To start downloading books

Please sign in or create an account.

له موبايل څخه د استفادې پر مهال دا ټکي پام کې ونيسئ

له موبايل څخه د استفادې پر مهال دا ټکي پام کې ونيسئ

لیکنه ـ ریاض مقامزی  

موبايل، کمپيوټر، ټبليټ او ورته نور برېښنايي وسایل زموږ د ژوند جدي اړتیاوې ګرځيدلي، چې پرته له دې وسایلو زموږ او ستاسو په چارو کې خنډ او ځنډ منځته راځي. تر دې خواشينوونکې لا دا ده، چې ددې شیانو کارول زموږ رواني او جسمي روغتيا ننګوي. ذهني کمزورۍ، د سترګو ضعف او ورته نورې رواني او جسمي ناروغۍ پیدا کوي. ددې لپاره چې له دې ستونزو سره مخ نه شئ. دا لارښوونې تل په پام کې ونيسئ او عملي یې کړئ.  

لومړی| د موبايل استفاده کمه کړئ!

روغتياپالان تر هر څه وړاندې دا پشنهاد لري، چې تر ممکنه حده د موبايل کارول کم کړئ. که تاسو جدي اړتیا نه لرئ، له موبايل څخه لرې اوسئ او استفاده ترې مه کوئ. پدې توګه به ستاسو رواني او جسمي روغتیا تضمینه شي. نو د لومړنۍ توصیې په توګه باید د موبايل شوق پرېږدئ او پرته له اړتیا ګوتې مه ور وړئ.  

دویم| عینکې وکاروئ!

که له موبايل سره ستاسو تماس ضروري وي او پرته له دې مو په کارونو کې خنډ او ځنډ پېښېده نو بیا کوښښ وکړئ د استفادې پر مهال یې عینکې وکاروئ. پدې توګه به مو د سترګو روغتيا ته کوم زیان و نه رسېږي؛ خو د عینکو په اړه حتما له ډاکټر سره مشوره وکړئ. 

درېيم| روښنايي یې کمه کړئ!

ځينې خلک خوښوي، چې د موبايل روښنايي یې تېزه وي. دا کار ډېر نامناسب دی، په ځانګړې توګه د شپې لخوا باید د موبایل رڼا بېخي کمه وي. که داسې و نه کړئ، جدي روغتيايي ستونزې جوړولای شي. د سترګو کمزوري، ذهني فشار، د حافظې ضعیفي، د تمرکز نشتون او ورته نور مشکلات دي، چې له همدې امله پیدا کېږي. هېره دې نه وي، که په کوټه کې تېزه رڼا وي او یا هم د ورځې لخوا په آزاد چاپيريال کې موبايل کاروئ، نو برعکس د موبايل روښنايي تېزه کړئ ترڅو سم ووينئ او کار وکړئ.  

څلورم| په جيبونو کې یې مه ږدئ!

روغتياپالان بل وړاندیز دا کوي، چې موبايل په جېبونو کې مه ږدئ. ددې پر ځای پر مېز او یا هم په بل کوم ځای کې له ځانه په فاصله کې ږدئ. پدې توګه د هغو برېښنايي سیګنالونو/شعاوو له ضرر څخه په امان کېږئ، چې په عادي حالاتو او د زنګ راتلو پر مهال توليدېږي.

پنځم| د خوب پر مهال یې بندوئ!

که تاسو ډېر مهم کس نه یئ او د شپې لخوا موبايل بندول کومه ستونزه نه جوړوي نو موبايل بند کړئ؛ خو که پوهېږئ چې پدې کار سره ستاسو په ژوند، کاروبار او نورو مسایلو کې ستونزې جوړېږي نو بیا د خوب پر مهال ستاسو د خوب له تخت/کټ څخه په لرې فاصله کې کېږدئ. 

Related Articles

واټرشیډ یا ابریزه مدیریت Watershed Management

#کوم انجنيران چه په GISبرخه کي کار کوي دواټر شيډ باره کې مهم معلومات.د واټـرشیډ یا ابریزه  مـدیـریـت Watershed Managemen د واټرشیډ پیژندګلويپه لنډ ډول ویلي شو چې واټرشیډ یو هایدرولوجیکي واحد دی.  یا واټرشیډ هغه ابریزه ساحه یا ځمکه چې د اورښت څخه ورسته یې سطحې اوبه  په  طبعي ډول په یوه مرکزي نقطې یا ویالې یا کانال ته راجمع شي، دغه اورښت باران، د وا...

پنځه تباه کوونکي عادتونه

لیکنه ـ ریاض مقامزی که دا عادتونه لرئ، همدا نن ترې لاس واخلئ؛ که نه ډېرې بدې پایلې به وګورئ.   • خلک به څه ووایي؟ که تاسو هم تل خپل پلانونه له دې امله نه عملي کوئ، چې خلک به څه ووایي؛ نو ډېر ژر به له ناکامیو سره مخ شئ. موږ ته د ژوند کولو یو چانس راکړل شوی. که په دې کې هم زړه نا زړه شو ناکامېږو. دا مه هېروئ چې خلک هېڅکله له خبرو لاس نه اخلي. که...

کتاب څه ډول باید ولوستل شي

کتاب څه ډول باید ولوستل شي، د زیرک لوستلو عملي لارښوود لیکوالان:مورټیمر اډلر او چارلس وان ډورین معرفي کوونکی: احمدالله ارچیوال د ډلبندۍ له اړخه دا کتاب یو عملي لارښود دی.  کتاب څه ډول لوستل کېږي.......، د بېلا بیلو موضوعاتو په اړه د لیکل شويو کتابونو د مسلکي او فعال لوستلو لارې چارې په ګوته کوي.دا کتاب د لومړي ځل لپاره په ۱۹۴۰ کال کې چاپ شوی.یو...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

ملا نصرالدین څوک و؟

ملا نصرالدين ته ترکان حواجه يا خواجه نصرالدين وايې، افغانان او اير انيان يې ملا نصر الدين (ملا نصرودين) بولي،عربان يې دجحا نصرالدين او افندي نصرالدين په نامه پيژني٠  ملا نصرالدين د يوه روايت پر بنسټ په اوومې هجري پېړۍ کې چې د١٢٠٩ زېږدېز/میلادي کال سر ه سمون خوري دسلجوقي واکمنۍ په زمانه کې دتر کيې دخورتو په ښار ګوټي کې دې نړۍ ته سترګې پرانيستلي دي...

اعصاب په کومو شيانو کمزوري کېږي

د انسان په وجود کي اعصاب تر ټولو مهمه برخه ده، د انسان ټولي چاري او فعالیتونه د همدغي ناحیې څخه کنټرولېږي.لاندي ځیني مهم ټکي دي چي په پام کي نیول یې د ذهن په سالم ساتلو کي مرسته کو. - د سهار چای نه چیښل:هغه خلک چې د سهار چای نه چیښي په بدن کي یې د شکري اندازه راکښته کېږي، په نتیجه کي یې دماغ ته په کافي اندازه مواد نه ور رسېږي او دماغ کمزوری کېږي....