ازادۍ ته نذرانه شوي جوهري وجودونه، ټوټې او سوځيدلي غوښې ئې چې د برتو لخړن بوی پکې نغښتی ؤ، د قربانۍ په قدمونو کې ئې د آزادۍ زړورې ازانګې راوړي، د ظلم څخه د خلاصون لار مو وموندله چې ډېر نازولي سورتونه پرې وټوکيدل خو د ځان سره ئې د ازادۍ زمزمه شوي ځوان نسل ته زرين تاريخ پرېښود او دا د سکروټو په سرونو د مزل نتيجه چې د اېسار سيوری له آسمانه د خواږه او خوندور آرمان په لاسته راوړنې؛ وا ارزيده د تورتم په تيارو کې نغښتلي تر رڼاګانو کلي راغلل... هغه پلارونه او مورګانې چې دلته د خپلواکۍ په لار کې ړنګ قامتونو ته اوس هم د کور دروازې خلاصيدو ته انتظار دي، لطفاً ورسره مرسته وکړئ او د خپل ورک شوي بچې تشه که نه ډکيده ضرورت ئې ورپوره کړی چې د مجاهد مور او پلار د بيوسۍ او لاس نيوي خلاص شي، د خپلو ځانونو په ټوټو کې ورک شوي او تللي ياران له ياده مه باسئ! هغه کارونه چې د مجاهد په جامه کې د جهاد په ډګر کې ترسره کېږي له هغې سوی استفاده مکوئ! فکرونه ورغوئ او د ځان تصفيه وکړی له ناوړو لارو او کردارو کرکه وکړئ ځکه د جهاد او مجاهد جامه بايد بدرنګه نشي چې ستاسو په خاطر ترې څوک کرکه ونکړي، دغه دردونه چې لا هم د مجاهـ...د په سېنه کې پراته او د وجود زخمونه ئې بايد درک کړو او لدې نظامه په کلکه دفاع او د ساتلو هوډ پیاوړی کړو څومره نظامونه چې راغلي ټول د پرديو موخو لپاره وکارول شول خو دا خپل په قربانیو ترلاسه شوي اسلام سرداري بايد وساتو او د سرونو په نذرانه سره ترې ځانونه لوګي کړو.
- مخاليفينو او اختلافات ګرو ډلو ته وايم چې د مجاهد ماتول هغه خوب دی، چې ته ئې په ويښه ګوري، دا لنډغري ټوله په پردي پالنه پسې تړلي سلسله ده، خو اوس فکرونه جوړ سول او اولس نور نه غولیږي...
«مړ په نامه ښه دی، خو غلام نه په ژوند!»
«له مرګه ازادي تېره ده، خو ننګ تر مرګه لوی دی.»
موږ په مينه ځان لوګۍ کړ...
پام اېري مو خرڅي نکړئ!
د لوړ ارمان ارزښت مو ډېر دی
پام د وېنو قيمتي بلې ډېوي مو خرڅي نکړئ!
د سپين سبا ستوري بيا درومې
پام د پلونو نښانې مو خرڅې نکړئ!
د آزادۍ په زړورو ازانګو کې کوچيدلی يمه..،
پام خيانت ته د خدمت اسرې مو خرڅي نکړئ.
چې د تروږمۍ مزل په مينه کړي، تر داره
مخکښه دا د قربانیو قافلې مو خرڅه نکړئ!
