ژوند ته خوشالي څنګه راوستلی شو؟

ځينې خلك  خوښوي چې پلان جوړ كړي تر هغه زيات څه وكړي چې وخت اجازه ور كوي. ځينې خلك په دې كې ناكامه كيږي چې ناممكنه هدفونو ته ورسيږي خو زه په دې باور يمه چې هر كار ممكنه دى او كيږي. د خوشبينۍ له پاره ډير كلاسيك تعريف چې شوى هغه دا دى چې خوشبيني هغه باور دى چې تا ته ښه راتلونكى په مخ كې دى او پر مشكلاتو د بريالي كيدو له پاره ډير لږ وخت پاتې دى .

په يوې مطالعې كې چې پر ځوانانو تر سره شوه ، د روانشناسۍ معايناتو وښودله چې د دريرشو كلونو په دوران كې هغه كسان ډير د مرګ سره مخامخ شول چې بدبين ول، خو برعكس يې هغه كسان چې خوشبينه ول هغوى ډير ژوند وكړ او له دې وجې د دوى تمايل د ژوند سره ډير و نو خپل صحت ته يې هم توجه كوله او صحت مند پاته شول .

د نورو پر خلاف تر اوسه پورې زه توانيدلې يم چې خپله خوشبيني ښكاره كړم ، نو ويلى شم چې په دې برخې كې ډير قوې دي چې په هيواد او نړۍ كې شته چې ډيرې ګرمې خوشبينۍ هم د ځان خواته را ماتې كړم . زه يوه ريالسته يم چې وروسته له ډير كاره پر ځينو شيانو برلاسې شوم لكه د اقتصادي نا انډولتيا په برخې كې ، جنګونو او د تاريخ نه د زده كړې په برخې كې  ، څو زموږ په ليونۍ ټولنې كې د ښځو د حقونو له پاره لاسته را وړنې ولرم او دا كار د اكاډميكو لارو څخه وكړم چې د دوى حقونه تثبيت كړم .

.كله چې مې دا هر څه وليدل زه دې نتيجې ته ورسيدم چې دا به ډيره خوشالوونكې وي چې موږ د ژوند روښانه برخو ته وګورو، په اصطلاح د نيم ډك ګيلاس نظر خپل كړو او دا ووايو چې اخير به پر مشكلاتو غالبه كيږو .

د مورفي د قانون له مخې هر هغه شى چې كولى شي ناسمې خواته لاړ شي ، اخير خرابيږي ، دا قانون د خوشبينۍ ضد دى . هغه كتاب چې د مورفي قانون يې رد كړى ، په هغه كې د روانشناسۍ پروفيسره په كنتاكي پوهنتون كې سوزان سي وايي : خوشبيني يوازې دا نه ده چې ته مثبت و اوسې بلكې خوشبيني دا هم ده چې متحرك و اوسې اويو كار ته شله و اوسې.

ډاكټر سيګرسټروم او نورو څيړونكو موندلې هغه كسان چې په مقاومت لويږي ، دوى  له مشكلو حالاتو څخه په څنګ تيريږي خو تر دوى  خوشبينه كسان بيا د مشكلاتو سره ځان لاس وګريوان كوي .  دوى د خپل عمل له پاره پلان جوړوي د نورو څخه مشورې اخلي او ډير تمركز يې د مشلاتو پر حل لارو يي . كله چې مې خاوند كاملا بدبينانه وويل دا به هيڅكله ونه شي ، زه په دې لټه كې شوم يو بل نظر ولټوم او سخت كار وكړم خو په اخير كې زه مجبوره شوم چې ور سره موافقه شم چې ته پر حقه يې.

ډاكټر سګرسټروم ليكلي دي چې كله د نا كنټروله سټرېس ايجادوونكو سره مخ شو، نو خوشبيني مو په طبيعي منابعو پورې ارتباط لري چې څنګه عكس العمل وښودل شي ، د مثال په ډول د يوه حالت څخه د ښې پايلې د راوتلو انتظار يا هم يوه پيښه داسې استعمالول چې يو څوك په كې مثبت ظهور وكړي .

كله چې شپاړس كلنه وم مور مې د سرطان له وجې مړه شوه ، سره له دې چې زه غمجنه  وم چې هغه مې د مرګ ژغورلې واى او زما سره واى خو دا كار نه كيدى نو ما د دې قيمت د پوره كولو  له پاره تجربه لاس ته راوړه . ما زده كړل كه زه همداسې و اوسم نو هره ورځ به داسې تيروم چې دا مې اخيره ده خو دا حالت هلته سمې خواته واوښت چې ما خپله اينده را ونيوله .

ما د ژوند د اوريځو غوندې خبرې شاته پريښودې او مستقيما د ژوند كولو د نظريې خواته راغلم چې همدې هدف ته وهم رسيدم ، ما درك كړه كه چيرې ما په اول كې يو بد هدف هم ځانته ټاكلى واى نو اوس به ور رسيدلې واى .

كله چې ما په څلرويشت كلنۍ كې د نيويارك ټايمز د ساينسي ليكنو له پاره درخواست وكړ نو هلته مركه كوونكي راته وويل چې يوازې دوه كاله وروسته به له دغې دندې ايسته شې ، ځكه نو ما هغوى ته وويل چې كه ما دغه كار نه شواى كولى نو زه به دلته اوس ستا سره په انټرويو كې نه واى.

