To start downloading books

Please sign in or create an account.

Salman Jabbar 3 years ago 1,711
د پښتنو د ازادۍ پښتون مجاهد خانداد بابا

د پښتنو د ازادۍ پښتون مجاهد خانداد بابا

د پښتنو د ازادۍ پښتون مجاهد خانداد بابا

د خانداد بابا په اړه باندې پښتانۀ دانشوران او تاریخ پوهان وخت په وخت خپلې تبصرې کوي دا ډېره ښۀ خبره ده چې خپل اتلان ژوندي وساتلے شي ، خپل اتلان یادول د ژوندي قامونو کار دے زۀ دغه کار ته خوش بین ضرور یم خو په دغه تبصرو مې څۀ اعتراضات هم شته دے زۀ په دغه ناکره تبصرو باندې د نن وخت دانشوران نه ګرموم ځکه چې د پښتنو یعني د پښتون قام ټول تاریخ لکه د مذهبي قیصو په توهماتو ولاړ دے د دې نورې وجې هم کېدلے شي خو ماته یې تر ټولو لویه وجه دا ښکاري چې پښتنو ټولو عمر خپل او پردي جنګونه کړي دي . د قلم او کتاب نه لرې پاتې شوي دي . د پښتنو د تاریخ په اړه چې څومره مستند کتابونه دي د هغې ډېرې حوالې د هغه قبضه ګرو قامونو د لیکوالانو دي چا چې د پښتنو په وطن قبضه کړې وه . زما خپله شخصي تجربه دغه ده چې دښمن کۀ هر څومره نیک سیرته شي خو بیا هم دښمن وي د هغۀ په وینه کښې ستا سره د دښمنۍ ګرمي ضرور وي . پښتنو دانشورانو هم زیاتره د دغه خلکو لیکلي تاریخونه رانقل کړي دي او دغه خپل تاریخ ګڼي . د دې نه علاوه پښتنو ته ځان د هر چا نه غوره مسلمانان ښکاري نو د هغې له کبله یې د عربو خالد بن ولید ته هم پښتون وئیلے دے اګر چې دا د اکبر باچا د دور حکومت افسانه ده خو په پښتنو کښې دغه افسانې دومره مقبولیت ترلاسه کړے دے چې ډېر لوے لوے دانشوران او شاعران هم بې له تحقیقه دغه افسانې ته د حقیقت په سترګه ګوري .

همدغه راز د خانداد بابا په اړه هم دانشورانو دغه رویه خپله کړې وه بې له تحقیقه ناکره معلومات یې د اولس سره شریکول زما خپل تعلق د شعر ، شاعرۍ سره دے زۀ بذات خود یو شاعر یم، کار مې شاعري کول دي په شاعرۍ تحقیقي او تنقیدي کالمونه لیکل دي ، زۀ تاریخ پوه نه یم ــ

خو د خانداد بابا د فکري او نسلي وارث په حېث مې دغه خپله زمواري وګڼله چې د ناکره معلوماتو په ځاے د تاریخ لمن ته د خانداد بابا په اړه حقیقي معلومات وروسپارم ـ

تعارف

خانداد بابا په کال 1885 کښې د مردان ولسوالۍ په بائیزوخرکي کلي کښې د میرداد بابا په کور کښې پېدا شو تعلق یې د اتمانخېل قبیلې د منصور خېل شاخ سره لرلو، په ونه درمیانه په وجود کمزورے خو د مترقي فکر خاوند ، د خپل خاندان تر ټولو زیات لوستے او پوهه انسان ؤ

کله چې د خدائي خدمتګار تحریک باني ( باچاخان ) د ازادو مدرسو جوړولو هڅه وکړه خانداد بابا هم هغه وخت د باچا خان د دغه سپېځلي کار کلک ملاتړ وکړو، د مترقي سوچ اداراک یې له دغه ځایه کېږی چرته چې ټوله علاقه د پیرنګي د غلامۍ لاندې ژوند کوي خانداد بابا په هغه وخت کښې د پیرنګي خلاف د مزاخمت لار خپلوي په خپلو بچو تعلیم کوي اګر چې دغه وخت د دې قبیلې زیاتره خلک نالوستي خلک وو،
""" یوه ورځ راته خپلې ترور ( د خانداد بابا د مشر زوي لور) قیصه کوله چې خانداد بابا راته هغه وخت پینځۀ روپۍ راکړې هغه وخت پینځۀ روپې ډېرې روپۍ وي د دې سره یې راته دا امر وکړو چې په دې به واصل خان ته جامې، کتابونه او د مدرسې نور ضروري څیزونه واخلې ، او واصل خان مدرسې ته ولېږه ما هم هغسې وکړل خو کله چې یې خپل بابا خبر شو نو ماته یې په غصې سره ووئیل چې واصل خان مدرسې ته لاړ شي نو ما پسې به پټي ته چاے او ډوډۍ څوک راوړي؟ ترور مې دا خبره په تکرار سره کوله چې هغه وخت چا تعلیم څۀ کولو خو دا د باچا خان د ملګرتیا برکت ؤ

