To start downloading books

Please sign in or create an account.

له ګاونډیانو سره په اړيکه کې کومو ټکو ته پام وکړو!؟

له ګاونډیانو سره په اړيکه کې کومو ټکو ته پام وکړو!؟

لیکنه ـ ریاض مقامزی

موږ ټول انسانان ټولنيز ژوند لرو؛ پخپل ورځني ژوند کې تل له نورو سره په اړيکه کې یو. په کورنۍ، کلي، ولسوالۍ، ولایت، کارځای، مکتب، پوهنتون او ګڼو نورو ځایونو کې اړ یو، چې خبرې وکړو او اړيکې وپالو.

یو له هغو خلکو سره چې موږ ورسره ډېرې نږدې اړيکې لرو، هغه زموږ ګاونډيان دی. هڅه مو باید دا وي، چې تل له نورو سره ښه رفتار ولرو. په دې لړ کې موږ باید له خپلو ګاونډيانو سره هم ښې او دوستانه اړيکې ولرو. په دې لیکنه کې پر دې همدې موضوع خبرې شوي دي. تاسو به د لیکنې تر پايه پوه شئ، چې له خپلو ګاونډيانو سره څنګه او ولې ښې او مناسبې اړيکې ولرئ.

 

۱ ـ ديني وجيبه

لکه څنګه چې موږ او تاسو ټول مسلمانان یو، نو تر ټولو لومړی دا زموږ دیني وجيبه ده، چې له خپلو ګاونډیانو سره دوستانه اړيکې ولرو. د اسلام مبارک دين تل پر هغو موضوعاتو ټينګار کړی، چې د بشر او ټولنې په خیر وي نو ځکه خو له ګاونډيانو سره نېکې اړيکې پالل اسلامي حکم دی او جدي پاملرنه باید ورته وشي. 

په دې توګه به هم ښه ټولنيز ژوند ولرو او هم به د آخرت له ثوابه برخمن شو. نو تل هڅه وکړئ، چې د دينې وجيبې په توګه دې موضوع ته جدي پاملرنه وکړئ.

 

۲ ـ وزغمئ!

ځينې وخت زموږ ګاونډيان ډېر شرپسنده خلک وي. یعنې تل به ترې ځورېږئ او ستونزې به درته جوړوي. تاسو څه فکر کوئ، په داسې وخت کې څه کول په کار دي؟

د ډېرو خلکو ځواب به دا وي، چې باید بدل واخيستل شي. خو نا! تاسو د یوه لوستي وګړي په توګه باید هېڅکله دا مفکوره و نه لرئ. کوښښ وکړئ صبر ولرئ او صابرین د الله "ج" له خاص رحمت برخمن دي. 

په سورة "والعصر" کې الله "ج" په وخت قسم یادوي، چې تاسو په تاوان کې یئ پرته له هغوی چې په حق او صبر توصیه کوي. 

ددې کار بله ګټه دا ده، چې تاسو به وکولای شئ خپل ګاونډيان تر خپلې اغېزې لاندې راولئ. ممکن له څو ځل ستونزو جوړولو وروسته وشرمېږي او په ښه لوري روان شي.

 

۳ ـ همکاري وکړئ!

تاسو تر هر څه وړاندې د خپل ګاونډ په اړه معلومات ولرئ. ددې کار ګټه دا ده، چې تاسو دا موضوع په ښه شکل سره درک کولای شئ، چې ستاسو ګاونډيان کوم ډول همکارۍ ته اړتيا لري. 

اکثره خلک له خپل ګاونډ څخه ځان نه خبروي او په نورو لرې ځايونو کې له خلکو سره همکاري کوي. حال دا چې پر تاسو لومړنی حق ستاسو د ګاونډي دی. 

کېدای شي تاسو له خپل ګاونډي سره په مالي، رواني، فزيکي او نورو برخو کې همکاري وکړئ. په دې سره به ستاسو روابط حسنه او یو بل ته د خیر رسونې پر بنسټ ولاړ وي.

 

۴ ـ د ماشومانو پر سر لانجې 

د اکثرو ګاونډيانو لانجه د ماشومانو پر سر وي. یعنې کله چې د دوو کورنيو د ماشومانو او یا تنکيو ځوانانو ترمنځ معمولي ټکر رامنځته شي، دواړه کورنۍ (ګاونډيان) له یو بل کرکه او نفرت کوي، له همدې امله د کرکې او دښمنۍ احساس پيدا کېږي. 

تاسو باید دا ومنئ، چې ستاسو ماشومان او تنکي ځوانان ممکن غلطي وکړي، خو تاسو باید هېڅکله دا خبره د زور له لارې حل نه کړئ. کوښښ وکړئ موضوع د خبرو له لارې حل و فصل کړئ. 

یوه ډېره مهمه خبره د ګاونډ له ماشومانو سره د خپلو ماشومانو د اړيکو څارل دي. تاسو باید تل دوی وڅارئ او ددوی اړيکې په ورورګلوۍ بدلې کړئ.

 

۵ ـ وخت ورکړئ!

اکثره خلک د بېلابېلو عواملو له کبله خپلو ګاونډيانو ته وخت نه ورکوي. زموږ موخه دا ده، چې تاسو کوښښ وکړئ په اونۍ او میاشت کې یو يا څو ځلې له خپلو ګاونډيانو سره کښېنئ. 

ټوکې وکړئ، مشورې وکړئ، د ژوند تجربې شریکې کړئ او په ټوله کې د یو او بل له حاله خبر شئ. ددې کړنې ګټه دا ده، چې تاسو به پر یو بل باور پيدا کړئ او کله چې باور رامنځته شي نو اړيکې حتما مناسبې کېږي.

