که غواړئ شخصيت او حیثیت ته مو زیان و نه رسېږي؛ نو له دې کړنو څخه ځان وساتئ.
• همېشه د نورو په شخصي ژوند کې مداخله کول.
• په ناڅاپي ډول د نورو خبرې پرې کول.
• ناپاک ګرځېدل.
• کله چې څوک حاضر نه وي ورپسې خبرې کول.
• همېشه په لوړ غږ خندل او ټوکې کول.
• پوچ او نامناسب الفاظ کارول.
• تل غوسه اوسېدل.
• داسې پوښتنې کول چې په تاسو پورې هېڅ اړه و نه لري.
• پر نورو ملنډې وهل.
• د نورو سپکاوی کول.
• پر مال او پوهې غرور کول.
• د نورو رټل او بې احترامي کول.
• په خبرو پسې ګرځېدل (تجسس)
• ضد کول.
• د نشه يي توکو کارول.
• نورو ته په زړه کې کینه ساتل.
• له وړو خبرو/مسایلو لوی جنجال جوړول.
پورته کړنې ستاسو شخصيت ته سخت زیان رسوي او ټولنیز محبوبیت په مطلق ډول له منځه وړلای شي؛ نو د یو آګاه انسان په توګه له ذکر شوو کارونو څخه ځان وساتئ.
