د مطالعې په جریان کې د فکري تمرکز لارې چارې

Riaz Muqamzai
Riaz Muqamzai
Author
1 min read
5,328
د مطالعې په جریان کې د فکري تمرکز لارې چارې

د ګټورې مطالعې لپاره تمرکز حياتي ارزښت لري. مګر له بده مرغه په اوسنۍ زمانه کې محیط داسې برابر شوی، چې زموږ فکري تمرکز ډېر ژر له منځه ځي. د موبایلونو، کمپيوټرونو، انټرنيټ او نورو عواملو له کبله انسان خپل تمرکز له لاسه ورکوي. خو له نېکه مرغه ځينې تګلارې شته، چې له موږ سره مرسته وکړي.
 دا مهمه ده، چې د مطالعې په وخت کې زموږ فکري تمرکز باید پر مطالعې وي. نو راځئ، چې په همدې اړه پوه شو!

 ۱. د مطالعې لپاره مناسب ځای وټاکئ

تر ټولو لومړی قدم مو باید همدا وي، چې د مطالعې په وخت کې د مناسب ځای په اړه فکر وکړئ. د مطالعې ځای ستاسو د زده کړې پر قوت او فکري تمرکز مستقیما اغېز لري. په دې برخه کې اړينه ده، چې ځينو لارښوونو ته پام وکړئ!
 ـ داسې ځای وټاکئ، چې په مناسبه اندازه رڼا ولري. که رڼا له اندازې ډېره یا کمه وي، ستاسو فکري تمرکز له مطالعې اوړي.
 ـ د مطالعې کوټه مو باید منظمه وي. که په کوټه کې مو د کتاب لپاره مېز او د ناستې لپاره چوکۍ درلوده، نېکمرغه یئ. همدارنګه که د مطالعې ځای مو ګډوډ او نامنظم وي، ستاسو تمرکز به هم په هماغه اندازه کم وي.
 ـ ځينې خلک عادت لري، چې د مطالعې په وخت کې یوې آرامې موسيقۍ ته هم غوږ شي. که تاسو هم دا عادت لرئ، کومه ستونزه نه ده. خو که تاسو یې له مطالعې ويستلئ د سندرې یا ميوزیک غږ ورو او یا یې بېخي بند کړئ.
 ـ داسې ځای وټاکئ، چې له شور او غوغا لرې وي. تر څو ستاسو د مطالعې مزاحمت و نه شي.

 ۲. ټول الکترونيکي وسايل بند کړئ

که غواړئ، چې د اوږدې مودې لپاره د تمرکز په طریقه پوه شئ، نو باید خپل ټول الکترونيکي وسايل بند او له ځانه لرې کړئ. خو که د ضرورت له مخې کمپيوټر نه بندوئ کومه ستونزه نشته.
 ـ الکترونيکي وسايل تاسو هڅوي، چې لاس ور وړئ او ګټه ترې واخلئ. په دې توګه ستاسو فکري تمرکز له مطالعې اوړي.
 ـ پيغامونه، زنګونه او د موبایل نوټيکفشنس غږونه هم ستاسو تمرکز له منځه وړي.

 ۳. یوه مطالعاتي تګلاره ولرئ

تاسو باید و ازمایئ، چې په کوم وخت کې ښه زده کړه کولای شئ. دا کار تاسو سره مرسته کوي، چې له مطالعې خوند واخلئ. خلک مختلف خصوصیات لري، ځينې خلک د ورځې او ځينې نور بیا د شپې له مطالعې خوند اخلي.
 ـ د خپلې علاقې وخت ته وګورئ او یو مهالوېش جوړ کړئ. خو باید د مطالعې په جریان کې دمې ته هم فکر وکړئ.
 ـ د مطالعې لپاره معلومه موده وټاکئ. مثلا تاسو کولای شئ، چې هره ورځ "۱۵" دقیقې مطالعې پيل کړئ. وروسته له څو ورځو کولای شئ دا موده ډېره کړئ.
 ـ له مطالعې وروسته د خپل فکر آرامولو لپاره ۱۰ يا ۱۵ دقیقې تفریح کولای شي، د مطالعې په وخت ستاسو تمرکز ته وده ورکړي.

