To start downloading books

Please sign in or create an account.

imranghani 3 years ago 1,750
د راشد خان ارمان پېژندګلوي

د راشد خان ارمان پېژندګلوي

لیکنه: شکېبا نادري، د راشد خان ارمان پېژندګلوي

زموږ د هېوادوالو ټول ژوند په جګړو کې تېر شوی، ټول هېوادوال مو د سولې او هوساینې لپاره تږي دي، تل د یوه هوسا ژوند هیله لري، غواړي د نورو هېوادنو د وګړو په څېر یو ارامه او له خوښیو څخه ډک ژوند ولري.

خو له دومره ستونزه سره سره بیا هم هڅه کوي چې پرمختګ وکړي او ځان له نورو هېوادونو سره برابر کړي چې تر ټولو غوره بېلګه یې زموږ د کرېکټ ملي لوبډله او د هغه لوبغاړي دي.

 موږ په دغې لیکنې کې د نړۍ په کچه د غوره لوبغاړي 'راشد خان ارمان' د افغانستان د کرېکټ د ملي لوبډلې د نامتو توپ اچونکي او اتل په اړه تاسو ته معلومات درکوو، که تاسو هم د راشد خان ارمان مینه وال یاست او غواړئ په اړه یې پوه شئ، نو زموږ دا لیکنه تر پایه ولولئ!

 

 راشد خان ارمان د افغانستان د ملي لوبډلې هغه لوبغاړی دی چې د هر افغان په زړه کې ځانګړی ځای لري، راشد د خپل ځانګړي استعداد په مرسته وکولای شو چې په ډېر کم عمر کې ځان د نړۍ له نامتو کرېکټرانو سره برابر کړي او د نړۍ خلکو ته دا ثابته کړي چې افغانان څومره تکړه دي.

 راشد خان د ۱۹۹۸ کال د سپټمبر په ۲۰ نېټه په ننګرهار ولایت کې زېږدلی دی، راشد خان یو ښی لاسی توپ اچونکی لوبغاړی دی، اوس مهال د راشد خان عمر ۲۳ کاله دی، په فوټبال کې د راشد خان د خوښې لوبغاړی رونالډو دی، د راشد خان د خوښې ځای مالډیو هېواد دی، د خوښې سندرغاړې یې لیلا خان ده، د ده د خوښې فلمي سټوری امیر خان دی، هغه اپ چې راشد خان ورڅخه ډېره ګته اخلي واټسپ دی، سر بېره پر دې راشد خان ارمان وایي چې په بېکاره وختونو کې غواړم ډېر خوب وکړم. 

د راشد خان ارمان لوبې

 راشد خان خپله لومړۍ یو ورځنۍ نړيواله لوبه د زمبابوې پر وړاندې په ۲۰۱۵ کال کې ترسره کړه، په شل اوریزو نړیوالو لوبو کې یې هم لومړۍ لوبه د زمبابوې پر وړاندې په ۲۰۱۵ کال کې تر سره کړه او په شل اوریزو لوبو کې یې هم خپله لومړنۍ لوبه د زمبابوې پر وړاندې تر سره کړې ده.

 

هغه لوبډلې چې راشد خان پکې لوبې کړې دي؟

 راشد خان په بېلابېلو لوبډلو کې لوبې کړې دي لکه، د افغانستان ملي لوبډله؛ شپږیزه لکه، بند امیر لوبډله، کابل بازان لوبډله، بوست ساتونکي لوبډله، د پاکستان غوره لیګ(پي. اېس. اېل) لکه، کویټه ګلاډیاټورس لوبډله او لاهور قلندرس لوبډله ؛ د بنګلدېش غوره لیګ لکه، کومیلا ویکټورینس لوبډله؛ د اسټرالیا غوره لیګ (بېک بش/BBl) لکه، اډلیډ سټرای کرس لوبډله او په داسې نورو لوبډلو کې لوبېدلی دی.

 

په بېلابېلو لوبو کې د راشد خان ارمان د منډو شمېر 

د راشد خان ارمان ۷۴ یو ورځنۍ نړیوالې لوبې تر سره کړې دي او په دې لوبو کې یې ۱۰۰۸ منډې کړې دي، په دغو یو ورځنیو لوبو کې یې په یوه لوبه کې تر ټولو ډېرې منډې ۶۰ ناسوځېدلې منډې دي او ۱۴۰ ویکټې یې اخیستې دي.

