خلاصه
دغه علمي، سياسي او څېړنېزه لېکنه د آمريکا او بريټانيا د دوه ګوندي سيسټم پر دلايلو باندې تمرکز کوي. آمريکا او بريټانيا هغه دوه هېوادونو څخه عبارت دی؛ چې د دوه ګوندي سيستم لرونکي دي. او د ديموکراسي او آزادۍ په برخه کې سرلارې هېوادونه شمېرل کېږي. چې په امريکا کې جمهوريت غوښتونکي او ډيموکراټ دوه مهم ګوندونه دي او بيا په بريټانيا کې کارګر او ډيموکراټ دوه مهم ګوندونه دي. خو د دوه ګوندي سيسټم د دلايلو په برخه کې هر هېواد ځانته دلايل لري. چې د هېوادونو تاريخي پس منظر او د هېوادونو سياسي جوړښتونو سره مستقيمه اړيکه لري. او دغه دوه عوامل د نورو عواملو ترڅنګ ددې باعث ګرځېدلي چې په امريکا او بريټانيا کې دوه ګوندي سيسټم مروج شي او همداسې دوام ولري.
اهميت: په دغه موضوع کې د بريټانيا او د آمريکا دوه ګوندي سيسټم په مقايسوي ډول څېړنه شوې ده؛ نو له همدې وجهې نه، د هېوادونو د دوه ګوندي سيسټم ورته والي او فرقونو پيدا کول، د سياسي اشخاصو، د سياسي محقيقونو لپاره، له لوړ سياسي- تحقيقي اهميت څخه برخورداره دی.
هدف: د آمريکا او بريټانيا د دوه ګوندي سيسټم عوامل پيدا کول، د دې هېوادونو د دوه ګوندي سيسټم د دلايلو پرتله کول او همدارنګه د دغو عواملو اغيزه پر درېمګړی ګوندونه باندې څېړنه د دې ليکنې اصلي هدف جوړوي.
تګلاره: د دغې موضوع په څېړنه کې له کتابتوني، تحليلي مقايسوي او د مناقشې ميتودونو څخه استفاده شوې ده. معلومات او اطلاعات مو په منظم ډول راټول او بيا په ښه شکل د مونوګراف په بڼه ځای پرځای کړی دی.
پايله: آمريکا او بريټانيا له دوه ګوندي سيسټم څخه ځانته بېل بېل عوامل لري؛ چې له مهمو عواملو څخه يو تاريخي عامل او بل تخنيکي عامل دی. تاريخي عاملو کې، آمريکا د خپل آزادی اخيستلو نه وروسته د دې هېواد د سياسي نظام پر څرنګوالي باندې بحثونه او لانجې رامنځته شوې. يوه ډله د فدرالي نظام طرفداره او بله ډله د رياستي نظام طرفداره وه. نو همدا باعث شو چې دوه مهمې ډلې په دوه مهم ګوندونه باندې بدله شي. خو په بريټانيا کې بيا د اشرافو او عوامو خلکو ترمنځ د عادي افرادو پر سياسي، ټولنيزه او انفرادي حقوقو باندې له پخوا څخه لانجې وي چې بلاخره په دې هېواد کې دوه ډلې رامنځته شوې يوه ډله اشراف وو او بله ډله عوام خلک. دغه دوه ډلې ورو ورو ځانته سياسي جوړښت اختيار کړ. او بلاخره دوه مهم ګوندونه رامنځته شو. خو ددې ترڅنګ بل عامل هغه د هېوادونو انتخاباتي سيسټم دی. د آمريکا په ولسمشريزه انتخاباتو کې او د بريتانيا کې په عمومي انتخاباتو کې له FPTP [First Past The Post] ساده اکثريتي انتخاباتي سيسټم څخه استقاده کېږي؛ چې ددې انتخاباتي سيسټم د ميکانيزم پر اساس يوازې دوه قوي ګوندونه د پرمختګ چانس لري او د دريمګړيو ګوندونو د تضعيف باعث ګرځي. نو دغه تاريخي عوامل او انتخاباتي عوامل ددې باعث ګرځېدلي چې په دغو هېوادونو کې دوه ګوندي سيسټم مروج شي.
