To start downloading books

Please sign in or create an account.

Faridon Delsoz Niazai 2 years ago 1,108
انټرويو (د دندي لپاره د ځانګړي مرکې) په اړه ځيني لارښووني interview direction Pashto

انټرويو (د دندي لپاره د ځانګړي مرکې) په اړه ځيني لارښووني interview direction Pashto

 

د انټرويو (د دندي لپاره د ځانګړي مرکې) په اړه ځيني لارښووني
#لومړۍ پوښتنه
د ځان په اړه که مو راته ووېل؟
ځواب:
• خپل د نوم څخه يې پيل کړئ
• د خپل استوګنځی په اړه معلومات ورکړی
• د خپل تعليم په اړه لنډ ټکي وړاندي کړی
• د خپلو تېرو دندو په اړه لږ معلومات ورکړی که مو تر سره کړي وي
• د خپل کورنۍ په اړه لنډ وضاحت ورکړی
بـــــېلـــــګــــه:
زما نوم منظوراحمد (دانش) دی، د کندهار ولاېت په اوومه ناحيه کي استوګنه لرم. د لسانس تر کچي مي په اداره او پاليسي کي زده کړي تر سره کړي دي، اوس مهال د امريکا د کاليفورنيا ايالت د UoPeople انلاين پوهنتون د کمپيوټرساينس پوهنځۍ محصل يم. په بېلابېلو ځايونو کي مي اوږدمهاله او لنډمهاله دندي تر سره کړي دي، په مالي اداري او تخنيکي (IT) چارو کي څه باندي شپږ کلنه کاري تجربه لرم. زه مي له خپلي کورنۍ سره د کندهار ښار په اوومه ناحيه ميرويس مينه کي اوسېږم.

#دوهمه پوښتنه
ولي غواړې دنده دي تغير کړې؟
ځواب:
• دا چي د مخکينۍ دندي څخه مو څه زده کړي لنډه تشرېح ورکړئ
• د دندي د تغيرولو علت مو بيان کړئ
• د خپل راتلونکي موخي مو بيان کړئ
بـــــېلـــــګــــه:
زه مي له خپل مخکيني کارځای څخه نړۍ مننه کوم، ځکه چي نوموړي ادارې زما د وړتياوو په جوړولو کښي هر اړخيزه هڅي کړي دي. زما په آند هر کس د خپل راتلونکي د جوړولو او د خپلو کاري وړتياوو د لا پراختيا په موخه اړ دی تر څو په بېلابېلو ځايونو کي دنده تر سره کړي، ځکه نو زما د پوهي د ډېرښت، مالي ځواکمنتيا او ځاني ډاډمنتيا لپاره ستاسو اداره تر ټولو غوره ټاکنه ده.

#درېمه پوښتنه
ستاسو پياوړتيا په څه کي ده؟
ځواب:
• د کاري چاپېريال سره توافق او همغږي
• د سخت او درانه کار په وړاندي د درېدلو وړتيا
• ايمانداري او امانت داري
• د حالاتو سره د ځان برابروونه
• آزاد خياله او مثبت ګرايه
• ژر تصميم نيونه
• د دندي په تړاو د ځان هڅوونه
بـــــېلـــــګــــه:
که په ځان ښودنه کي ونه شمېرل سي نو ځان راته ايمانداره، خپل ځان پخپله هڅوونکی، د سخت او درانه کار توان لرونکی او د خپل کارځای او کاري ډلي په وړاندي آزاد خياله او د هر ډول تعصب او کرکي څخه خلاص ايسي. 

#څلورمه پوښتنه
ستاسو نيمګړتياوي کومي دي؟
ځواب:
• رډ او حاضرجوابه يم
• بې حوصلې يم
• ډېر حساس يم
• ډيري خبري کوم
• پر خلګو ډېر ژر باور کوم
• کله چي ملګري مرسته وغواړي نو هيڅکله يې ناهيلي کولای نه سم
• ډېر ژر تصميم نيسم
• کله چي نابلدو ته خبري کوم نو زياتره وختونه غوسه کېږم
بـــــېلـــــګــــه:
کله چي راڅخه کوم کس مرسته وغواړي نو ناهيلي کولای يې نه سم او له هغه چارو سره چي مينه نه لرم په ډېر ځنډ او خنډ سره يې مخ ته وړم.

