To start downloading books

Please sign in or create an account.

د مالټو "لس" روغتيايي ګټې

د مالټو "لس" روغتيايي ګټې

مالټه د هغو مېوو په قطار کې راځي، چې نړۍ کې په پراخه پيمانه مصرفېږي. همدارنګه د ډېرو روغتيايي ګټو ترڅنګ ګڼ شمېر خلک یې د ښه خوند له کبله هم خوري. 
 د خوښۍ خبره دا ده، چې یاده مېوه په افغانستان کې هم ښه حاصلات ورکوي. په ځانګړې توګه د ننګرهار په څېر ګرمو سیمو کې یې حاصلات د پام وړ دي. دا چې اوس د همدې مېوې وخت دی نو موږ هم هڅه وکړه، چې تاسو ته یې پر روغتيايي ګټو لیکنه وکړو.

 لومړی ـ د ويني غوړ کموي
 مالټه په بدن کې د کلسترول کچه ټيټوي. یاده مېوه د نورو موادو ترڅنګ فیبر هم لري، چې فایبر په بدن کې د وينې د غوړ په کمښت کې رغنده رول لوبوي. تاسو کولای شئ د وينې د کلسترول په مقابل کې د وقايې په توګه له مالټو څخه ګټه واخلئ او په ورځني توګه یې مصرف وخورئ. 

 دویم ـ د زړه روغتيا مو تضمينوي
 مالټه له پوتاشيم څخه ډکه مېوه ده. دغه ماده ستاسو د زړه روغتيا تضمينوي. ځکه چې پوتاشیم د زړۀ د ښۀ فعالیت لپاره ګټور معدني مواد لري. کله چې په بدن کې د پوتاشیم کچه ډېره ټيته شي نو ستاسو د زړۀ فعالیت ټکنی کېږي او د زړۀ په ناروغيو د اخته کېدو خطر مو ډېرېږي. کوښښ وکړئ چې هره ورځ په کافي اندازه مالټې وخورئ او په دې توګه د خپل زړه فعالیت لا ښه کړئ. 

 درېيم ـ د بدن د دفاعي ځواک پياوړتيا
 مالټه مو په ناروغيو د اخته کېدو څخه ژغوري. دا چې مالټه په ډېره پيمانه ويټامين سي لري او یاده ماده د آزادو رادیکالونو د خنثی کولو په ترڅ کې د سلولونو حفاظت کوي، نو دا فعالیت تاسو د ناروغيو پر وړاندې پياوړی کوي. د بدن دفاعي ځواک ته مو قوت وربخښي.

 څلورم ـ د سترګو روغتيا
 مالټه مو د سترګو روغتيا ساتي. که تاسو هم د خپلې سترګې روغتيا ته پام کوئ د یادې مېوې خوړل مه هېروئ. مالټې له کارتنوئيد څخه ډکه مېوه ده، دغه ماده وروسته پر ويټامين A بدلېږي، چې یاد ويټامين ستاسو د سترګو لپاره مهم دي. همدارنګه ويټامين ای د سترګو دید ته قوت ورکوي. 

 پنځم ـ د وينې فشار
 د مالټې خوړل ستاسو د وينې د فشار په تنظيم کې ډېره مرسته کوي. په دې مېوه کې د فلاونوئيد هسپريدين په نوم ماده شتون لري، چې ستاسو د وينې فشار ډېر نورمال او منظم ساتي. که غواړئ د ټیټ او لوړ فشار له ستونزو سره مخ نه شئ، نو غذايي رژيم کې مو د مالټې ځای پر ځای کول باید هېڅکله هېر نه شي. 

 شپږم ـ ستاسو د پوستکي روغتيا ساتي 
 په مالټو کې د بتاکاروتن په نوم قوي انتي اکسيدان شتون لري، چې یاد آنټي اکسیدان د آزادو راډيکالونو پر وړاندې د بدن د پوټکي حفاظت کوي. په دې توګه ستاسو د ژر زړښت مخه هم نيسي او د پوستکي په روښانتيا کې هم مرسته کولای شي. 

 اووم ـ د وزن کمښت
 مالټه مرسته کوي، چې ستاسو وزن کم شي. دغه مېوه کمه کالوري انرژي لري او له فیبرو څخه ډکه ده. کله چې تاسو مالټه خورئ تر یوه وخته د مړښت احساس کوئ او له ډېر خوراک څخه پاتې کېږئ. په دې توګه یاده مېوه ستاسو د وزن په کموالي کې ګټور ثابتېږي. 