 

۶ ـ خپل ګاونډ ته مزاحمت مه کوئ! 

په ځينو کورنيو کې لویې ستونزې وي. د ښځې او خاوند، د زوی او پلار او یا هم د کورنۍ د نورو غړو ترمنځ لانجې او دعوې وي. په دې وخت کې داسې شور او غوغا جوړه وي، چې آن ګاونډيان ترې په تنګ وي.

که ستاسو په کورنۍ کې هم همدا ستونزه وي، نو باید له ځينو تګلارو ګټه واخلئ، چې ستاسو له شوره ګاونډيان مو کوم بد احساس و نه کړي. 

لومړی باید خپلې ستونزې د خبرو له لارې حل کړئ. همدارنګه که بیا هم ستاسو غږ لوړ شي کوښښ وکړئ کوټې ته لاړ شئ او هملته مو په خبرو مشکل حل کړئ. تر څو ګاونډیان مو په عذاب نه شي. 

که ستاسو په ګاونډ کې کومه کورنۍ له یادې ستونزې سره مخ وي، لومړی خو یې وزغمئ ترڅو یاده ستونزه خپله حل کړي، خو که چاره و نه شوه نو هڅه وکړئ د یوه خیرخواه منځګړي په توګه مداخله وکړئ او خپل شکايت او عذر هم وړاندې کړئ. خو دا هغه وخت شونې ده، چې تاسو خپله دا عیب و نه لرئ او له وړاندې حسنه روابط مو ترمنځ موجود وي.

Related Articles

آیا وېره رواني ستونزه ده؟

ژباړه ـ ریاض مقامزی   آيا پوهېږئ، چې وېره څه ده؟ وېره د فشار پر وړاندې د انسان د طبیعي غبرګون یو ډول دی. موږ ټولو د ژوند په ځینو حالاتو کې وېره تجربه کړې ده؛ مګر په دې لیکنه کې پر دې طبیعي وېرې خبرې نه لرو. بلکې هغه اظطراب (وېره) به وپېژنئ، چې رواني ناروغي ده.  وېره (اظطراب) څه ډول ناروغي ده؟ د ناڅاپي غږ په اورېدو، د وېرونکي څېرې په ليدو، له ازم...

دریافت خبر های غیر عادی

دریافت خبر های غیر عادی مصطفی عمرزی در افغانستان ما که دریافت خبر های جنگ، بحران و سیاستگذاری های دوستان خارجی، تقریباً به تکرار و عادت رسیده اند، پخش خبر های تفریحی «مخصوص»، بسیار ناخوش نیست. تنوع چنین خبر هایی  که «دیگر چه گپ هاست؟»، ما را در شناخت رفتار و فرهنگ هایی نیز کمک می کند که تضاد و تناقض ما برای دریافت برنامه ها و نظریات، اگر از جانب...

په سرک کې جرۍ جوړېدنه (Ruttings)

په سرک کې جرۍ جوړېدنه (Ruttings) جرۍ(ruts) د چرخ مسیر (wheel path) په امتداد د سطحې کېناستنه(depression) ده، چې د ترافیکي بارونو له سببه د فرش د طبقاتو یا په بستر کې د شکل د تغیر څخه وروسته رامنځته کیږي. د جرۍ په څنډو کې غوڅېدنه او یا د اسفالټو را پورته کېدنه(uplift) واقع شي. جرۍ د باران د اورېدو وروسته چې د باران د اوبو پواسطه ډکیږي، په ښه ډول مش...

Recommended Articles

بي دوه پنځوس" څه ډول الوتکې دي؟"

ژباړه ـ ریاض مقامزی په هېواد کې د جګړو له پراخوالي سره سم امریکايي ځواکونو اعلان وکړ، چې د بي.۵۲ الوتکو پر مټ به پر تالبانو هوايي بریدونه وکړي؛ همداسې وشول او په بېلابېلو سیمو کې یې د وسله والو تالبانو ډلې په نښه کړې. خو اوس پوښتنه دا ده، چې بي ـ ۵۲ څه ډول الوتکې دي او کومې ځانګړتیاوې لري؟  ددې لیکنې تر پايه به مو دواړه پوښتنې حل شي.    ځانګړتي...

د وينا پر مهال د وېرې او فشار ختمول

لیکنه ـ ریاض مقامزی دا چې موږ انسانان ټولنيز ژوند لرو، نو اړ یو چې د خپلو اړتياوو او مفکورو د وضاحت لپاره وغږېږو. خبرې کول زموږ د ژوند په هره برخه کې لیدل کېږي. په کور، کلي، دکان، ښار، مکتب، ښوونځي او ګڼو نورو ځايونو کې موږ خبرې کوو او خپل پپغام نورو ته رسوو.   ځينې خلک بیا د خبرو او وينا پر مهال تر وېرې او فشار لاندې وي. نه شي کولای خپل پيغام او...

اعصاب په کومو شيانو کمزوري کېږي

د انسان په وجود کي اعصاب تر ټولو مهمه برخه ده، د انسان ټولي چاري او فعالیتونه د همدغي ناحیې څخه کنټرولېږي.لاندي ځیني مهم ټکي دي چي په پام کي نیول یې د ذهن په سالم ساتلو کي مرسته کو. - د سهار چای نه چیښل:هغه خلک چې د سهار چای نه چیښي په بدن کي یې د شکري اندازه راکښته کېږي، په نتیجه کي یې دماغ ته په کافي اندازه مواد نه ور رسېږي او دماغ کمزوری کېږي....