۵۶ شل اورېزوې نړیوالې لوبې یې تر سره کړې دي او ټولې منډې یې ۱۸۲ دي او په یوه لوبه کې یې ډېرې منډې ۳۳ منډې دي او ۱۰۳ ویکټې یې پکې اخیستې دي. په ټوله کې خان ۲۸۹شل اوریزې لوبې کړي دي او منډې یې ۱۳۱۵دي، خو په یوه لوبه کې یې ډېرې منډې ۵۶ ناسوځېدلې منډې دي او ۴۰۰ ویکټې یې اخیستې دي. پینځه ټېسټ لوبې یې هم کړې دي، منډې یې ۱۰۶ او په یوه لوبه کې ډېرې منډې ۵۱ او ۳۴ ویکټې یې اخیستې دي.    

 

په نړیواله کچه د راشد خان ارمان ریکارډونه

۱. د نړۍ په کچه په شل اوریزو لوبو کې راشد خان تر ټولو ځوان لوبډل مشر(کېپټان) و، په دې وخت کې د راشد خان عمر د ۲۰ کلونو او ۳۵۰ ورځو و. 

۲. راشد خان ارمان د نړۍ په کچه په یو ورځنیو لوبو کې هم د تر ټولو ځوان لوبډل مشر(کېپټان) په توګه ټاکل شوی و، دا مهال د راشد خان عمر د ۱۹ کلونو او ۱۶۵ ورځو و.

۳. راشد د نړۍ په کچه په یو ورځینیو لوبو کې درېیم غوره بالېنګ اووه ویکټې او ۱۸ منډې (۱۸/ ۷) 

۴. خان په نړیواله یو ورځنۍ لوبه کې ۵۰ چټکې منډې کړې دي او ۱۰۰ ویکټې یې اخیستې دي.

Related Articles

مچ په سترګه کې الهي انجنيري

د مچ په سترګه کې الهي انجنيري!!مچ کولای شي چې هر طرف لیدل ترسره کړي، د مچ سترګې د مرکب جوړښت په واسطه کولای شي چې د انسانانو برعکس خپل محیط له ۳۶۰ درجې یعنې هر لوری وویني. الله تعالی فرمایي: هذا خلق الله فأروني ماذا خلق الذين من دونه بلِ الظّالِمونَ فِي ضلالٍ مبين ﴿۱۱﴾ سورة لقمانژباړه: دا خو د الله پيدايښت دى؛ نو راوښيئ ، چې بې له هغه دوی (باطلو م...

آیا د کرونا واکسین رښتیا هم د نارینه وو جنسي وړتيا کمزورې کوي؟

ژباړه ـ ریاض مقامزی   په دې وروستیو کې د کرونا ضد واکسینونو په اړه بېلابېلې اوازې خپروې شوي دي، چې ډېری یې په جنسي اړیکو پورې اړه لري. یو له دې اوازو څخه دا ده، چې ویل کېږي د کرونا ضد واکسین د نارینه وو سپرم کمزوري کوي او دوی له شنډوالي سره مخ کوي. که په ساده ټکو یې ووایو، نو ادعا شوې ده، چې که څوک د کرونا ضد واکسین وکړي نو اولادونه به یې نه کېږي...

د ښو عطرو اړوند

لږ د عطرو اړوند  زموږ په ټولنه کې د ښو عطرو معيار تيزوالی، زياتو خلکو پورې رسېدونکی او زيات وخت پاتې کېدونکې عطر يا سپری ګانې دي .همدا لامل دی چې اکثره استعمال کيدونکي عطرونه د شامپو يا صابونونو کيمايي مواد وي، يا هم جعلي عود ډېر زيات مشهوره دي . همدا لامل دی چې زياتره خلکو نه په ژوندون باندې د وفات شويو بنګاليانو بوي زي .شل ديرش کاله مخکې به عربو...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

ملا نصرالدین څوک و؟

ملا نصرالدين ته ترکان حواجه يا خواجه نصرالدين وايې، افغانان او اير انيان يې ملا نصر الدين (ملا نصرودين) بولي،عربان يې دجحا نصرالدين او افندي نصرالدين په نامه پيژني٠  ملا نصرالدين د يوه روايت پر بنسټ په اوومې هجري پېړۍ کې چې د١٢٠٩ زېږدېز/میلادي کال سر ه سمون خوري دسلجوقي واکمنۍ په زمانه کې دتر کيې دخورتو په ښار ګوټي کې دې نړۍ ته سترګې پرانيستلي دي...

کوټه سنګي ته ولې کوټه سنګي وايي؟

ځینې کسان په دې اند دي چې د کوټه سنګي نوم اصلا د هغې ډبرېنې کوټې څخه اخیستل شوی دی چې یو وخت په میرویس میدان کې جوړه شوې وه.ویل کیږي کله چې د دغه ځای د سړکونو کرښې وکښل شوې د سړکونو د تقاطع په نقطه کې یعنې په څلور لارې کې د ساتونکي لپاره د ډبرو یوه خونه جوړه شوه له همدې امله دا سیمه په کوټه سنګي یا د ډبرو د کوټې په نوم ونومول شوه.خو اصلا د دې  سیمې...