#پنځمه پوښتنه
د معاشاتو په اړه څه نظر لرې؟
ځواب:
• د لومړۍ دندي پر مهال هيڅکله پر معاش ټينګار مه کوی
• که په همدې دنده کي مخينه (تجربه) ولری بيا نو کولای سی يو څه چنې ووهی
• د دندي په تړاو د کمپنۍ د نورمونو (قوانينو) په وړاندي تل مثبت فکر ولری او هر قانون ته يې ښه راغلاست وواياست
بېلګه:
دا زما لومړۍ دنده ده، ځکه نو زما لپاره معاش لومړنی غوراوی نه دی. ستاسو کمپنۍ به زما د مهارتونو او وړتياوو په جوړولو کي رغنده رول ولري او غواړم د دې موقع څخه په غوره توګه ګټه پورته کړم. څرنګه چي پيسې پر هيچا هم ډيري نه دي ځکه نو زما د توانايي او ظرفېت په تناسب ستاسو څخه د وړ او مناسب معاش هيله لرم تر څو د خپلي کورنۍ ورځني اړتياوي ورباندي پوره کړای سم.

#شپږمه پوښتنه
د راتلونکي لپاره مو موخي څه دي؟
• اوږد مهاله موخي
• لنډ مهاله موخي
بېلګه:
زما لنډمهاله موخه داده تر څو په يو داسي سازمان کي دنده تر لاسه کړم چي خپلي وړتياوي پکښي په کار واچوم او خپل راتلونکي ژوند ته يو څه نور هم ور زيات کړم. او اوږدمهاله موخه مي داده چي په همدې سازمان کي يوه ورځ پر يوه لوی او عزتمن پوسټ باندي وګمارل سم.

#اوومه پوښتنه
ولي باېد تا وګمارو؟
ځواب:
• چي خپله پوهه د نورو سره شريکه کړم
• چي کاري تجربه تر لاسه کړم
• چي د دندي په تړاو مهارتونه قوي کړم
• چي خپلو راتلونکو موخو ته ورسېږم
بېلګه:
ښاغلې، زه په دنده تازه پيل کوم، ما هر څه نظري لوستي دي، مګر باور لرم چي د خپل کارځای لپاره به زياته خواري ګالم او د خپلي ادارې هر اړخيز پرمختګ ته به لومړيتوب ورکوم. په خپلي رښتينولۍ سره به د آمر له لوري راکول سوي دندي په غوره توګه پر ټاکلي وخت سرته رسوم.

#اتمه پوښتنه
ولي غواړې زموږ سره دنده تر سره کړې؟
ځواب:
• د کمپنۍ په اړه چي مو هر څه خوښ وي هغه بيان کړئ
• همدا خپله خوښه مو د خپل راتلونکي سره وتړی
بېلګه:
ښاغلې، هر څوک غواړي چي ستاسو د کمپنۍ غوندي په يوه مشهوره او بريالي سازمان کي دنده ولري، کله چي مي د دې دندي په اړه ستاسو اعلان وليد ځکه مي نو وپتېل چي ستاسو د لوري غوښتل سوي معيارونه او وړتياوي به مي پوره کړي وي او وبه توانېږم تر څو
د کمپنۍ په پرمختګ کي خپله پوهه او تخنيکي مهارتونه په کار واچوم.

#نهمه پوښتنه
په اخيره کي، زموږ څخه څه پوښتنه لرې؟
ځواب:
• د انټرويو اخيستونکي څخه مننه وکړئ
• د معاشاتو د پروسې په اړه وپوښتی (څومره معاش دی؟ هفته وار دی؟ ساعت وار دی؟ مياشتانه دی؟........)
• د دندي د کاري وختونو په اړه پوښتنه وکړی (سهار دی؟ ماښام دی؟ نيمه ورځ دی؟ مکمله ورځ دی؟............)
• د دندي د موقعېت په اړه پوښتنه وکړی (په ښار کي دی؟ ولسوالۍ کي دی؟ لمر ته دی؟ سايې ته دی؟.............)
• د اضافه کارۍ په اړه وپوښتی
• د ټرانسپورټ په اړه وپوښتی
بېلګه:
دا چي ماته مو د مرکې لپاره وخت راکړ ستاسو څخه نړۍ مننه کوم. ښاغلې، غواړم د دندي د وخت، د ټرانسپورټ د اسانتيا، د دندي د موقعېت او د دندي لپاره د ټاکل سوي معاش په اړه پوه سم. هيله ده چي خپل معلومات ونه سپموی.

