نوم ؛ سينوهه
( د فرعون ځانګړي طبيب يادښتونه )
څپرکي ؛ شپيږ پنځوسم - صفحې ؛ ۸۹۴ /
سينوهه يې ليکوال چې په پاپيروس يې ليکلی
او ( ميکاولتاري ) يې بيا کتاب ته ترتیب کړی..!
ژباړه ؛ ډاکټر محمد عيسی ستانکزی
د زیږدیز څخه تر بوډاتوبه...
د کتاب معرفيت؛ محبت مخکښ
په کتاب يې يوه لنډه ليکنه؛
سينوهه کتاب چې له ميلاد څخه ۱۳۵۰ کاله مخکې ليکل شوی په دي کتاب کې؛ تاريخ ، سياست ، فلسفه ، دينپوهنه ، ارواپوهنه او ناول پکې ذکر شوي ، چې په داسې هنر او فکر ليکل شوی چې تاسو په مصر کې ګرځولی شي چې په ځانګړي ډول په طبس کې او د نيل سيند د ښکلا ، خواږوالي ، مستيدا او د بيړيو سفرونه درته پکې بيانوي ، تاسو د مصر حالاتو څخه بغير د هاتې ، سوريه او کروت هيوادونو په اړه هم درته معلومات درکوي چې ددوی د دين ، نظامي تعليمات ، پرمختګ او ددوی زيار او کار په اړه يې ښه وړاندوينه کړي ده.
سينوهه؛ چې د زيږيدنې څخه تر بوډاتوب پورې يې هر څه ليدلي ، لمس کړي او تجربه کړي وی هغه تاسو ته بيانوي نو! تاسو سره به د ژوند په تيريدنه کې ښه مرسته وکړي او څه يې چې تجربه کړي په خورا ښه ډول يې بيان کړي او تاسو هملته ځای ته وړلای شي ، که د مصر په اړه ووايم چې هغه وخت يې ډېر زور او پرمختګونه لرل چې ډېرای اختراعات يې پکې ذکر کړي دي ، لکه؛ د ماشوم سنتي ، د يوې مياشتې وخت چې دوی به څلور هفتي بللي او هفته يې د اوو ورځو څخه رامنځته کړي او داسې نورې نوی کړنې چې تاسو به ورڅخه خبر کړي او په مصر کې چې د مثلثاتي اهرامونو په اړه چې څه وييلي...
د کتاب له متن څخه؛
- د انسان يو شی هيڅکله نه بدليږي او هغه دده ناپوهي ده. که يو لک کاله وروسته کوم انسان پیدا شي؛ نو زموږ د وختو انسان او هغو انسانانو په شان به ناپوه او تيروتی وي ، چې تر موږ مخکې يې د اهرامونو د جوړيدا په وخت کې ژوند کاوه.
- بيا به هم انسان ناپوه وي او راتلونکی انسان هم په درواغو او چټې وعدو ته اړتيا لري او د هغه فطرت همدا غواړي چې تل تر رښتيا پر درواغو ډېر باور وکړي او د واقعيت په پرتله پر تشو وعدو ډېر ايمان لري ، چې هيڅکله به عملي نشي.
- ځينې کسان شته، چې وايې، هغه څه چې نن پیښیږي، مخېنه نه لري او هيڅکله به په نړۍ کې نه وي شوي؛ خو د دوی دغه خبره د وگړو د کمې تجربې او د فکري ځواک د کموالي له امله ده؛ ځکه په نړۍ کې چې کومه پېښه شوې ، د هغې مخېنه ارومرو ليدل شوي ده.
- زه سينوهه نومېږم ، ماپه خپلو سترګو وليدل، چې يو زوی ، په کوڅه کې خپل پلار وواژه؛ ځکه چې زوی د صليب نښه پر خپل ټټر ټومبلې وه او پلار د ښکر نښه درلوده.
- ماپر خپلو سترګو وليدل، هغه کس چې تل به يې د سرو زرو په جامونو کې شراب څښل، کله چې بیوزله شو، د نيل سيند پر غاړه ناست و او د سیند اوبه يې څښلې.
- ما وليدل هغه کسان چې په تلو کې يې سره زر تلل، په څلور لارو کې سوال ته مجبور شول او د همدغو کسانو مېرمنو د يوې ټوټې مسو په بدل کې ځانونه پر تور پوستو خرڅ کړل.
- دغه ټول کارونه زما په مخ کې شوي دي او له دې وروسته به هم همدغسې ډېر نور کارونه وشي.
زما لوستونه؛
د سينوهه کتاب چې صفحی يې زياتې دي خو سړی ورته د يوې موضوع ختميدو څخه وروسته بلې موضوع ته بې تابه يې او داسې نه ښکاري چې دادي په لوستلو کې ۸۹۴ صفحی يې او په ډېره بې صبرۍ او په خوند سره به يې ولولی ، کله چې يې مه لوستنه پيل کړه په څو ورځو کې به می يو څپرکی لوستو خو کله چې يې زه ورو ، ورو په ډېره مطالعه عادت کړم ، نو په ورځ کې به می دوه / درې څپرکي حتمي لوستل او آن تردې چې په وروستيو کې يې تر پنځو څپرکو لوستنه می هم وارسيده او زه يې په کلنۍ ازموينو کې هم ځانته راکاشولم ، ديته وايې د کتابونو جالب او دايې لويه ثابتايه ده. خو! د عقيدې په اړه وايم چې بايد مظبوته وی او دغه کتاب چې ګران ډاکټر محمد عيسی ستانکزي يې په ښه ډول ژباړه او د دانش خپرندويې ټولنې هم منندوی او ستانکزی چې د خپرندود يوه ورځنۍ غونډه کې يې د دوو وتلو څيړنکو استاد زلمي هيواد مل او ډاکټر عبدالروف رفيقي چې نمانځغوډه کې وو مننه!
ستاسو وياند؛ محبت مخکښ
نوټ؛ که په ليکنه کې کومه نيمګړتيا وی، نظر او نيمګړتيا راته په ګوته کولای شئ. د لوستنې مو مننه!
