To start downloading books

Please sign in or create an account.

imranghani 3 years ago 1,338
د حرا غار

د حرا غار

لیکنه: شکېبا نادري، د حرا غار

 سعودي عربستان چې د اسلام د دین د سپېڅلو ځایونو مرکز یې بللای شو، دا هېواد د مسلمانانو لپاره یو با ارزښته هېواد دی په ځانکړي توګه په دې هېواد کې د مکې او مدینې ښارونه چې د اسلام د دین بنسټ پکې اېښودل شوی دی او د اسلام دین له همدې ځایونو څخه پیل او د نړۍ تر ګوډ ګوډ پورې ورسېد موږ په تېرو لیکنو کې د اسلام د دین د ډېرو سپېڅلو ځایونو په اړه معلومات در کړل. په نننۍ لیکنه کې غواړم تاسو ته د حرا غره په اړه معلومات درکړو که غواړئ چې د حرا غره په اړه مو خپل معلومات زیات کړئ زموږ لیکنه تر پایه ولولئ!

د حرا د غار موقعیت

 

حرا غار چې د مکې معظمې په شمال ختیځ کې د ثبیر غره ته مخامخ موقعیت لري، هغه غر دی چې په لومړي ځل په همدې ځای کې پر حضرت محمد ﷺ وحې شوې وه.

 

 د حرا غار د شهرت لامل 

دا غار ځکه دومره مشهور دی چې له بعثت څخه مخکې به حضرت محمد ﷺ هر کال په یوازې توګه د یو څه مودې لپاره په همدې غار کې عبادت کاوه سربېره پردې حضرت مُحَمَّد ﷺ د لومړي ځل لپاره په همدې ځای کې په پیغمبرۍ معبوث شو، د حرا غار چې د مکې په څلور تر شپږو کیلو مېټرۍ کې موقعیت لري، څېړونکي وایي چي دا غر د عرفات او طایف غرونو سره ګډه پوله لري، د حرا غر د غره له څوکې څخه پنځوس مېټره ښکته موقعيت لري او پینځه کسان پکې ځایدلای شي. 

د دې غار د حیرانتیا یوه نښه دا ده چې وروستۍ برخه یې د الحرام جومات یا مکې خواته ده او مخ یې د بیت المقدس خواته دی، د دې غار خوله یا دروازه داسې جوړښت لري چې یو متوسط ونه لرونکی کس پکې دننه کېدلای شي، د حرا غار دننه د سهار له لمر ختلو څخه د مازدیګر تر لمر لوېدو پورې بشپړ لمر لري. 

ځینې څېړونکي د حرا غار د ثور له غره (هغه غر چې حضرت مُحَمَّد ﷺ د هجرت پر مهال پناه وروړې وه) سره غلطوي، خو دا دوه غرونو له یو بل څخه بېخي بېل دي، داسې هم ویل کېږي چې ادم (ع) د لومړي ځل لپاره کعبه شریفه له پینځو غرونو څخه جوړه کړې وه چې له دې غرونو څخه یو هم د حرا غر دی. 

دا غار د جاهلیت پر مهال هم د درناوي وړ و او د هغه مهال په ډېری شعرونو کې له دغه غره څخه یادونه شوې ده لکه، د عوف بن احوص، ابي طالب(د حضرت مُحَمَّد ﷺ د کاکا) او داسې نورو شاعرانو په شعرونو کې ورڅخه یادونه شوې ده. 

لومړی کس چې په حرا غار کې  اعتکاف ته کېناست عبدالمطلب د حضرت مُحَمَّد ﷺ نیکه و، په حرا غره کې د حضرت مُحَمَّد ﷺ معجزه هغه وه چې حرا غار د ده پر امر حرکت وکړ او بېرته د ده پر امر په خپل ځای ودرېد.

 حرا غر د نړۍ د ټولو مسلمانانو لپاره یو ځانګړی او پاک ځای دی ټول حاجیان یې لیدو ته ورځي او هلته دعاګانې کوي، ځکه چې زموږ د خوږ پیغمبر حضرت مُحَمَّد ﷺ د دعا او عبادت ځای همدا غار و، تل به یې په همدې ځای کې عبادت کاوه. په ځانګړي توګه د روژې په میاشت کې به یې خپل ډېر وخت په همدې غار کې د اللهﷻ په عبادت تېراوه.