يادونه: پر شريکولو يې مصرف نه راځي!

مننه

ليکنه: منظوراحمد (دانش)

شریک کوونکی 

انجینر فریدون دلسوز

Related Articles

!د ژوند مهارتونو زده کړه لازمې ده

!د ژوند مهارتونو زده کړه لازمې ده عمران اختر د ژوند مهارتونه د وړتیاوو یوه ټولګه ده چې افرادو ته په ورځني ژوند کې د ننګونو، غوښتنو، فعالیتونو او مختلفو حالاتو کې باور رامنیځته کوي. دا مهارتونه د ژوند په مختلفو برخو کې د شخصي پرمختګ، هوساینې او بریالیتوب، کار، اړیکو، او په ټولیز ډول ځان بسیا کول لپاره اړین دي. د ژوند مهارتونه عموما د زده کړې، تمری...

د اسلامي نړۍ د علم بهر امام اعظم ابوحنیفه (رحمة الله علیه)

  امام اعظم ابوحنيفه (رحمة الله علیه) په اتيا (۸۰) ه ق كال كي زېږیدلى او په يو سلو پنځوس (۱۵۰) ه ق كال كي وفات سوى دى. د عراق د كوفې اوسیدونكى وو، نوم يې نعمان وو، كنيه نوم يې ابو حنيفه یعني د حنيفې پلار وو، حنيفه د ده لور وه، په اغلب ګمان په قوم تاجک وو، د پلار نوم يې ثابت دى، نيكه يې زوطىٰ نومیدى چي د كابل له اوسیدونكو څخه وو، چي لومړى كافر وو،...

کابریکا - دوهمه برخه

کابریکا - دوهمه برخه لیکوال: نعمت الله رحیمي   کابریکا - #دوهمه_برخهلیکوال: نعمت الله رحیمي انډریو د شاه دو شمشیره جومات څو انځورونه وباسل بیرته له سلیمان سره موټر ته پورته شول سلیمان وویل:- باید یوې خیاطۍ ته لاړ شو چې درته افغاني کالي جوړ کړي، کابل کې خیر خو په نورو سیمو کې داسې ګرځیدل راته سم نه ښکاري ځکه ستا څیره له ځایي خلکو سره توپیر لري-...

Recommended Articles

عثمان کاکړ څنګه ووژل شو؟

پښتونخوا ملي عوامي ګوند ادعا کوي چې د دغه ګوند صوبايي مشر عثمان خان کاکړ وژل شوی دی او دوی سره دې لړ کې کافي ثبوتونه شته. یو شمېر نورو ځايي سیاسي ګوندونو هم د یاد ګوند ملاتړ کړی او د بلوچستان صوبايي حکومت وايي، د پېښې په هکله به څېړنه کوي. د یادونې ده چې د روانې جون میاشتې پر ۱۷ نېټه ویل شوي و، چې د عثمان خان کاکړ سر سخت ټپي شوی دی. له پېښې وروست...

په ځوانۍ کې د ويښتانو سپينېدل او درملنه

د ويښتانو سپينېدل اکثراً د زړښت معنا ورکوي نو ځکه خو انسان د خواشينۍ احساس کوي؛ مګر دا لا ډېره خواشينوونکې وي، چې په ځوانۍ کې مو ويښتان سپين شي. په طبیعي توګه د سپين پوستو ويښتان نسبت تورپوستو ته ژر سپینېږي. معمولاً په سپين پوستو کې د ويښتانو سپينېدل د ژوند د څلورمې لسیزې په لومړيو کې پيلېږي، مګر په نورو نژادونو کې دا حالت د څلورمې لسیزې په وروستيو...

له وخت څخه مخکي مو ويښتان ولي سپينږي درملنه يې څه ده؟

په تيرو وختونو کې به سيپن ويښتان د زړښت نښه بلل کيده خو اوس داسي نه ده بلکي د ډيرو پيغلو او ځوانانو ويښتان سپين دي. که تاسو هم له دې ستونزي څخه ځورپږي يعني د سر ويښتان مو مخکي له وخت څخه سيين شوي نو حتمن مو په بدن کې ځيني پيچلي بيلوژيکي ستونزي شته ، بايد درملنه يې وکړئ. اوس ډير وخت ليدل کيږي چې آن ۱۶ کلن تنکي ځوانانو هم د ويښتانو د سپيندو په لور ر...