#قسطنطنیه_تاریخ
د بازنطینې سلطنت په تاریخ کی د روم دارالخلافه قسطنطنیه اوسنی استامبول (ترکیه) 24 ځلې محاصره شوی ده، په 1204 میلادي کال باندي د څلورم صلیبي جنګ په جریان کې لومړی ځل پدغه ښار باندي د یورپ عیسایان قابض شول، په اسلامي تاریخ کې لومړی ځل دغه ښار د حضرت عثمانِ غني رضي اللّٰه عنه په خلافت کې محاصره شو ، دوهم ځل په 674 میلادي کال باندي د حضرتِ امیر معاویه په قومنده کې محاصره شو، دریم ځل په 717 میلادي کال باندي د بنو اُمیّه په دوره کې د خلیفه سلیمان بن عبدالملک په وختونو کې د هغه ورور مسلمه بن عبدالملک په قومنده کی محاصره شو ، لاکن د سلیمان بن عبدالملک له وفات کیدو وروسته دغه اوږد مهاله محاصره د حضرت عمر بن عبدالعزیز په امر باندي ختمه شوه
له دغه ناکامه محاصرې 700 کاله وروسته په عثماني خلافت 🇹🇷 کې قسطنطنیه درۍ ځلې بیا محاصره شوه، په 1396 میلادي کال باندي د سلطان بایزید یلدرم په قومنده کې عثماني لښکرونو محاصره کړه لاکن د سلطان بایزید او تیمورې حکمران امیر تیمور لنګ تر مابین د اختلافاتو او جګړې له کبله بایزید یلدرم ماتې وخوړه او دغه محاصره هم ناکامه شوه، دوهم ځل په 1422 میلادي کال باندي د سلطان مراد الثاني په قومنده کی د قسطنطنیه محاصره د عیسایانو له سخت مقاومت وروسته بیا ناکامه شوه
بالاخره 1453 میلادي کال باندي له 53 ورځې محاصری او خونړۍ جګړې وروسته د رسول اللّٰهﷺ د عظیم بشارت په تکمیل سره قسطنطنیه د مسلمانانو لاس ته ولویده، او 22 کلن عثماني جنرال (سلطان محمد) د یؤ فاتح په حیث قسطنطنیه ته داخل شو.
`````````````````````````````````````
✍🏻بقلمِ: نجیب اللہ عادل
