کوسټا ریکا څرنګه په یوه پېړۍ کې باراني ځنګلونه دوه ګونه کړه؟
کوسټا ریکا هېواد کې د ځنګلونو په لوړه پیمانه وهلو له امله په ۱۹۸۳ م کې په ځنګلونو پوښلې ساحه ۲۶ سلنې ته راټیټه شوه. دغې ویجاړۍ په باراني ځنګلونو کې د ژوند تنوع ړنګه کړه او هغه ژوې یې له خطر سره مخ کړې چې یوازې په کاسټا ریکا کې موندل کېدې.
دولت د ځنګلونو وهلو جوازونه محدود کړل، د هغو ځمکو خاوندانو ته چې خپلې ځمکې یې خوندي کولې پیسې ورکړې او بهرنۍ پانګونې یې ایکو ټوریزم (ecotourism) او دوا سازۍ ته جذب کړې تر څو د ځنګلونو وهلو مخه ونیسي. دغه ګامونه د داسې دندو رامنځته کېدو لامل شول چې د باراني ځنګلونو روغتیا پورې یې اړه لرله. د ځنګل وهلو کچه صفر ته راټیټه شوه او ونې بیا زرغونېدل پیل شول. دا مهال ځنګلونو کابو نیم هېواد پوښلی.
په لیکنه کې د ځینو اصطلاحاتو تعریف:
۱. (ایکو ټوریزم): د ګرځندویي «سیاحت» یو ډول دی چې سیلانیان هغو ساحو ته د چکر وهلو مسولیت لري چې طبیعي وي، چاپېریال خوندي کوي او د ځایي خلکو د هوساینې سبب شي.
۲. (د ژوند تنوع): هغه بېلابېل بوټي او ځناور چې په نړۍ یا یو ځانګړي ځای کې ژوند کوي.
#ژباړه
#بارانيځنګلونه
#چاپېریالساتنه
