د اوښ ضد
وروره ډیره احتیاط کوه د اوښانو له منځه ددغه اوښ تر نظر لاندی یی ستا راتګ تعقیبوی !!
یو عرب کیسه کوي چې ،یوه ورځ مې د اوښانو له منځ یو اوښ خرابي وکړه ، ورته په قهر سوم سزا مې ورکړل او سخت مې تهدید کړ، د یو څو ورځو لپاره ارام و او هیڅ غلطې یې نه کوله…
پهٔ همدي ورځو کی می څو ملګری خواته رغلل چی داوښانو ساتنه يي کړي وه او د اوښانو په حرکاتو او عاداتو ډیر ښهٔ پوهیدي، راته یې وویل چې وروره ډیر احتیاط کوه ، د اوښانو له مینځه د دغه اوښ تر نظر لاندې یې او ستا تګ راتګ تعقیبوي، متوجي سوم او احتیاط مې شروع کړ ، د شپي ویده کیدلو ځای مې چې نصبت له کوټو څخه بهر وو همدی اوښ هم لیدلی ؤ ځای جوړ کړ ، معمولاً اوښان له دې ځایه بهر پراته وه، ما بیا داسي وکړل چې خپله بستره مې داسي جوړه کړه چې فکر کیدی نفر په کښې پروت دی ، خو زه خپله لاړم بام ته او د اوښ پټه څارنه مي شروع کړه ، یو څه وخت وروسته ګورم چې اوښ له خپله ځایه راپورته سو
په کرار کرار د حویلئ خواته راروان سو ، د حویلۍ دروازه یې داسې خلاصه کړه چې فکر دې کاوه انسان دی ، زما د بستري سره په نږدې کېدلو یې یو ځل حمله وکړله او پهٔ کونډو او غاښونو سره یې څیرې څیرې کړله ، پهٔ همدې حالت کې مي ورباندې له بام ږغ وکړ ، چې کله پوه سو زه یم نو پورته سو او پرخپل ځائ څو ځلی و څرخید
وغړمبېد، تر دې چې پر ځمکه راپریوت او مړ سو ، سهار مو د اوښ سینه څیرې کړله تر څو وګورو څه وسول ؟ نو پهٔ ډیره حیرانتیا سره مو ولیدل چې د اوښ زړه له ډیره قهره چاوديدلی ؤ .
نو دا مهٔ هیروئ بدي حیوانات هم نسي هیرولای، او د انتقام اخېستلو قصد به یې لری نو څه فکر کوی انسانانو سره بدي کول به څهٔ نتیجه ولري او ستاسي بدي به یې له ذهنونو ووځي
کینه او حسد کول سمه کړنه نه ده، حدیث شریف مفهوم دی چې حسد کول نیکي داسې سوځي لکه اور چې وچ واښه یا لرګي سوځي.