Related Articles

حسن معاشرت در قوانین ایران و افغانستان || Good fellowship in the laws of Iran & Afghanistan

نام نویسنده: محمدمصطفی محمدیار (کارشناس ارشد در رشته حقوق خصوصی) Writer’s name: Mohammad Mustafa Muhammadyar چکیدهقوی بودن بنیان خانواده در گام نخست منوط به وجود خلق نیکو و حسن معاشرت در روابط بین زوجین است. این مورد هرچند به دلالت عقل ثابت است، اما هدایت شرع درین مورد موجود بوده و پرده از زوایای مبهم آن برداشته است. مقننین افغانستان و ایران با ا...

څنګه د دنیا تر ټولو خوشبخت انسان شم؟

یو اسلامي بیان مې اورېده، یوې جمله مې پکې ومونده چې له کلونو راهیسې یې د معنی په لټه کې وم. په داسې څه یې وپوهولم چې له مودو پسې سرګردانه وم. ډېره اسانه او ارزانه لار شته چې موږ پرې ځان د نیکمرغۍ تر اخري حده رسولی شو. شاید تاسې هم ددې نعمتونو ترلاسه کولو لپاره ډېرې لارې تجربه کړې وي دا هغه نعمتونه دي چې ځینې خلک یې د ترلاسه کولو لپاره بې حسابه پیس...

نامتو هسپانوي لیکوال؛ سروانتس

هسپانيه د اروپا په لویه وچه کې پرته سيمه ده. دا هېواد له ۵۸ غټو او وړو ټاپوګانو څخه جوړ شوی دی. پلازمينه یې "مادرید" نومېږي.  هسپانوي یوه نړېواله ژبه ده، چې نږدې د "۲۲" هېوادونو رسمي ژبه بلل کېږي نو ځکه خو د هسپانيې ادبیات په هسپانوي ژبه کښل شوي دي. ددې هېواد "۱۱" تنو لیکوالو د نوبل جایزې ګټلې دي. تاسو به په دې لیکنه کې د همدې هېواد یو نامتو لیکوال...

Recommended Articles

عثمان کاکړ څنګه ووژل شو؟

پښتونخوا ملي عوامي ګوند ادعا کوي چې د دغه ګوند صوبايي مشر عثمان خان کاکړ وژل شوی دی او دوی سره دې لړ کې کافي ثبوتونه شته. یو شمېر نورو ځايي سیاسي ګوندونو هم د یاد ګوند ملاتړ کړی او د بلوچستان صوبايي حکومت وايي، د پېښې په هکله به څېړنه کوي. د یادونې ده چې د روانې جون میاشتې پر ۱۷ نېټه ویل شوي و، چې د عثمان خان کاکړ سر سخت ټپي شوی دی. له پېښې وروست...

د حافظې د پیاوړتیا څو لارې

هغه حقیقت چې د عمر په زیاتېدو سره حافظه له منځه ځي، دلیل نه شي کېدای چې ونه شو کولی د له منځه تللو طریقه یې ډېره سسته کړو. څېړنو ښودلې ده چې موږ کولی شو د امکان تر حده حافظه وساتو، اجازه راکړئ دغه عملي لارې وسپړو.  د حافظې د قوي کېدلو څو لارې  ژور فکر وکړئ چې فعاله حافظه مو بهتره شي: فعاله حافظه تقریباً ستاسو د مغز د یادښت کتابچه ده، چېرته چې نوي...

اعصاب په کومو شيانو کمزوري کېږي

د انسان په وجود کي اعصاب تر ټولو مهمه برخه ده، د انسان ټولي چاري او فعالیتونه د همدغي ناحیې څخه کنټرولېږي.لاندي ځیني مهم ټکي دي چي په پام کي نیول یې د ذهن په سالم ساتلو کي مرسته کو. - د سهار چای نه چیښل:هغه خلک چې د سهار چای نه چیښي په بدن کي یې د شکري اندازه راکښته کېږي، په نتیجه کي یې دماغ ته په کافي اندازه مواد نه ور رسېږي او دماغ کمزوری کېږي....