To start downloading books

Please sign in or create an account.

Ketabton 4 years ago 2,160
څنګه غوره اقتصادي فیصلې وکړو؟

څنګه غوره اقتصادي فیصلې وکړو؟

پیسې ډېر خلک اندېښمنوي. د بي بي سي مختلفو پروګرامونو کې له مختلو کسانو سره خبر شوې چې تل د مالي پرېکړو پر مهال اندېښمن وي. دوی ډېرې پوښتنې لري. کله چې بانکي ګټه کمه وي، نو له ځان پوښتي په بچت څه وکړي.
دا مهال د استوګنځي اخیستلو غوره وخت دی؟ د پور بیه ټیټه شوې، خو د استوګنځي بیه هم ټیټه شوې؟ ایا پر هغه پانګونه باور وکړو چې پکې د ګټې ژمنه کېږي؟
د لند کالج پوهنتون د تجربي روانپوهنې یوې څېړنډلې هم په نوې څېړنه کې دا نظر تایید کړی دی.
د دوی موندنې ښيي چې لاندې نوملړ کې راغلې مسلې هغه څه دي چې په تړاو یې خلکو ته پرېکړې سختېږي.

- د کور اخیستل
- د کار بدلول
- د پیسو بچتولو ډول
- د بچت لګولو لپاره لار غوره کول لکه کور که ګاډی واخلم
- د ژوندی ملګری ټاکل یا واده کول

مالي پرېکړې ولې دومره سختې دي؟
د دې پروژې یو څېړونکی جوزف مارکز باوري دي چې دا سختي درې لاملونو سره تړلې ده:
"ښايي فکر وکړو چې تر کمو غوراویو ډېر غوراوي لا ښه دي، خو څېړنې وايي، ډېر غوراوي د باطني ټکر، اضطراب یا وېرې او په پایله کې د پرېکړې نه کولو سبب کېږي. "
ډېر غوراوي: ډېرو غوراویو کې سربدالېدل ناشوني نه دي. ځکه ډېرو غوراویو کې خلک تحلیل او شننه نشي کولی.
پېچلتیا: مالي پرېکړو کې غوراوي ارزول کېږي او پکار ده چې د هر غوراوي اړوند لوړې ژورې پوره وپېژنو. دا کار هغو خلکو ته هم اسان نه دی، چې اقتصاد یې لوستی عادي خلک خو ایسته پرېږده.
زړه نازړه توب: لویې اقتصادي پرېکړې قواعد او روښانه بهیر نه لري، خطر یا رېسک او د قاطېعیت یا پرېکند پرېکړې نشتوالی پکې وي او په دې دلیل دا وړاندوینه اسانه نه ده چې پایله به څه وي. د دې پرېکړود پایلو نامالومتوب سبب کېږي چې خلک دا ډول پرېکړې ونه کړي. موږ دا اندېښنه لرو چې پرېکړې به مو خامې وي، ښايي بچت شوې پیسې په اوبو لاهو کړو او له پېښماني پرته بل څه ونه لرو.

 

د مالي پرېکړو د اسانولو لپاره څه کولی شو؟
 دا پېژندل یو بحث دی چې کوم عوامل دا پرېکړې سختوي او د دې پرېکړو د ساده کولو کار هم بل بحث دی.
جوزف مارک د مالي پرېکړې په هکله دا پنځه مهم ټکي لري.


ستړیا کې پرېکړه مه کوئ
چې ستړي یاست د مالي مسلو په هکله پرېکړې مه کوئ، لږ صبر وکړئ چې د فکر وخت پیدا کړئ.
ذهني ستړیا کې ممکن سملاسي پرېکړه وشي ځکه غوره ده چې پرېکړه تر سبا یا د اونۍ رخصتیو ته وځنډوئ. له مهمو کاري یا ورزشي پروګرامونو لرې شئ. که مهمه پرېکړه په مخ کې لرئ خو بې انرژي یاست، له ۱۵ تر ۳۰ دقیقو ارام وکړئ. دې کار سره ستاسو مغز رغول کېږي.

د بدن ګړۍ مو وپېژنئ
د غوره پرېکړو کیلي په دې کې ده چې د بدن ګړۍ یا ساعت وپېژنئ؛ وپوهېږئ چې د ورځې که د شپې ډېر کارند یا فعال یاست.
"ورځ زېږ" کسان د ورځې اوږدو کې د پوهېدو ډېر توان لري، خو "شپه زېږ" کسان په شپه کې د پوهېدو ډېر توان لري، ځکه په هغو ګړیو کې د مهمو پرېکړو هڅه وکړئ چې تاسو پکې په خپل حال یاست.

