندازه دي يعني د نړۍ تر ټولو لوي زړه بلل کيږي. د يو نيم متر په اندازه د آبي نهنګ زړه اوس هم د انتاريو سلطنتي موزيم کي موجود دي.
هم دارنګه بالغ آبي نهنګ په خپله خوله کي 90 ټنه اوبه ځايولای سي په داسي حال کي چي د ژبي وزن ئې 2.7 ټنه ده! په يوه ورځ کي څلور ټنه غذايي مواد په مصرف رسولای سي.
آبي نهنګ ډېر قوی ږغ توليدوي او تر ټولو ټيټ ږغ فريکونسي ئې کولای سي، چي په اوبو کي څو کيلو متره حرکت وکړي.
سبحان الله!
د الله (ج) د خلقت يوه ستره نمونه ده، جوړښت یې انسان د هغه پيدا کوونکي په اړه فکر کولو ته مجبوره کوي!
لیکنه: استاد محمد ویس "لعلي".
