To start downloading books

Please sign in or create an account.

د قهر (غوسې) د مهارولو تګلاره

د قهر (غوسې) د مهارولو تګلاره

لیکنه ـ ریاض مقامزی

ژوند د غوسې، آرامۍ، خوښۍ، خفګان او د ورته نورو اضدادو ټولګه ده. انسان کله خوښ کله خفه وي، همدارنګه کله آرام او کله هم غوسه وي.

غوسه داسې حالت دی، چې په انسان کې د یوې غلط فهمۍ، غلطۍ، بې عدالتۍ او نورو عواملو له کبله پیدا کېږي. په دې مرحله کې د انسان احساسات پر عقل غلبه کوي. په دې معنا چې انسان د عقل/فکر پر ځای پر احساساتو پرېکړه کوي. په دې وخت کې ډېر امکان شته، چې غوسه کس پخپله یوه بې عدالتي او غلطي ترسره کړي؛ نو ښه خبره دا ده، چې د غوسې د مهارولو پر لارو چارو پوه شو.په دې لیکنه کې موږ پر همدې موضوع خبرې کړي دي.

غوسه ولې مهار کړو؟

تر هر څه لومړی باید دا ومنو چې د غوسې مهارول خوار اړین دي. څېړنو ښودلې ده، چې ډېره غوسه د نورو روغتيايي ستونزو ترڅنګ د حافظې د کمزورتيا سبب هم کېږي؛ نو که تاسو ډېره غوسه کوئ شاید ډېر ژر له ذهني کمزورۍ سره مخ شئ. همدارنګه د غوسې نه مهارول شاید تاسو ته ډېرې لویې ستونزې جوړې کړي، چې آن د عمر تر پایه به یې نه شئ جبرانولای؛ نو غوره خبره دا ده، چې د غوسې د مهارولو له دې تګلارو ګټه واخلئ.

لومړی| په جریان ځان پوه کړئ!

کله ناکله موږ پر چا خپله غوسه سړه کړو؛ خو وروسته چې د پېښې پر جریان ځان پوهوو، در کوو، چې هېڅ د غوسې حاجت نه و. نو زموږ لومړنۍ توصیه دا ده، چې د کومې کړنې، پېښې او یا بل هر څه په اړه چې غوسه یئ، ځان پوه کړئ.

دا کار دوه ګټې لري. لومړی دا چې پر کیسې د پوهېدلو په جریان کې نو غوسه پخپله آرامېږي. دا ځکه چې ستاسو فکري تمرکز له غوسې څخه د کیسې جریان ته اوړي او غوسه مو مهارېږي. دویمه ګټه یې دا ده، چې حق او باطل، سم او ناسم همدارنګه پر نورو ټولو اړخونو پوهېږئ او سم قضاوت کولای شئ.

دویم| خپل حالت بدل کړئ!

له حالت بدلولو څخه زموږ موخه دا ده، چې که ولاړ یئ کښېنئ، که ناست یئ پاڅېږئ، همدارنګه یو څو ګامونه واخلئ او په دې توګه مو خپله غوسه مهار کړئ. د خپل وضعیت بدلولو د غوسې د مهار بهترینه تګلاره ده. البته دا د ارواپوهانو لارښوونه ده، چې تجربو هم ثابته کړې ده. د غوسې د مهار دا تګلاره خورا موثره او اغېزناکه ده.

درېيم| اوبه وڅښئ!

روانپوهان د غوسې د مهار لپاره بله لارښوونه دا کوي، چې اوبه وڅښئ. د اوبو په څښلو سره ستاسو غوسه کاملا ختمېږي او د راحت احساس به کوئ. همدارنګه که تاسو پخپله غوسه نه یئ او بل کس غوسه ووینئ، د نوموړي د غوسې د قرارولو لپاره هم کولای شئ یاد کس ته اوبه ورکړئ. اوبه د غوسې ترڅنګ د فشار او وېرې د کنټرول لپاره هم څښلای شئ.

څلورم| ځای پرېږدئ!

دا د ټولو انسانانو ګډه طبیعي ځانګړنه ده، چې کله پر یو کس یا څيز غوسه وي د هغه په لیدلو سره لا ډېره غوسه ورځي او کولای شي یاد کس/شي ته ضرر ورسوي؛ نو له همدې امله توصیه کېږي چې صحنه پرېږدئ او که بل څوک هم غوسه وي له جانبینو څخه یو تن یې له صحنې لرې کړئ، حتما به یې غوسه کمېږي/ختمېږي.