 اتم ـ د هډوکو پياوړتيا
 مالټه په پرېمانه کچه کلسیم لري، او کلسیم ستاسو د هډوکو پياوړتيا کې حیاتي رول لري. که تاسو په مناسبه اندازه مالټه وخورئ هډوکي به مو پياوړي شي. دده تر څنګ د غاښونو په روغتيا کې هم ګټور ثابتېږي.

 نهم ـ له فایبر څخه ډکه ده
 که چېرې غواړئ بدن ته مو په مناسبه اندازه فایبر ورسي، مالټو ته حتمن په غذايي رژيم کې ځای ورکړئ. هره ورځ یوه مالټه مو د بدن د اړتيا ۱۲% پوره کوي. ستاسو بدن باید د خپل اړتيا وړ مواد پوره کړي او که نا له روغتيايي ستونزو سره مخ کېږئ. 

 لسم ـ د خولې بد بويي
 په چای کې د مالټو پوټکي کارول، تاسو سره مرسته کوي چې د غاښونو روغتيا مو وساتي. همدارنګه د یوې مياشتې لپاره هره ورځ د مالټو يو ګيلاس چای څښل ستاسو د خولې بد بويي په کامله توګه له منځه وړي. که د خولې بد بويي لرئ همدا یې غوره نسخه ده.

Related Articles

رورولي --- (افسانه)----ليک :- محمد الياس طوطه کان ملاکنډ خيبر پښتونخوا

  سليم د مور په غېږه کښې وۀ چې پلار يې مړ شو اوس د هغۀ د پالنې ذمه واري د هغۀ د مشر رور جواد په اوږو راغله ـ جواد د خپل کشر رور سره دومره مينه لرله چې د هغۀ د لاسه يې وادۀ هم ځکه نۀ کولو چې هسې نه سبا راته ښځه د رور سره د ښېګړې په لار کښې خنډ جوړ شي ـ  جواد به په کلي کېښ د خټې ګټې مزدوري کوله او په خپل کشر رور سليم به ې سبق وئيلو ـ  سليم چې لسم پ...

د زلزلې له خطراتو څخه د ځان ژغورلو لارې چارې

ژباړه او زیاتونه - رياض مقامزی   زلزله له هغو طبيعي پېښو څخه شمېرل کېږي چې هر کال په نړۍ کې د ډېرو انسانانو ژوند اخلي. خو پوښتنه دا ده، چې کومو ټکو ته باید پام وشي تر څو د زلزلې له خطراتو په امان کې اوسو. پدې لیکنه کې پر همدې موضوع خبرې شوي دي.   لومړی| د ځای تر اخيستلو وړاندې فکر وکړئ! په ځینو سیمو کې خورا ډېرې زلزلې کېږي. يعنې په زلزلو مشهورې...

د لېړو روغتيايي ګټې

 ژباړه ـ ریاض مقامزی   لېړو له هغو سبزیجاتو څخه ده، چې د اوړي په موسم کې وده کوي. ګرمې سیمې یې د تولید او ودې تر ټولو مناسب ځایونه بلل کېږي. لکه د نورو ټولو خوړو او سبزیجاتو لېړو هم خپلې روغتيايي ګټې لري، چې ددې لیکنې تر پایه به پرې پوه شئ.  د لېړو غذایي ارزښت   کالوري ـ ۱۲۹  اوبه ـ ۹۰،۱۷ ګرامه   پروټين ۲،۰۰ ګرامه   غوړ ـ ۰،۱۰ ګرامه   کارب...

Recommended Articles

که مو ویښتان تویږي دا درې خواړه وخورئ

مهمه نه ده چې ويښتان مو اوږده، لنډ، صاف یا ګالګووتي او یا په هر شکل چې وي خو د ویښتانو تویدل یو داسې افت دی چې په ټولو راتللی شي. یوازېنۍ د خلاصون لاره ترې همدا ده چې اندیښنه کمه او کار ډیر وکړو. د ویښتانو تویدلو تر ټولو ستر او عام لاملونه اندیښنه، په بدن کې د ویښتانو پورې اړوند ویټامینونو کمښت، هورمونيکي ستونزې، بې کیفیته شامپو او نورو تولیداتو ک...

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو په څير کېله هم پريمانه کالوري لري چې د وزن د زياتوالي لامل کيږي په هره متوسطه کېله کې ۱۰۵ ګرامه کالو...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...