د مضبوط او دوامداره کانکریټي ساختمان جوړولو لپاره پنځه اړینې خبرې.
یو مداومت لرونکی اوسپنیز کانکریټي ساختمان څنګه جوړ کړو.How to
Build A Durable RCC Structure
کانکریټ حیرانونکي ودانیزه مواد دي،خو ددې لپاره چې کانکریټ ډیر عمر ولري او مضبوط وي لاندې پنخه اساسي عناصرو ته باید پام وشي.
• د ساحې څیړنه .
• ساختماني ډيزاین .
• د موادو غوره او مخلوطول.
• په احتیاط سمبالول او
• دوامداره مراقبت.
لومړی. د ساحې څېړنه. . Site Investigation:
فرض کړه ته پلان لرې کوم ساختمان له کانکریټو جوړ کړې ،حتی وړوکی ساختمان وي. هرډول ساختمان چې غواړې جوړ یې کړې لومړی باید د هغې خمکې په اړه پوه شي چې دا پرې جوړول غواړې.د ځمکې دحالت او نوعیت باندې پوهېدل تاسره مرسته وي چې ساختمان سم ډیزاین کړې او هم ورته سم ودانیز مواد غوره کړې.
دلته باید څو خبرو ته پام وشي.
د موقیعت مناسبوالی. ایا دا ځای د همدې ساختمان لپاره مناسب دی او که نه.اودا ځمکه هغه څه برداشت کولی شي چې ته یې پرې جوړول غواړې؟
د تهداب ارزونه.ایادا ځمکه کولی شي پرې واردیدونکي بارونه په مطمن ډول اتکا کړي.
د چاپیریال فکتورونه. ایا په ساحه کې داسې څه ممکنه قوې او مواد شته چی کانکریټو ته زیان اړونکي وي؟د بیلګې په توګه ته باید هلته دکیمیاوي موادو په اړه پلټنه وکړې چې کانکریټو ته زیان رسوي. معمولا اوبه داسې ماده ده چې دداسې زیان رسونکو موادو په انتقال کې مرسته کوي په ځانګړي ډول کله چې دا مواد د کانکریټو درزونو ته ننوځي.
دوییم .د ساختمان ډيزاین. Designing the Structure
دساختمان ډیزاین یوازې د ساحې سکیچ پلانونو جوړول نه دي،ډیزاین دادی چې ډآډ ترلاسه کړې دا ساختمان مضبوط او خوندي دي او که نه؟.په دې پړاو کې اړوند مسلکي انجینران د ساحې ټول مالومات راټولوي او د هغې له مخې یو منظم پلان ترتیبوي.که ډیزاین سم ترسره نه شي نو کیدای شي ساختمان درزونه وکړي یا هم مکمل چپه شي.په ډیزاین کې معمولا لاندې اجزاوې شاملې وي.
خوندیتوب. خوندیتوب په دې معنی چې ډاډ ترلاسه کړې چې ساختمان کولی شي په مطمن شکل ټول وارده بارونه زغملی شي.
دکارګرو او ماشینونو په پام کې نیول. د هغو ټولو خلکو په اړه باید فکر وکړۍ چې دا ساختمان جوړوي او دا هم فکر وکړۍ دوی کوم وسایل او ماشینونه کاروي.یو ښه ډیزاینر هغه دی چې ساختمان جوړولو پروسه اسانه کوي.
درېیم .د موادو غوره او مخلوطول. Selection of Materials and Mix:
د سمو موادو ترلاسه کول او د هغوي مخلوطول یوه حیاتي مسله ده.په دې مرحله کې یوه کوچنۍ تېروتنه هم کولی شي وروسته لوېې لویی ستونزې منځ ته راوړي.که د موادو د کیفیت په اړه ډاډه نه یاست نو باید په موادو ازمایښتونه ترسره شي.دلته باید په دوه خبرو تمرکز وشي .لومړی دسمو موادو غوره کول لکه تیګه ،سیمنټ ،جغل شګه اونور.دویم د موادو ښه مخلوطول .
څلورم . کانکریټو او موادو سمبالولو کې طرزکار. Workmanship in Handling Materials and Concrete:
په یاد ولرۍ چې تاسې څومره ښه کانکریټ جوړ کړۍ چې په ساحه کې هغه سم سمبال نه شي نو دا مکمل ضایع کیږي.داچې کانکریټ او مواد څنګه سمبال شي دا ډیره مهمه ده .دلته وړه تېروتنه لویه ستونزه جوړولی شي. د موادو سمبالولو کې د موادو سم پیمانه کول ،مخلوطول ،ځای په ځای کول او بیا اوبه ورکول شاملیږي.
پنځم . حفظ او مراقبت. Maintenance:
کله چې ستاسې ساختمان مکمل جوړ شې ستاسې دنده لا ختمه نه ده.تاسې باید ساختمان په دوامداره شکل چک کړۍ او که کومه ستونزه په کې پیدا شوې وي هغه بیرته ورغوۍ .
انجینر فرید عاطف