 ۴. د مطالعې قوانين مراعات کړئ

په مطالعه کې د تمرکز زده کړه په دې معنا ده، چې تاسو باید د مطالعې قوانين مراعت کړئ. دا زده کړئ، چې بې ځايه فکرونه څنګه په شا و تمبوئ او خپل تمرکز پر خپلو زده کړو وکړئ.
 ـ هر کله چې فکر مو بلې خوا ته شو، خپل ځان ته ټکان ورکړئ او بېرته کتاب ته مخه کړئ.
 ـ حوصله ولرئ. تاسو باید د ژر بدلون تمه و نه کړئ. مطالعه په تاسو کې تغير راولي مګر په تدریجي توګه.
 ـ که د مطالعې په وخت کې مو مهمه موضوع ذهن ته راشي، پر کاغذ یې وليکئ او وروسته یې په اړه اقدامات وکړئ.

 ۵. په کافي اندازه خوب وکړئ
 که د مطالعې په وخت کې د تمرکز په راز پوهېدل غواړئ، لومړی باید پوه شئ، چې خپل خوب پوره کړئ. دا ښه خبره ده، چې ډېره مطالعه وکړئ مګر هېڅکله د مطالعې لپاره خپل خوب مه نيمګړی کوئ. څېړنو ښودلې ده، چې کم خوب د فکري تمرکز له منځه وړلو کې ستره ونډه لري. په یاد ولرئ:
 ـ ستاسو بدن په شپه او ورځ کې "۷ ـ ۸" ساعته خوب ته اړتيا لری.  دومره وخت خوب حتمي کړئ. باید ووایم، چې زیات خوب هم ستاسو روغتيا ته زیان رسوي.
 ـ کله چې د بې خوبۍ په وخه کې مطالعه کوئ، دا مطالعه نه ده، بلکې د وخت ضایع ده.
 ـ د شپې منظم خوب کول، تاسو سره مرسته کوي، چې مختلف مهارتونه ډېر ژر زده کړئ.

0 Comments

Sign in to leave a comment.

No comments yet. Be the first to share your thoughts.

Related Articles

3 articles
دا خواړه مو جنسي کمزوري ختمولای شي!
Pashto
Apr 15, 2022
5,283 views

دا خواړه مو جنسي کمزوري ختمولای شي!

ژباړه ـ ریاض مقامزی   انسان د جسمي او رواني آرامتيا ترڅنګ جنسي سکون ته هم اړتيا لري. مګر دا چاره هله ستونزمنه شي، چې انسان ته جنسي کمزورۍ ورپېښه شي؛ خو له نېکه مرغه ځینې خواړه مو له دې ستونزې ژغورلای شي. د لیکنې تر پایه به یې په اړه په بشپړ ډول پوه...

Written by Riaz Muqamzai Read more
شانس های اتفاقی
Pashto
Nov 16, 2020
2,903 views

شانس های اتفاقی

شانس های اتفاقی (معرفی کتاب) مصطفی عمرزی با چاپ و انتشار کتاب «احمد شاه مسعود به روایت همسرش»، آن رُخ سیاسی این پرونده نیز رونما شد که در سایه ی نیرو های خارجی، مثال ها دارد. ظاهراً نشان دادن چهره ی دیموکراتیک از تنظیم هایی که پس از سقوط طالبان، ه...

Written by Mustafa Omarzai Read more
بادرنګ او حيرانونکي ګټي يي
Pashto
Oct 03, 2020
7,607 views

بادرنګ او حيرانونکي ګټي يي

خبريال ويبپاڼه / بادرنګ د پوتاشيم په درلود سره د دويني د لوړ فشار د را ټيټولو لپاره تر ټول ښه دوا ده خو چې مالګه ورسره نه وي.جالبه دا ده چې بادرنګ د سينې د درد غاښونه او د کولمو د ناروغيو لپاره تر ټولو ګټور خواړه دي. د بادرنکو اوبو د پيس يا نقرس نارو...

Written by Ketabton Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,406 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,131 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,882 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article