 

د خپل ځان راضي کولو لپاره لږ دلایلو پسې وګرځئ
هغو کسانو ته پرېکړه لا سخته ده چې له اندازې ډېر فکر کوي. دا کسان تل اندېښمن وي چې سمه پرېکړه به وکړي که نه. که د خپل رضایت د احساس لپاره لږ تر لږه اړینو دلایلو پسې وګرځئ، نو پرېکړه کې مو وېره کمولی شي. ان که ټولې لارې بندې وې یو څوک پیدا کولی شئ چې ستاسو په ځای پرېکړه وکړي. که دا پرېکړې ځانګړې پوهه غواړي مسلکي کس ته یې وسپارئ چې د پرېکړې اړوند ناسم احساست مو کم کړي او تاسو ته ډاډ درکړي چې حالت کنټرول دی.

 

هر څه به اسان شي

ښه خبره دا ده چې پرېکړې د نورو شیانو په څېر د عمر او تجربې ډېرېدو سره اسانېږي.
دا ښکارنده هم د هغې پوهې او تجربې له امله ده چې د کلونو تېرېدو سره انسان ته پیدا کېږي.
د عمر تېرېدو سره د اوږدمهالې پرېکړې لپاره ستاسو مثبت احساست پاتې کېږي او ذهن مو لږ د پرېکړو د ممکنه پایلو په هکله له تاسو سره ښکېلېږي.
 

Related Articles

د حافظې د پیاوړتیا لارې چارې

لیکنه ـ ریاض مقامزی   په دې ورځو کې د خبرو، مسایلو او معلوماتو له یاده وتل یوه عامه ستونزه ګرځېدلې ده او ډېری خلک له دې ستونزې ځورېږي. همدارنګه ځينې نور خلک بیا شکایت کوي، چې له مطالعې وروسته نه پوهېږي چې څه یې ولوستل او په کتاب/مجله/لیکنه کې کومې خبرې وي. موږ همدې ستونزو ته په کتو خپلو قدرمنو لوستونکو ته دا لیکنه چمتو کړې ده، ترڅو په دې برخه کې...

لرغوني ځایونه، چهل زینه

لیکنه: شکېبا نادري، لرغوني ځایونه؛ چهل زینه کندهار د افغانستان له هغو ولایتونو څخه دی، چې د تاریخ په اوږدو کې د خپل موقعیت په خاطر د بېلابېلو واکمنیو ترمنځ د جنګ میدان ګرځېدلی دی، خو له نېکه مرغه زموږ غیرتي خلکو پردیو ته د دې اجازه نه ده ورکړې چې زموږ د ګران هېواد افغانستان دا با ارزښته برخه زموږ له نور هېواد څخه جلا کړي، تل یې د دې ځای د بیا نیول...

د آرام خوب لارې چارې

څېړني ښيي، چې پر له پسې بې خوبي بدې روغتيايي پايلې لري. بې خوبي د ژور خفګان، لټۍ، ګنګسيت، چاغوالي او نورو ګڼو ستونزو سبب کېدای شي. په همدې اساس اړينه ده، چې په کافي اندازه خوب خوب وکړو. ځينې خلک له بې خوبۍ شکایت کوي. په دې لیکنه کې ځينې لارې چارې شته، چې مرسته درسره وکړي.   ذهن مو آرام کړئ مخکې له دې چې د خوب بسترې ته لاړ شئ، د ځینو ساده تمریناتو...

Recommended Articles

کوم ډول خلک بايد کېله ونه خوري

که څه هم کېله ځيني ګڼې ګټي لري خو دغه ميوه ځينې عورايض او تاووانونه هم لري.چې په لاندي ډور ورته اشاره کوو. دغه خوږ ميوه د خپل ځانګړي خوند، او نرموالي له امله په ټوله نړۍ کې مشهوره ده. ګېله کوم ډول زيانونه لري. ۱: د وزن زياتوالی دـ ځينو نورو خوړو په څير کېله هم پريمانه کالوري لري چې د وزن د زياتوالي لامل کيږي په هره متوسطه کېله کې ۱۰۵ ګرامه کالو...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...