To start downloading books

Please sign in or create an account.

imranghani 3 years ago 2,083
ولې خلک په تیاره کې ډارېږي؟

ولې خلک په تیاره کې ډارېږي؟

مشهور پښتو متل دی چې وايي ((په تیاره کې هرڅوک ویریږي خوڅوک حال وايي څوک نه)) دا متل هسې بې ځایه نه دی ویل شوی په ریښتیا هم چې کله یو څوک په تپه تیاره کې مزل کوي هره شېبه یوله وهمونو ډک خیال لري او فکر کوي چې اوس به یې سترګې په کوم نااشنا مخلوق لګیږي او یا به یې څوک له شانه په تیرو منګلو رانیسي، دغه سوچ حتی هغه کسان هم لری چې فکرکوي نه ویریږي او په بلاګانو او پیریانو باور نه لري. خو همغه خبره ده چې ډارن خلک حال وايي او زړور له ویرې سره سره حال نه وايي، په تیاره کې د بلاګانو او پیریانو ویره په زړه تیروي. دغه بلاوې چې موږ ورنه په تیاره کې ویریږو بې له شکه چې اول خو زموږ خپل وهمونه، خیالي بلاګانې او سیوري دي خو که واقعیت ولري نو بې له جنیاتو بل څه نه دی، مسلمانان باور لري چې پیریان هم د خدای (ج) مخلوق دی دلیل یې د سپیڅلي قران دا قول دی ((وماخلقت الجن ولانس الالیعبدون)) ژباړه او ما نه دی پیدا کړی پیریان او انسان مګر د خپل عبادت لپاره. د دې نه معلومیږي چې پیریان هم د خدای تعالی مخلوقات او بنده ګان دي. خو که پام وکړو د شپې په تیارو کې ډیره ویره په اطرافي او کلیوالو سیمو کې وي علت یې دا دی چې هلته بریښنا، او ګڼه ګوڼه نشته، اکثره چوپیتا وي، غرونه، ځنګلونه، کنډوالې او لویې کلاګانې زیاتي وي چې ویرونکی چارپیریال جوړوي دلته طبعا خلک د شپې ډاریږي او د بېلابېلو نالیدلو بلاګانو تصور یې په ذهن کې وي او تل ورنه ډاریږي خو په ښار کې بیا د هستوګنې چارپیریال کاملا له دې سره فرق لري هلته تل رڼاګانې او شور ماشور وي نو ځکه خو ښاریان یا ښارته تللي کلیوال د ویرې احساس نه کوي ماشومان یې بې زړه او ډارن نه وي اوپه دې شیانو چندان باور هم نه لري، ترټولو مهم دا چې ځان ورته یوازې نه ښکاري. د دینې علومو ډاکتر استاد عبیدالرحمن وايي چې پیریان اکثره په داسې ځایونو کې اوسي چې د خلکو له تګ راتګ او شور ماشور نه لرې وي ځکه هغوی هم بېله نړۍ او کاروبار لري چې په مختلفو څیرو ځان راڅرګندولی شي خو هغه وخت چې څوک په عذابوي نو په بدشکله بڼو راښکاره کیږي. ډاکترعبیدالرحمن زیاتوي چې پیریان له ښارونو په کلو، دښتو، غرونو، هدیرو او ځنګلونو کې ډیره هستوګنه لري او په دغه ځایونوپه ځانګړي ډول په کلو کې ځان ورته له ښاره ځواکمن ښکاري نو ځکه خوکله کله ځینې سرکښه پیریان د بلاګانو په جامو کې ځان څرګندوي خوکه څوک د شپې له ګرځیدو ډډه وکړي او یا که ډیر ضرورت وي نو بسم الله ووايي نوجنیات ورنه ځان ساتي اونه به ویریږي دا خو د لویانو ستونزه شوه له بده مرغه چې زموږ ټولنه یوه بله لویه ستونزه هم لري هغه دا چې اکثره وخت خپل ماشومان په بلاګانو اوپیریانو ویروو د پیداګوژۍ عالمان وايي چې دغه ویره د ماشوم په راتلونکي شخصیت خورا منفي اثر لری او هغه د یوه بې باوره او ډارن انسان په توګه ټولنې ته وړاندې کیږي په دي هیله چې ماشومان مو داسې په یرو کې نیمګړي ونه روزو.

