حکایت دی، چې له بودا څخه چا پوښتنه وکړه: ته او مریدان دې څه کوئ؟
بودا ورته وویل: گرځو، ناست یو، ډوډۍ خورو!
پوښتونکي وويل: دا خو هر څوک کوي.
بودا ورته وویل: توپير دا دی چې مونږ کله ناست یو، پام مو وي چې ناست يـو چې روان يو، پام مو وي چې روان يو او چې ډوډۍ خورو، پام مو وي چې ډوډۍ خورو.
د حکايت درس
په هر کار کې تمرکز حياتي ارزښت لري. یعنې که د مطالعې، کار او زدکړې پر مهال خپله توجه وساتو؛ نو ډېره ښه نتيجه به ووینو.
تاسو همدا نن عملاً د ډوډۍ خوړلو پر مهال خپل پام یواځې د ډوډۍ خوراک ته کړئ او خواړه سم وژوئ، ډېر ښه خوند به احساس کړئ. د حکايت درس او زموږ توصیه همدا ده، چې تل پخپلو کړنو او فعاليتونو کې تمرکز ته پام کوئ.