پنځم| ژوره ساه واخلئ!

د غوسې د کنټرول بله تګلاره دا ده، چې ژوره ساه واخلئ. په دې کار سره به ستاسو غوسه په بشپړه توګه آرامه او یا هم لږه شي. هېره دې نه وي، چې د ژورې ساه اخیستل د فکري تمرکز او اظطراب د کنټرول په برخه کې هم خورا ګټور ثابتېږي.

شپږم| پر ځان درد راوړئ!

ارواپوهان د غوسې د کنټرول لپاره بله توصیه دا کوي، چې پر ځان درد راولئ او په دې توګه مو خپله غوسه کنټرول کړئ. تاسو کولای شئ خپلې شونډې وچیچئ، یو بالښت او یا بل نرم څيز په سوک ووهئ او ورته نور کارونه چې ستاسو بدن یو ډول درد حس کړي. په دې توګه به مو ذهن کاملا آرام او غوسه ختمه شي.

Related Articles

هرچند دیرهنگام و مزرورانه - قسمت دوم

سرحد طویل، حتی یک فرقه ی عسکری خود را هم مستقر سازیم و همین کار به ما موقع می دهد تا مصارف قوایی را که معمولاً در سرحدات مشترک، تعبیه می شود، به صورت کمک های اقتصادی و تخنیکی، به دوستان خود عرضه نماییم.» (همان، ص 102) «دهه ی هفتاد میلادی(دهه ی پنجاه شمسی) برای طیف راست اسلامی، دوران انتقال بود و اسلام سیاسی جدید و زهرآگین تری زیر چتر حمایت سعودی ه...

څنګه خپل عاشق یا معشوقې ته خپله مینه څرګنده کړو؟

لیکنه: شکېبا نادري، څنګه خپل عاشق یا معشوقې ته خپله مینه څرګنده کړو؟   مینه د هر بل احساس په څېر هغه  احساس دی چې د هر نارینه او ښځینه په وجود کې شته دی او د وخت په تېرېدو سره پیاوړی کېږي. له هغه وخت څخه چې یو ماشوم وزېږېږي، کله چې وږی شي ژاړي، همدا ژړا یې هغه مینه ده چې د ماشوم او مور ترمنځ شتون لري.  مینه یوازې دا نه ده، چې یو هلک به یې له نجل...

نوعیت سیخ ها و اتصال و پیوند (Lapping) سیخ ها

نوعیت سیخ ها و اتصال و پیوند (Lapping) سیخ ها در عناصر آهن کانکریتی قرار ذیل است :  1 ) پایه : Lapping =(50-65)db  or : Lapping=(50 to 70)dbdb=diameter of Bar(IS Code)  در پایه ها در دو قسمت پیوند سیخ صورت میگیرد .1- پایان تهداب که سیخ انتظار (Dowel) یا ریشه میگویند (50db).  2- در قسمت اتصال گادر و بیم(Critical Joint Area) پیوند سیخ ها  هاصورت...

Recommended Articles

څنګه کولای شو ښه شخصيت ولرو؟

 په دې لیکنه کې به تاسو هغه لارښوونې ولولئ، چې تاسو ځانګړي کوي او خلک به مو شخصيت ته درناوی لري.   خپل ظاهر ته ارزښت ورکړئ د هرې اړیکې په شروع کې ظاهري شکل خورا اړین فکټور ګڼل کېږي. په هاروارډ پوهنتون کې ترسره شوې څېړنه ښيي، چې انسانان ظاهر ته په کتو په لومړۍ ليدنه کې د مقابل لوري په اړه له ۳ نه تر ۷ ثانيو پورې  قضاوت کوي.  ددې لپاره چې ځانګړي و ا...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...

خرمهره؛ تاسو یې په اړه څومره پوهېږئ!؟

 لیکوال: لطیف یاد په پخوانیو وختونو کې به خرو ته اوربشې ورکول کیدلې، چې ددغو اوربشو د خوړلو په پایله کې به تر څو کلونو وروسته د خرو د ژبې لاندې  وینه ټینګه  او غلیظه شوه او د یوه مرغېړي (غُدې) بڼه به یې ونیوله. وروسته به یې دغه مرغېړي (غُده) د خرو د ژبې د لاندینۍ برخې نه  د جراحي عملیاتو (آپریشن) په تر سره کولو وویستله او په جوشو شیدو (پیو) کې به...