له زړه تنګون څخه د خلاصي لاره!

Riaz Muqamzai
Riaz Muqamzai
Author
1 min read
9,003
له زړه تنګون څخه د خلاصي لاره!

لیکنه ـ ریاض مقامزی

زړه تنګون او خفګان په ټوله نړۍ کې یو اروايي ستونزه ګرځېدلې. ډېری وګړي د خفګان او زړه تنګون احساس لري. ددې حالت عوامل ډېر دي او په ټولو وګړو کې د یوې وجهې له امله نه وي. نو ځکه خو یې په یوه علت ټينګار ناسمه خبره ده. اقتصادي ستونزې، ټولنیز محدودیتونه، توقعات او ګڼ نور عوامل ددې سبب کېږي، چې په زړه تنګون اخته شو.
 په افغانستان کې هم دا یوه جدي رواني ستونزه ده. په ځانګړې توګه ځوانان له دې حالته ډېر ځورېږي. که تاسو هم یو له دغو کسانو یې مه خفه کېږئ! موږ تاسو ته ځينې حللارې ښيو، چې مرسته مو کولای شي.

 ۱. د راتلونکي په اړه اندېښنه مه کوئ!

ډېری وګړي له دې امله د زړه تنګون او ژور خفګان احساس کوي، چې د راتلونکي په اړه ډېره وېره لري. زموږ موخه دا نه ده، چې تاسو دې راتلونکی بېخي له پامه وغورځوئ او د خپلې ښې آيندې لپاره هېڅ کار و نه کړئ! بلکې موخه مو دا ده، چې خپل ځان په دې قانع کړئ، چې هر څه سم روان دي.
 یوه عمومي نظریه دا ده، چې تاسو باید خوشبین اوسئ. ځان ته ووايئ چې هر څه به هغسې وشي څنګه چې یې زه غواړم. ځان ته دا هم ووايئ، چې هر څه کېږي خو په خپل وخت سره؛ حقیقت هم همدا دی، هر څه په خپل وخت کې کېږي. هغه څه چې تاسو یې غواړئ ممکن اوس یې دا ښه وخت نه وي. ځکه چې انسان په خپل خیر او شر نه پوهېږي.
 همدارنګه تل کوښښ وکړئ، چې له اوس مهال څخه سمه ګټه واخلئ. تېر هېر کړئ او د راتلونکي په اړه مو مثبت نظر ولرئ.

 ۲. ځان بوخت وساتئ!

د زړه تنګون له منځه وړلو لپاره ارواپوهان یو بل وړانديز هم لري. دوی وايي تاسو باید ځان بوخت وساتئ تر څو د زړه له تنګوالي خلاص اوسئ. رښتيا هم همدا دي. کله چې یوازې یو ډېر ژر زړه تنګي کېږو. نو تل په یوه کار کې ځان بوخت کړئ، مطالعه وکړئ، قدم ووهئ، له نورو سره مرسته وکړئ او له نورو سالمو تګلارو ګټه واخلئ. هڅه وکړئ سالم مصروفيت ځان ته پيدا کړئ!

 ۳. د تېر په اړه فکر مه کوئ!

کله چې يو وخت تېر شي بېرته هېڅکله نه راګرځي. د تېر شوي وخت په اړه افسوس او تشویش بېځايه کار دی. دا کړنه ستاسو ذهني سکون او ارامي له منځه وړي. په دې توګه د زړه تنګون ور هاخوا نورې اروايي ناروغۍ هم پيدا کولای شي. که تاسو په تېر کې کوم څه ترلاسه نه کړل ووایئ الله ج راته له دې ښه وړانديز لري. ماته به ډېر څه راکړي. رښتیا هم خدای "ج" هغه څه کوي، چې د بنده خیر په کې وي.

۴. خيالي بریاوې ولرئ!

کله ناکله په يوه ډول هم له زړه تنګونه نه حلاصېږو نو بیا یوه تګلاره دا هم ده، چې تاسو داسې خيالي منظرې جوړې کړې، چې تاسو پکې خپلو موخو ته رسېدلي يئ او د خپلې خوښې ژوند لرئ. په دې توګه مو پام بدلېږي او د خفګان او زړه تنګون احساس به مو ختم شي.
 که څه هم دا خوښي لنډمهالې وي خو ستاسو فکر بدلولای شي. ددې کار تکرار ښه ندی. ځکه ممکن تاسو لټ کړي او د کار پر ځای به له خیاله ګټه اخلئ. یوازې ځينې وختونه له دې لارې ګټه واخلئ. 

۵. د خپلې خوښې فعالیت وکړئ! 

ځينې وخت پرته له کوم دلیله مو زړه تنګ وي، ددې لپاره چې دا حالت بدل کړئ خپل ذوق وپالئ. ممکن تاسو له کریکټ سره مینه ولرئ یا هم غواړئ چې فیلم وګورئ. ښه خبره ده، ورشئ او د خپل ذوق مطابق فعالیت وکړئ!
 په ځينو کړيو او چوکاټ کې را ایسار ژوند رښتيا هم ستړی کوونکی وي. خپل هغه ذوقونه وپالئ چې ستاسو خفګان پرې ختمېدای شي.

0 Comments

Sign in to leave a comment.

No comments yet. Be the first to share your thoughts.

Related Articles

3 articles
رحمان بابا ته منسوب الحاقي شعرونه
Pashto
Apr 03, 2021
10,300 views

رحمان بابا ته منسوب الحاقي شعرونه

ليکنه: عزيزالله مبارز رحمان بابا د خپل محبوبيت له مخې په پښتنو کې ډېر مشهور دی او شاعري يې د خلکو په خولو لکه د لنډۍ هسې جاري ده. د خلکو په خولو کې د رحمان بابا ځينې شعرونه او بيتونه مغالطه شوي دي، ځينې کلمې يې هم بدلې شوي دي او ځينې داسې بيتونه چې...

Written by Riaz Muqamzai Read more
ما وبښه خورې!
Pashto
Sep 04, 2022
2,327 views

ما وبښه خورې!

  ما وبښه خورې! لنډه کیسه لیکواله: شکېبا نادري     د دروازې کړپ شو، ځوان نارې کړې:  - مورې،  وه مورې! ډوډۍ تیاره ده؟ له مخامخ زاړه ور نه یوه ښایسته پېغله، راووته، ځوان ته یې وکتل: - هو لالا تیاره ده تاته په تمه وم. - ژر یې راوړه چې وږی یم....

Written by imranghani Read more
جرمني کښې په شخصي او لږ مصرف تحصیل
Pashto
May 28, 2023
1,710 views

جرمني کښې په شخصي او لږ مصرف تحصیل

په جرمني کښې په شخصي او لږ مصرف تحصیل: لکه څرنګه چې د بورسونو تعداد کم دی او ځینې دوستان په اقتصادی لحاظ دا وړتیا لري چې په بهر کښې په شخصي مصرف لوړې زده کړي وکړي نو ومې پتیله چې د شخصي مصارفو له لارې د لوړو زده کړو ښه او ارزانه فرصتونه درسره شریک ک...

Written by Faridon Delsoz Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,401 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,125 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,881 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article