توره کرکۍ

Amin Hangam
Amin Hangam
Author
1 min read
72
توره کرکۍ

خپل سپین ټیکری یې پر سر سم کړ. د لویې المارۍ مخې ته ودرېده. ډول ډول کتابونه وو، خو هغې د یوه ځانګړي کتاب پسې ګرځېدله. کتاب یې راواخیست او په احتیاط یې د مکتب په بستې کې کېښود.

د لویې کړکۍ له لارې لمر وړانګې راننووتې او کوټه یې په نرمه رڼا رنګ کړه. هغې پر سره هوار شوی لاسي غالۍ قدم کېښود او پر هغه توشک کیناست چې د لمر وړانګې پرې لګېدې. بالښت ته یې تکیه وکړه. د هغې تکه تور کالي د رڼا په منځ کې لکه یو خاموش تضاد ایسیده.

                               ...

د سړي په تورو سترګو کې حیرانتیا لوستل کیده.

بې حوصلګي یې د هغه د حیرانتیا ځای نیوله.

سړي په خپل ږیړه لاس تېره کړه، ژوره ساه یې واخیسته او په دروند غږ یې وویل:لا حول ولاه... مه ژاړه، راته ووایه څه خبره ده؟

انجلۍ هیڅ نه ویل.

له تورو او معصومې سترګې یې اوښکې ورو بهېدلې او د مخ پر روښانه پوستکي یې نرې کرښې جوړولې.

د سړي د تندي ګونځې لا ژورې شوي .

حوصله یې ورو ورو ختمیده، خو بیا هم ځان کنټرول کړ او په ټيټ غږ یې وپوښتل: لورې، چا څه درته ويلي دي ؟

د سړي څېره ناڅاپه بدله شوه.

لکه څه چې ذهن ته ورغلي وي، په ډاډمن غږ یې وویل:آه...پوه سوم، نن خو ستاسو د مکتب وروستی امتحان وو...

د سړي خبره لا پای ته نه وه رسېدلې چې د انجلۍ ژړا لا پسې زور واخیست.

په همدې شېبه کې د کوټې دروازه ورو پرانستل شوه او یوه ځوان سړي راننوت.

په پوښتونکي نظر یې لومړی سړي ته، بیا انجلۍ ته وکتل.

څو ګامه مخکې راغی او د انجلۍ مخې ته کېناست.

د هغې له تندي راپریوتی د ویښتو نرې تار یې په نرمه ګوښه ګړ او په مهربان غږ یې وپوښتل: ښاپېرۍ... ګړانې، ولې ژاړې؟

انجلۍ پزه کش کړه. د سړي لاس یې په خپلو وړو لاسونو کې ټینګ ونیو، لکه چې ډوبېدونکی څوک له وروستي شی څخه ځان نیسي.

په ټیټ ، لړزېدلي غږ یې وویل: لالا... نن مدیرې صاحبې وویل چې نور مکتب ته مه راځئ.

سړي په یوه لاس د هغې اوښکې پاکې کړې.

په پوښتونکي او اندیښمن نظر یې ورته وکتل او په نرم غږ یې وویل: په دې کې د ژړا څه ده، ښاپېرۍ ؟ نن خو ستاسو د کلني ازموینې وروستی امتحان و ، نه ؟

ښاپېرۍ په مات غږ ځواب ورکړ:هو لالا... وروستی امتحان و.

مدیرې صاحبې وویل چې موږ نور مکتب ته نه سو راتلای...درس نه سو ويلای.

وايي نوی قانون دی.

د انجلۍ ژړا لا پسې زور واخیست.په زاریو يې وویل: لالا... ته هر څه کولای سې.ستا په یاد دي چې بابا هغه ګلابي نانځکه نه رارانیوه؟

په درې سوه وه... خو تا رارانیوه.

هغې شیبه چوپ شوه، بیا یې په مات غږ وویل: زه نور نانځکه نه غواړم.

نه د لوبو سامان، نه نوي کالي ،نه نوي څپلي، نه روزانه پیسې... هیڅ نه.

لالا ،ته زما د ژوند اتل یې.مه پریږده چې ارمانونه می ایرې شي .

زه یوازی غواړم مکتب ته لاړه سم... او درس ووایم.

د سړي سترګې له اوښکو ډکې وې او هېڅ نه ویل.

انجلۍ لا هم په ژړا کې وه، خو غږ یې بدل شوي و.

لالا... ستا په یاد دي ؟ ما درته ویلي وو چې غواړم تکړه لیکواله سم.

 نور یې نه غواړم.

هغې اوښکې پاکې کړې ، سترګې یې پورته کړې او په ټینګ غږ یې وویل: 

اوس غواړم ولسمشره سم .

داسې ولسمشره چی هیچاته اجازه ورنه کړی چی د نجونو مکتبونه وتړي.

                               ...

د کوټی هغه ژوندی فضا له منځه تللې وه.

سره غالۍ خپل رنګ له لاسه ورکړي وه.

په المارۍ کې دانه دانه کتابونه په دوړو پټ داسې ښکارېدل، لکه چې سل کاله شاتګ شوی وي.

خو تر ټولو عجيبه هغه توره پرده وه چې پر غټه کړکۍ راکش شوې وه؛ داسې پرده چې خونې ته یې د رڼا د ننوتلو اجازه نه ورکوله.

0 Comments

Sign in to leave a comment.

No comments yet. Be the first to share your thoughts.

Related Articles

3 articles
ذهني ستړیا څنګه له منځه یوسو؟
Pashto
Nov 17, 2021
2,894 views

ذهني ستړیا څنګه له منځه یوسو؟

په انسان کې یو له سختو ناروغیو څخه هم ذهني ستړیا ده ځکه چې انسان په دې حالت کې د فکر کولو وړتیا له لاسه ورکوي او خپل احساسات له نورو سره نشي شریکولی. چې دغه حالت انسان په فزیکي ستړیا او په ځینو نورو ناروغیو اخته کولی شي.ذهني ستړیا ډیر لاملونه لري چې...

Written by Shamshad Zaheer Read more
په موبایل کې د غږېدا اړوند مهمې لارښوونې
Pashto
Nov 08, 2021
5,081 views

په موبایل کې د غږېدا اړوند مهمې لارښوونې

لیکنه ـ ریاض مقامزی په ټولنیز ژوند کې د هرې چارې د ترسره کولو لپاره ځانګړي نزاکتونه او تګلارې وي. ددې آدابو موخه دا وي، چې کارونه په ښه شکل مخ ته لاړ شي او نورو ته د سرخوږي، مزاحمت او بې ادبۍ سبب نه شي. له همدې امله باید د موبایل کارولو لپاره هم ځين...

Written by Riaz Muqamzai Read more
له ماتې وروسته د بریا لټون څنګه وکړو؟
Pashto
Oct 29, 2021
4,313 views

له ماتې وروسته د بریا لټون څنګه وکړو؟

لیکنه ـ ریاض مقامزی انسانان د خپل ژوند په اوږدو کې له بېلابېلو حالتونو سره مخ کېږي. خوښي، خفګان، خندا، ژړا، بریا، ناکامي او ورته نور مسایل د انسان له ژوند سره تړلي دي. له همدې امله خو ویل کېږي، چې انساني ژوند د اضدادو ټولګه ده. پر دې ټول پوهېږو، چې...

Written by Riaz Muqamzai Read more

Recommended For You

وړیا PDF کتابونو معتبر سایټونه
Pashto
Jun 02, 2023
43,646 views
2

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Niazai Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
32,947 views
6

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,745 views
1

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article