Related Articles

له زړه تنګون څخه د خلاصي لاره!

لیکنه ـ ریاض مقامزی زړه تنګون او خفګان په ټوله نړۍ کې یو اروايي ستونزه ګرځېدلې. ډېری وګړي د خفګان او زړه تنګون احساس لري. ددې حالت عوامل ډېر دي او په ټولو وګړو کې د یوې وجهې له امله نه وي. نو ځکه خو یې په یوه علت ټينګار ناسمه خبره ده. اقتصادي ستونزې، ټولنیز محدودیتونه، توقعات او ګڼ نور عوامل ددې سبب کېږي، چې په زړه تنګون اخته شو.  په افغانستان کې...

د قوشتپي کانال

د قوشتپي کانال!دا څنګه کانال او چیرته دی؟ اوږدوالی یې څومره دی، پلنوالی او نورې ډېري پوښتنې به دلته ځواب شې.دا قوشتیپه کانال دی👇دا کانال د افغانستان په درو ولایتو بلخ، جوزجان او فاریاب کي تیریږي.دا کانال 286 کیلومیتره اوږدوالی، 102 میتره پلنوالی او شاوخوا 8.5 میتره ژوروالی لري.دا وخت یاد کانال کي 3200 ماشینرې مصروفه ده او تقریباً 5500 کارېګر پکي ل...

د عدالت نړېواله محکمه

لیکنه ـ ریاض مقامزی د ځينو مهمو مسایلو څېړنه او حل د هېوادونو په سطحه د حکومتونو له وسې پورته وي. همدارنګه کله ناکله ځينې مسایل موجوده حکومتونه څېړلای شي؛ خو له دې وېرې چې په بېطرفه او عادلانه توګه به و نه څېړل شي، یا دا چې هره خوا به خپله بریا غواړي، نو نړېوالې ادارې دخالت کوي. یو له دې ادارو چې په لویه سطحه حقوقي او نور بین المللي قضایه مسایل څې...

Recommended Articles

که دا عادتونه خپل کړئ له غربت څخه خلاصېږئ!

لیکنه ـ ریاض مقامزی دا به سمه خبره وي، چې شتمني له قسمت سره تړلې ده؛ خو دا خبره هم هېڅکله غلطه نه ده، چې ستاسو عادات په دې برخه کې رغنده رول لري. که تاسو هر څومره ډېرې پیسې ولرئ؛ مګر پر مصرف، پانګونې او نورو لاروچارو پوه نه شئ ډېر ژر به مو غربت د کور تر دروازو ورسېږئ. یا که ډېر غریب هم یئ؛ مګر دا لارښوونې عملي کړي، نو ډېر امکان شته، چې له غربت څخه...

اعصاب په کومو شيانو کمزوري کېږي

د انسان په وجود کي اعصاب تر ټولو مهمه برخه ده، د انسان ټولي چاري او فعالیتونه د همدغي ناحیې څخه کنټرولېږي.لاندي ځیني مهم ټکي دي چي په پام کي نیول یې د ذهن په سالم ساتلو کي مرسته کو. - د سهار چای نه چیښل:هغه خلک چې د سهار چای نه چیښي په بدن کي یې د شکري اندازه راکښته کېږي، په نتیجه کي یې دماغ ته په کافي اندازه مواد نه ور رسېږي او دماغ کمزوری کېږي....

له وخت څخه مخکي مو ويښتان ولي سپينږي درملنه يې څه ده؟

په تيرو وختونو کې به سيپن ويښتان د زړښت نښه بلل کيده خو اوس داسي نه ده بلکي د ډيرو پيغلو او ځوانانو ويښتان سپين دي. که تاسو هم له دې ستونزي څخه ځورپږي يعني د سر ويښتان مو مخکي له وخت څخه سيين شوي نو حتمن مو په بدن کې ځيني پيچلي بيلوژيکي ستونزي شته ، بايد درملنه يې وکړئ. اوس ډير وخت ليدل کيږي چې آن ۱۶ کلن تنکي ځوانانو هم د ويښتانو د سپيندو په لور ر...