زه په هغه ډول چې دوى غوښتل ور سره پاتې شوم او وروسته تر دوه كلن كار ورنه لاړم . د كله نه چې زما شوق د څيړونو او د مطالبو د ليكلو سره پيدا شوى و او هغه هم له دې له پاره چې دا كار كولى شم ، د خلكو سره مرسته وكړم چې په ساينس وپوهيږي او د طب سره اشنا شي ، زه  خپلو اهدافو ته په تمركز سره له داسې مخ پروړاندې پرمختګونو سره مخ شوم چې په اخير كې ايډيټره شوم.

څيړنو څرګنده كړې چې د خوشبينې سره د شوق په برخې كې ځينې جينونه قوي ښكيل دي . په  مغزو كې نيوروټرانسميټرونه حكومت كوي او داسې لكه يو څوك چې پر چا قانون پلى كوي .هغه پلرونه چې اولادونه يې پر ځان متكي وي او پر خپل نفس اعتماد ولري ، دوى له ځانه د اعتراض ټكي لرې كوي چې بيا سزا ونه ويني ، حال دا چې غير متكي اولادونه  ممكن د تشويق سره يو ښه حالت ته ور سيږي .

د ښې رهنمايۍ سره ډير ځوانان كولى شي چې د خوشباورۍ نښې زده كړي . ډاكټر سيګرسټروم او نورو څيړونكو دا موندلې چې تاسو نوټ كړئ چې تر فكر ژر تاسو د يو چا عادت ته تغير وركولى شئ .  هغه د مشهورې وينا څخه اجتناب كوي چې وايي تشويش مه كوئ ، خوشاله اوسئ ، پر ځاى يې دا د روانشاسۍ د عادت بدلولو تداوي غوره بولي . دى وايي : لومړى اقدام وكړه چې ښه احساس تعقيب كړې .  لكه هغه چې په خپل كتاب كې ذكر كړي : ويې پيچه څو يې زده كړې . هغې ليكلي : خلك كولى شي چې ډيره خوشبيني له دې زده كړي چې داسې  عمل وكړي چې د خوشبينۍ وي  .

د دې مانا دا ده چې ډير متعاهد اوسه او مقاومت كوه د خپلو اهدافو د رسيدلو له پاره . كه چيرې ته ډير خوشبين يې نو ته داسې خپل كوښښونه جاري وساته چې پر ځاى د دې چې اولينه ماته احساس كړې ، ته بايد خپله كاميابي تر توقع دې زياته وګڼې . هغه كاږي كه چيرې خاص حمايت ته نه يې رسيدلى دا كولى شي چې تا سره دومره مرسته وكړي چې يوه مثبته تجربه زده كړې او د ځانه سره دا پيشنهاد كړې چې په راتلونكي كې به د داسې مشكل له پاره نوې لار پيدا كوم  . د خوشبينه كيدو له پاره اسانه لاره دا ده چې خپلو افكارو ته شكل ور كړو .

خپلو افكارو ته شكل ور كول څنګه ور كوو؟

دا مهمه ده چې موږ د مثبت فكر قوت رد نه كړو ، ډاكټر سيګرسټروم او د مايو تحقيق كوونكي په دې نظر دي چې د هرې ورځې په پاى كې موږ څو شيبې دې ته ور كړو چې د ورځې درې مثبت شيان وليكو او خپله ورځ په خوشالوونكو شيانو سره پاى ته ورسوو .

د مايو تحقيق كوونكو دا خاص وړانديز كړى دى چې د ځان سره د منفي خبرو كولو عادت له ځانه لرې كړئ . د دې پر ځاى چې د ناكامۍ خواته مو توجه وي د يو شي يا كار مثبتې خواوې ولټوئ .

زه چې كله په كالج كې وم نو ډيره سخته مطالعه مې كوله او په دې مې عقيده وه چې زه به په امتحان كې ښه يم نو ځكه مې وروسته يو ډول پيشبيني كولى شوه چې په امتحان كې به مې نومرې څومره وي  . بغير له دې چې د خپل كار كولو طبعې ته وګورئ ، ځينې شخصې منظرې پيدا كړئ چې كار وكولى شئ . كه چيرې تاسو د خپل كور انګړ هم پاكوئ نو يوه شيبه ورته په خوښۍ ودريږئ او د ځانه سره په خوشالۍ وواياست چې څومره پاك او ښكلى ښكاري .

خپله شاوخوا په مثبت فكر او خوشبينو ملګرو چاپيره كړئ. ليكن باخبره اوسئ چې كه چيرې تاسو په مزمن ډول منفي فكر لرونكي ياست او هميشه د يو شي تياره خوا لټوئ نو په داسې وخت كې به اخر ستاسو څخه مثبت ليد كډه وكړي .

پر هغو حالاتو تمركز وكړئ چې تاسو يې كنټرولولى شئ نه هغه چې په كنټرول كې مو نه  دي. زه دا وړانديز كوم چې خپله رايه ، خپلې پيسې او خپل جسماني قوت وكاروئ چې دا د يو ښه شخصيت جوړولو له پاره ټاكونكي دي .