لیکنه: شکېبا نادري، د نړۍ تر ټولو لوی مار چېرته لیدل شوی دی؟
موږ ټول پر دې پوهېږو چې دوه ډوله حیوانات شته دي، چې یو یې وحشي او بل یې اهلي حیوانات دي.
ډېری خلک له حیواناتو سره مینه لري او په کورونو کې یې ساتي لکه پیشو، روزل شوي سپي او بېلابېل الوتونکي چې دې ته اهلي حیوانات وایي، خو برعکس وحشي حیوانات هغه دي، چې انسانان نه شي کولای ورته نږدې شي، ځکه خوري یې.
د نړۍ په هره برخه کې ډول ډول حیوانات شته دي.
موږ په نننۍ لیکنې کې د نړۍ تر ټولو خطرناک او لوی مار په اړه تاسو ته معلومات درکوو، که غواړئ د دې حیرانونکو معلوماتو څخه ځان خبر کړئ، زموږ دا لیکنه تر پایه ولولئ!
د نړۍ تر ټولو اوږد او لوی مار د شمالي او جنوبي امریکا د امازون په ځنګلونو کې شته دی، چې اناکونډای نومېږي، د دغه مار اوږدوالی کابو ۱۳۴فوټه دی، او ۲۰۶۷کیلو ګرامه وزن لري، دغه مار تر اوس مهاله پورې ۲۵۷ انسانان او ۲۳۲۵ژوي خوړلي دي، دا مار د نړۍ له لویو او ډېر وزن لرونکو مارانو څخه دی او د نړۍ په کچه وروسته له پیټون څخه دویم اوږد مار دی.
دا مار د سویلي امریکا د بوا په کورنۍ پورې اړه لري او د ډېر وزن لرونکو مارانو له ډلې څخه دی.
کېدلای شي د پیڼون اوږدوالی له اناکونډای څخه اوږد وي، خو د ډبل والي له اړخه اناکونډای د پیټون څخه دوه برابره ډبل دی، د څېړنو له مخې داسې ویل کېږي چې په مناسب ځای او هوا کې اناکونډای کولای شي تر ۸.۸مېټره اوږد شي او ۲۲۷کیلو ګرامه یې وزن ډېر شي، دغه ماران ډېری په ژېړ رنګ چې خړ رنګه ټاپې لري پیدا کېږي، څېړونکو ویلي چې دغه ماران ډېر د امازون ځنګل په تودو سیمو کې پیدا کېږي، د دغه مار په اړه تر ټولو جالبه خبره دا ده چې دا د هغو لویو مارانو له ډلې څخه یوازینی ډول دی، چې کولای شي نور ماران وزیږوي، دغه مار کوم څه نه شي لیدلای، یعنې ړوند دی، د دغه مار ډبل والي دومره دی چې که له انسان څخه تاو شي، په انسان به دومره فشار ورشي چې په څو شېبو که به خپل ژوند له لاسه ورکړي او مړ به شي.
اناکونډای درې ډولونه لري، شنه اناکونډای ماران، ژېړ اناکونډای ماران او خالرونکي اناکونډای ماران.
د دغو مارانو خوراک ګوزې، الوتونکي، سوسماران او ان پړانګان هم دي.
دا ډول ماران لیدلای نه شي، خو د خپلې پیاوړتیا په واسطه خپل ښکار نیسي او په بشپړه توګه یې په ډېرې چټکۍ سره خوري او وروسته له هغه په اونیو او ځینې وخت په میاشتو هم کولای شي پرته له خوراک څخه خپل ژوند ته دوام ورکړي، دا هغه ماران دي، چې په هر ځل هګیو اچولو کې په لسګونو اناکونډای زېږوي، چې د هر نوي زېږېدلي مار اوږدوالی تر ۶۰سانټي مېټرو پورې رسېږي، دغه ماران د همغې زېږېدو پر مهال د لامبو وهلو او ښکار کولو پیاوړتیا لري او داسې ویل شوي چې دا ماران تر لسو کلونو پورې ژوند کولای شي، دا ماران تر ټولو ډېر خطرناک او پیاوړي ماران دي.
