که ته نجلی يې او په موبېل دې له هلکانو سره اړيکې جوړې کړې وي، نو دا درته په راتلونکي کې ډېر لوی زيان رسوي.
هلکان زياتره وخت آزاد طبعيته وي او دوی په ډېره ښه طریقه له نجونو سره اړيکې جوړولی شي. ځيني هلکان داسې وي چې تاسره په ډېرو خبرو، مسجونو او زنګونو باندې ډېره ښه، ریښتينې او بریالۍ اړيکه جوړوي او ځيني بیا داسې وي چې ستا د غولولو لپاره هر ډول ممکنه لاره تاته لټوي او په هره موضوع کې دې د ځان تابع کوي.
بیا نو ته مجبوره يې؛ د هلک هرې خبرې او هرې غوښتنې ته چمتو واوسې او په اصتلاح د هغه تعابداره وګرځې.
خو ځيني هلکان بیا داسې وي چې چل او دوکه هیڅکله نه کوي، د هغوی ضمیر ډېر پاک وي او هر وارې چې تاته د خپل زړه خبره کوي نو تا په ريښتيني ډول غواړي او يوازېنی مقصد يې دا وي، چې ته يې ژوند ته راشې، کور یې جوړ کړې او په نکاح سره خپل ځان ورته تسليم کړې. دوی هيڅکله تاته د درواغو وعدې نه درکوي، دوی له خبرو ور هاخوا عمل ته ډېره توجو کوي او هر وخت يې دې ته بېړه وي چې خپله کورنۍ وهڅوي تر څو ستا مرکې ته درشي.
ریښتیني مئينان ستا په مينه ناکو خبرو او مسجونو د زړه ډاډ نه ترلاسه کوي، د هغوی ټوله تلوسه دې ته وي چې تا په خپل څنګ کې وويني او تا د خپل کور په ملکه بدله کړي.
زما ټولو نجونو ته دا پيغام دی؛ چې خپل وخت له هر چاسره مه بربادوئ، هر هلک ته خپل زړه مه سپارئ، د مال او دولت لپاره د هلکانو بې ځايه غوښتنې مه منئ، ته نجلی يې تاته اللّٰه پاک عزت درکړی، د دوه درې ورځو خوشحاليو لپاره خپله ټوله زندګي مه خرابوئ، که رښتیا مو هم زړه غواړي له یو چا سره اړيکه جوړه کړئ، نو کوشش وکړئ چې نکاح ورسره وکړئ او هلک دې ته وهڅوئ ترڅو خپله کورنۍ ستا د لاسته راوړلو لپاره تاسې کره در ولېږي.
که چېرې هم کوم هلک تا خوښوي (مينه درسره لري) او د هغه د واده مناسب وخت و، خو بیا يې هم له تاسره د واده نيت نه درلود، نو پوهه شه چې هغه يوازې له تاسره وخت تېروي او تاته يې د بل څه ګومان کړی دی.
داسې هلکان يوازې تا استعمالوي او په هره ممکنه لاره له تا څخه استعفاده کوي.
په دې هم بايد پوهه شې؛ که تا چېرې له يو چاسره په اړيکه کې خيانت کړی وي، دوکه دې ورکړې وي او داسې يو ځوان دې ځورولی وي، چې د هغه لپاره ته ټوله دنيا وې او غوښتل يې تاسره واده وکړي حتا تر دې پورې چې هغه ته خپلې کورنۍ ته هم معرفي کړې وې خو تا بیا هم رد کړی وي او د داسې يو انسان شا دې نيولي وي، چې هغه يوازې وعدې درکوي او په عمل کې هېڅ وي، نو پوهه شه چې د هغه غلامه شوې يې او په ښکاره ډول دوکه درکوي.
په پای کې بايد دومره ووايم، چې د هرې نجلی او هر هلک لپاره لومړنۍ مينه لومړنۍ آزموينه او موقع وي، دويم ځلي مينه او دويم نفر سره مينه يوازې او يوازې د وخت بربادي او چټي کار وي.
د فِکر پاڼې اډمین: ذاکر ځلان
