د سفر پر مهال کوم ټکي باید په پام کې ونيسو؟

Riaz Muqamzai
Riaz Muqamzai
Author
1 min read
5,168
د سفر پر مهال کوم ټکي باید په پام کې ونيسو؟

سفر د ژوند په اوږدو کې خوندورې خاطرې را پرېږدي. د سفر مهمه ګټه دا ده، چې موږ د نورو سیمو او هېوادونو له خلکو، فرهنګ، او ارزښتونو سره آشنا کوي. خو دا اړینه ده، چې د یوه ښه او محفوظ سفر لپاره باید ځينو ټکو ته پام وکړو.
 په دې لیکنه کې مو هڅه کړې ده، چې تاسو ته د سفر اړوند ځينې مهمې لارښوونې چمتو کړو. 

 روغتيايي سپارښاتنې
 ـ د خوړو په برابرولو او همدارنګه د رسټورانټونو په انتخابولو کې ډېر دقیق اوسئ. په ځانګړې توګه هغه هوټلونه او ریسټورانټونه چې په لویو لارو کې موقعيت لري.
 ـ په اوږدو سفرونو کې داسې خواړه له ځان سره واخلئ، چې ژر نه خرابېږي/سخا کېږي. ځکه کېدای شي تاسو ډېر ځله خواړو ته اړتيا پيدا کړئ او که خراب خواړه وخورئ ستاسې روغتيا ننګولی شي.
 ـ د څښلو پاکې اوبه له ځان سره ولرئ. د لارې په اوږدو کې کېدای شي ځينې ځايونو کې اوبه پيدا کړئ خو داسې اوبه چې سر یې لوڅ وي هېڅکله مه څښئ.
 ـ ضد عفوني مايع او یا هم صابون له ځان سره ولرئ. که ستاسو لاس له سیټ او یا د ګاډي له نورو برخو سره ولګېږي په صابون او ضد عفوني مايع يې ومينځئ. دا کار ستاسو روغتيا ډاډمنوي.
 ـ له چټلو ځايونو سره مو د لاس لګېدلو ته پام وکړئ. کوښښ وکړئ پاک ځای وټاکئ که بیا هم ستاسو لاس خيرنېږي، په اوبو او صابون یې پرېمينځئ.
 ـ هغو سیمو ته چې وایروسي ناروغۍ په کې خپاره شوي وي، مه ورځئ. که کار مو اړین وي کوښښ وکړئ بازار او ګڼه ګوڼو ځايونو ته له ورتګ څخه ډډه وکړئ. 
 ـ که د کرونا په څېر ناروغۍ ګډې وي، ماسک واچوئ او ټولنيز واټن په پام کې ولرئ.

 د موټر چلولو اړوند لارښوونې
 ـ د یوه محفوظ سفر لپاره اړينه ده، چې مناسبه لاره وټاکو. نو که تاسو کومې سيمې ته ځئ، د ګوګل ميپ له لارې یې عمومي واټونو او سړکونه په نښه کولای شئ. 
 ـ په هغو ورځو کې چې عمومي وضيعت او یا هم د هوا حالات ښه نه وي سفر مه کوئ.
 ـ په لاره کې ترافیکي اشارو او قوانينو ته پوره پاملرنه ولرئ. ګنې له خطرناکو ستونزو او پېښو سره مخ کېدای شئ. 
 ـ که بې خوبه یئ، هېڅکله موټر مه چلوئ. 
 ـ د شپې له خوا د موټر چلونکو د سترګو ديد کمزوی کېږي. نو د سفر لپاره بهترین وخت ورځ وي. 
 ـ د چټک تګ څخه ډډه وکړئ. کوښښ وکړئ، چې مناسبه چټکټيا ولرئ. دا مه هېروئ چې ناوخته رسېدل له نه رسېدو څخه غوره ده. 

 د موخې اړوند اړين ټکي 
 ـ وړاندې له سفر څخه باید بشپړ معلومات پيدا کړئ. د سیمې د خلکو او کلتور په اړه وپوښتئ تر څو له کومې ستونزې سره مخ نه شئ. ممکن ستاسو عادي رفتار په بله سیمه کې بد وګڼل شي. 
 ـ که داسې سیمې ته ځئ، چې د خلکو ژبه بدله وي نو کوښښ وکړئ ځينې عام کارېدونکي الفاظ زده کړئ. د ستونزو په وخت کې ډېره مرسته درسره کولای شي. 
 ـ د ځای د امنیت په اړه ډاډ ترلاسه کړئ. مه هېروئ چې ستاسو ژوند له هر څه ډېر مهم دی. 
 ـ که غواړئ د شپې چکر ووهئ، حتمن د سیمې یو لارښود له ځان سره ولرئ. تر څو سمه لارښوونه مو وکړي او له خطراتو مو خبر کړي.

0 Comments

Sign in to leave a comment.

No comments yet. Be the first to share your thoughts.

Related Articles

3 articles
د نامنظم میاشتني عادت لاملونه څه دي؟
Pashto
Mar 21, 2022
3,586 views

د نامنظم میاشتني عادت لاملونه څه دي؟

ژباړه ـ ریاض مقامزی په مېرمنو کې د تناسلي الې له لارې د وینې راتګ ته میاشتنی عادت ویل کېږي. دا چاره هره میاشت د څلورو، پنځو ورځو او آن په ځینو مېرمنو کې د یوې اونۍ لپاره ترسره کېږي. منظم میاشتنی عادت د مېرمنو د روغتيا په معنا ده. مېرمنې باید ددې چار...

Written by Riaz Muqamzai Read more
رومي بانجانو څخه د روب جوړولو اسانه او ارزانه طريقه
Pashto
Jun 07, 2023
3,360 views

رومي بانجانو څخه د روب جوړولو اسانه او ارزانه طريقه

د رومي بانجانو څخه د روب جوړولو اسانه او ارزانه طريقه. 1. لمړی د ضرورت وړ مقدار روميان د بازار څخه واخلی، د کوچنی فامیل لپاره پنځه منه او د غټ فامیل لپاره 10 منه سره روميان. 2. لمړی روميان  بايد په پاکو  اوبو ښه ووينځل شي، او بيا  د منځ څخه دوه نیمه...

Written by Faridon Delsoz Read more
د بر ( الله ج )  کښلې ( لیکي یا کېتابونه یا کتابونه)
Pashto
Jul 05, 2026
787 views

د بر ( الله ج )  کښلې ( لیکي یا کېتابونه یا کتابونه)

د بر ( الله ج) کښلې ( لیکي یا کېتابونه یا کتابونه):  د وګړو د روغ ژوند تېرولو له پاره  رښت ( قانون)،  ښکاروندو (سټنډرډونو) کوډونو ( شفرونو یا نورمونو) او واګي (دود، مقرراتو، امر چلولو ) 4.    د بر ( الله)  پیلنی کښلی ( لیکی یا کېتاب یا کتاب): د وګ...

Written by صفي الله فردوس Read more

Recommended For You

وړیا PDF کتابونو معتبر سایټونه
Pashto
Jun 02, 2023
44,401 views
4

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
33,125 views
11

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,881 views
3

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article