د QA او QC معلومات -انجینرانو لپاره

د QA او QC اړوند مهم معلومات: 
‏۱- QA او QC څه ته وايي او عمده فرق یې کوم دی؟
ځواب: کوالټي کنترول(QC) په ساختماني کارونو کې د کار کیفیت تر څارنې لاندې نیسي، او QA(Quality Assurance) په ساختماني کارونو کې د کار کیفیت تائیدوي، QA د ډونر لخوا وي او QC د قراردادي لخوا د پروژې لپاره موظف شوی وي.
لاندې یو څو کړنې درته ذکر کوو چې یو QA انجینر یې باید د خپل کار پرمحال په پام کې ولري:-
۱. یو QA مسؤولیت لري تر څو د قرارداد څخه بشپړ حمایت وکړي، او هغه د اجراء وړ وګرځوي، البته د قرارداد په محتویاتو کې د هیڅ ډول تغیر راوستلو صلاحیت نلري.
۲. د قراردادي ټول کارونه به په ډیر دقت د ملاحظې لاندې نیسي مګر د  امر کولو واک نلري.
۳. غیر له جدي او حساسو شرایطو نشي کولی چې د قراردادي کار ودرودي، کولی شي تر څو مشکل له مربطه سوپرویزر سره شریکه کړي
۴. که په ساحه کې ساختماني مواد د قرارداد خلاف په مصرف رسیدل، QA مسؤولیت لري،  راپور یې ورکړي، البته د کار د توقف اجازه نلري.
۵. په قراردادي له غیر ضروري انتقاداتو څخه باید جداً خود داري وکړي، تر څو تر منځ یې اختلافات رامنځته نشي، کوشش باید وشي چې د QA دنده په داسې ډول پرمخ یوړل شي، چې هم کار په چټکې سره  پرمخ ولاړ شي او هم د کار کیفیت ټیټ نشي.

۲- د QC Manager مسؤولیتونه کوم دي؟
ځواب: 
۱. د مشخصاتو او پلان لمخې د کیفیت کنترول
۲. مؤثر CQC سیستم ته پراختیا ورکول
۳. د کار ودرول
۴.  په کنترول پورې د تړلو فعالیتونو او ټسټونو ترسره کول
۵. د QC فعالیتونو او اسنادو برابرول

‏۳-  QC او QA ټسټونه کومو ټسټونو ته ویل کیږي؟
ځواب: د QC ټسټونه: دا د کنترول ټسټونه د قراردادي لخوا اجرا کیږي، تر څو د ساختماني مرحلو او موادو درست تشخیص وشي او د قرارداد له غوښتنو سره سم مواد استعمال شوي دي.
د QA ټسټونه: دا د باوري کیدو ټیسټونه د دولت لخوا اجرا کیږي، تر څو ځان باوري کړي،چې د قراردادي د کنترول ټسټونه د تصدیق وړ دي

۴- په ساختماني ساحه کې د QC(Quality Control Engineer) مسؤولیتونه ذکر کړئ؟
ځواب: په ساحه کې د کارګرانو،ماشینونو لست او چک کول او اړونده راپور ورکول
ساحې ته د انتقالیدونکو موادو پرتله کول د Drawing Specification سره چې نوموړي مواد د پروژې د معیار سره برابر دی یا خیر
ساحې ته د راوړونکو موادو آپرول کتل
په ساختماني موادو مختلف ټسټونه کول.
عصمت ظاهر