ځينې جملې یوازې یوه جمله نه وي، بلکې د یو کتاب خبرو او تجربو وروستۍ پایله وي. داسې ویناوې انسان ته قوت، فکر او انرژي وربخښي. د "څو جملې څو کتابه" لړۍ د همداسې ویناوو لپاره جوړه شوې وه. د انرژي بخښونکو جملو دا لړۍ په همدې لیکنې پای ته رسېږي. تاسو به په دې لیکنه کې هم د یو ستر انسان له ویناوو ډېرې نوې خبرې زده کړئ.
د تل په څېر موږ د یو لیکوال او پوه انسان له ویناوو څخه یوه ټولګه چمتو کړې ده، تاسو یوازې هره جمله په سمه توګه لولئ او فکر پرې کوئ. د جملې تحلیل او سمې معنا ته ځان رسوئ.
دا ځل د نامتو آیرلینډي لیکوال جورج برنارډ شاو "Georg Bernard Shaw" ویناوې لولئ.
څو جملې څو کتابه
- ناسم معلومات له ناپوهۍ ډېر خطرناک دي.
- د غله او شتمن ترمنځ دا فرق دی، چې غل له شتمن او شتمن له بېوزلو غلا کوي.
- پیسې لوږه ختموي، خو درد او غم نه شي ختمولای.
- پاڅون بېوزله طبقې ته ازادي نه ورکوي، بلکې استعمارګران بدلوي.
- کله چې انسان پړانګ ووژني ورته ښکار وايي، خو کله چې پړانګ انسان ووژني وحشت یې بولي.
- د انسان طبیعت لټۍ او ټنبلۍ ته ورمات دی، ځکه چې انسان ذاتا لټ او ټنبل موجود دی. که دوه کسه په یوه قضیه کې له بحث پرته پایلې ته ورسېدل، دواړه بې عقلان دي.
- ډېر نصیحت مه کوه، ځکه جاهل د چا خبره نه مني او عاقل ورته اړتیا نه لري.
- استعداد یعنې له خپل زور او عقل څخه په یو وخت کې کار اخیستل.
- څوک چې هيڅکله هیله من نه دی، هېڅکله د ناپوهۍ طرف نه شي لیدلی.
- ډېر خلک دعا نه، بلکې سوال کوي.
- ژوند د ځان موندلو لپاره نه، بلکې د ځان جوړولو لپاره دی.
- تل رښتيا وایه، خو هره رښتيا مه وایه.
- ډېر لږ خلک بېوزلي زغملای شي.
تاسو ته د برنارډ شاو کومه وینا ډېره په زړه پورې وه؟
خپل نظر مو په کمینټ کې پرېږدئ.
