To start downloading books

Please sign in or create an account.

جاپان هیواد سکالرشیپونه

جاپان هیواد سکالرشیپونه

#جاپان هیواد د ماسټري او دوکتورا سکالرشیپونه! 
ټافل او ایېلټس ته اړتیا نلري. 
د مېکسټ MEXT سکالرشیپونه 

کابل کې د جاپان سفارت له لوري خبر ورکړل شوی دی چې د راتلونکی ۲۰۲۴ کال لپاره د MEXT سکالرشیپونو لپاره اپلیکېشنونه اخلي، دا سکالرشیپونه چې د نړۍ په کچه له مخکښو سکالرشیپونو ګڼل کېږي د جاپان دولت له لوري تمویلېږي. 

د یادولو وړ ده چې اپلیکېشن مو باید ډېر په دقیق ډول ډک او دوی ته د ایمېل له لارې ولېږئ. 

هېواد: جاپان 
د زده کړو کچه: ماسټري او دوکتورا 
د نوم لیکنې پای: د روان ۲۰۲۳ کال د جولای میاشتې ۱۵مه 

د سکالرشیپ امتیازات: 

دا سکالرشیپونه بشپړ وړیا دي او ټول لګښتونه به یې د MEXT له لوري ورکول کېږي؛ چې په لاندې ډول دي: 
•د اوسېدو لپاره د میاشتې ۱۴۰ زره جاپاني ین چې تقریباً زر ډالر کېږي. 
•د زده کړو فیس 
•جاپان ته د تګ لپاره لګښت 

د سکالرشیپ شرایط: 

•عمر مو له ۳۵ کلونو ډېر نه وي. (د ۱۹۸۹ کال د اپرېل میاشتې له دویمې نېټې څخه وروسته زیږېدلي وئ) 
•لږ تر لږه د لېسانس دورې سند ولرئ. 
•د افغانستان تابعیت ولرئ. (په دې مرحله کې پاسپورت حتمي ندی)
•فزیکي او رواني روغتیا 
•انګلیسي ژبه مو زده وي، خو د ټافل یا ایېلټس سند ته اړتیا نشته ده. 

لاندې سندونه مو تیار او دوی ته د ایمېل له لارې ولېږئ. 

اسناد: 

•اپلیکېشن فورم (له لاندې لېنک یې ډونلوډ کړئ)
•جاپان کې د اړونده څانګې او پوهنتون د لومړیتوب فورم یعنې تاسو مشخص کوئ چې که دې سکالرشیپ ته انتخابېږئ نو ستاسو لپاره به کوم پوهنتون او څانګه لومړیتوب ولري. (اړونده فورم له لاندې لېنک یې ډونلوډ کړئ)
•د زده کړو څانګه او ریسرچ پلان (معلومات او اړونده فورم یې له لاندې لېنک یې ډونلوډ کړئ)
•د نمرو ټرانسکرېپټ 
•د پوهنتون دیپلوم یا هم سرټیفیکېټ 
•ریکمنډېشن لېټر چې فارمټ به یې له لاندې لېنک ډونلوډ کړئ. 
•روغتیایي سرټیفیکېټ (فارمټ به یې له لاندې لېنک ډونلوډ او په یو روغتون کې یې تایید او ټاپه کړئ) 
•د انګلیسي ژبې اړوند که کوم سند ولرئ. 
پورته لیکل شوي سندونه تیار او ټول د دوی ایمېل ته د جولای میاشتې له ۱۵مې نېټې مخکې واستوئ. 

یادونه: د پوهنتونونو یو لېست چې د سفارت له لوري خپور شوی دی، لاندې د همدې پوسټ په کمېنټ کې موندلی شئ. 

د اسنادو د لېږلو ایمېل کوم چې د جاپان سفارت له لوري ورکړل شوی دی: 
ایمېل: 
japan.scholarship2024.af@gmail.com 

د پورته ذکر شویو فورمونو د ډونلوډ او نورو معلوماتو لپاره لاندې لېنک کلېک کړئ: 

https://www.studyinjapan.go.jp/en/smap-stopj-applications-research.html 

Win Scholarship

Related Articles

صوفي او بیزو

لیکنه ـ ریاض مقامزی   په یوه حکایت کې راځي چې، صوفي د ونې سيوري ته ناست و. بيزو د کوپرې ګوزار ورباندې وکړ. صوفي کوپره په ګورت کې ونيوله. د هغې د منځ شيدې/اوبه يې وڅښلې. کوپره يې وخوړه او د کوپرې له پوټکي يې ځانته کاسه جوړه کړه.   درسونه په نړۍ کې دوه ډوله انسانان ژوند کوي؛ عادي او عالي. کله چې له عادي انسانانو سره بد وشي، احساساتي کېږي او د ژ...

لرغونی یونان لا ډېر وپېژنئ!

لیکنه ـ ریاض مقامزی  د نړۍ د لرغونو هېوادنو په لړ کې د یونان نوم هم د یادولو وړ دی. ددې هېواد تاریخ له میلاده "۵۰۰۰" کاله پخوا پیلېږي. هغه لومړني قومونه چې په دغه خاوره کې مېشت شوي دي، عبارت دي له "آیونیان"، "دوریان" او یونیان".  د تاریخي څېړنو نظریه دا ده، چې یونان ته لومړني ورغلي خلک آسیایان وو، چې دا مهاجرت له میلاده پنځه زره کاله مخکې ترسره ش...

د شودو په اړه هغه څه چې باید پرې پوه شئ

خدای پاک چې دمخلوقاتو لپاره څومره نعمتونه پیدا کړي شودو په کې لومړی مقام او ځانکړی غوره والی تر لاسه کړی پخوانیو خلکو به شودي او هغه څه چې له شودو څخه جوړېږي لکه کوچ، ماستې، تروې او غوړي ډیر کارول چې د اوسنیو ارپايي څیړونکو په اند د هغوی غټوالی، پیاوړتیا او ځواکمني هم له همدې امله وه. یو اروپایي ډاکتر شودې په داسې ډول راپیژني: که له ما ځینې وپوښت...

Recommended Articles

د وينا پر مهال د ويرې ختمولو 27 ګټورې لارې

هغوى چې په سټيج باندې عونډو، سيمنارونو، ټولګي او حتى د ملګرو سره په مخامخ خبرو پر مهال ويره احساسوي دوى عمومآ د Glossophobia په اروايي ناروغۍ اخته دي، چې د خبرو دغه ويره د مرګ له ويرې هم سخته ده چې ستاسو مسلکي او شخصي ژوند زيان رسولى شي. ددغې ويرې پر مهال ستاسو بدن ريږدي، لاسونه مو خولې کيږي، زړه ضربان مو زياتيږي، چې په تجارت او د ژوند په نورو اړخ...

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...

له مطالعې سره څنګه ځان عادت کړو؟

لیکنه ـ ریاض مقامزی د هر لوستي ځوان لپاره دوامداره مطالعه ډېره اړينه او مهمه ده. که تاسو دوامداره مطالعه کوئ، ذهن به مو فعال وي او هېڅکله به په وینا کې له بندښت سره مخ نه شئ. ددې ترڅنګ مطالعه ګڼې نورې ګټې هم لري. موږ نه غواړو، چې تاسو ته د مطالعې پر ارزښت وغږېږو. یوازې غواړو، تاسو ته ددې لارښوونه وکړو، چې څنګه دوامداره مطالعه خپل عادت وګرځوو. آیا...