خانداد بابا د خدائي خدمتګار تنظیم عهدېدار ؤ د هغې له کبله به خلکو د سور پوش او صدر په نوم هم یادولو بابا په خپله پښتنه خاوره د خپلې خاورې د خپل اختیار، د خپلې خاورې د ملکیت تبلیغ کولو، د پښتنو د بېدارۍ لپاره یې جلسې کولې، دا هغه وخت ؤ چې د پیرنګي خلاف خبره کول به د وطن سره د غدارۍ په زمره کښې حسابېدل ، د مزاخمتي تحریک سره ودرېدل به د جېلونو، تشدد، او د دغه رقم اذیتونو مخې له د ورتللو مترداف وؤ مګر خدائي خدمتګار د خپلې قامي جذبې سره د دغه ټولو تکلیفونو مخې ته ولاړ وو ــ
خانداد بابا ته د پیرنګي حکومت له طرفه د هر قسمه مراعاتو درخواستونه شوي وؤ خو بابا یې د اخستلو نه انکار کړے ؤ، په خپله خبره سلامت ولاړ ؤ چې په نتیجه کښې يې پیرنګي حکومت د نیولو امر وکړو چرته چې به د خدائي خدمتګارو جلسه وه هلته به ورپسې د پیرنګي فوځ ورتللو د خدائي خدمتګارو په کورونو به یې چاپې وهلې پیرنګي حکومت په خدائي خدمتګارو زمکه تنګه کړې وه له دغه وجې به خدائي خدمتګارو په دغه وخت کښې خپل میټنګونه د شپې په تیارۀ کښې کول یو کس به یې څوکېدارۍ ته ودرولے ؤ کله چې به د پیرنګي حکومت فوځیان کلي ته رادننه کېدل نو څوکېدار به خپل لالټین بند کړو دغه لالټین بندول به خدائي خدمتګارو ته خبردارے ورکول وؤ

خانداد بابا په دغه سختو خالاتو کښې د خپل وطن د ازادۍ مبارزه کوله سخت خالات ورته ځکه وایم چې په نړیواله سطح د زورور دښمن سره مقابله کول د هغۀ په وړاندې مزاخمت کول د هر قسمه تکلیفونو نه خالي نه وي دغه تکلیفونه د خپل وطن د ازادۍ په خاطر زغمل قامي جذبه غواړي او دغه خدائي خدمتګار په دغه جذبه سرشاره خلک وؤ زۀ امېد لرم چې دغه قربانۍ به د پښتنو په تاریخ کښې تر تله یادیږي
خانداد بابا خپل ټول ژوند د قبضه ګر خلاف په مزاخمت او د اولس په خدمت کښې تېر کړو په کال 1971 کښې 86 کالو په عمر کښې وفات شو او د خپل کلي کوز سر کښې خاورو ته وسپارلے شو

د خانداد بابا نسل

خانداد بابا درې ودونه کړي وو
① د وړومبۍ ښځې یې دوه ځامن وؤ چې نومونه یې ¹ خان صلاح او ² عمر صلاح وؤ

② د دویمې ښځې یې یو زوے او یوه لور وه د زوي نوم یې صاحب داد ( ټیبو) دے

③ د دریمې ښځې یې دوه ځامن او پینځۀ لوڼه دي چې ځامن یې فضل الرحمان او فقیر رحمان نومیږي

① د ¹ خان صلاح دوه ځامن او درې لوڼه دي چې ځامن یې رحم صلاح او نورزمین خان نومېږي
² د عمر صلاح پینځۀ ځامن او څلور لوڼه دي ځامن یې ګل زمین خان، شاه زمین خان، بهادر خان ، دلاور خان ، ماصل خان نومیږي،

② صاحب داد ( ټیپو) وادۀ نه دے کړے

③ ¹ فضل الرحمان درې ځامن او دوه لوڼه دي ځامن یې رحم رحمان، ګلاب رحمان او ذاهد خان نومیږي ــ

² د فقیر رحمان یوه لور ده

د خانداد بابا په دې ټول نسل کښې یوازې دوه تنه عملي سیاست کوي چې یو د نورزمین خان زوے جواد علي ازار او بل د رحم صلاح زوے فرهاد علي دے نور نسل یې د پښتنو په سیاست د بې اعتبارۍ له وجې د سیاست نه کناره کشي کړې ده خو تر دې دمه د پښتنو یو قامپرست ګوند یې هم خېر خبر نه دے اخستے په نامه قامپرستان د الیکشن په وخت کښې د خانداد بابا د نوم نه استفاده ضرور کوي خو د خانداد بابا د نسل او د هغۀ د قبر په اړه هم کره معلومات نه لري دا پورتنۍ څو جملې لیکل مې ځکه ضروري وګڼل چې خپل مخلصان هېرول نه دي پکار دغه قامي اتلان یادول او د دوي په پلونو پلونه ږدل دا قام خپل مرام ته رسولے شي

تحریر بقلم خود جواد ازار

Related Articles

زیلینسکی؛ له ټوکمارۍ تر پاچاهۍ!

ژباړه ـ ریاض مقامزی   پدې ورځو (۲۰۲۲، فیبروي) کې تود خبر دا دی، چې روسیې پر اوکراین برید کړی او په مقابل کې د ياد هېواد ولسمشر، پوځ او خلک د مقاومت په حال کې دي. د جګړې ډګر ته د ولسمشر ورتګ ډېرو خلکو ستايلی او نوموړی یې یو زړور ولسمشر بللی؛ خو پوښتنه دا ده، چې نوموړی څوک دی او څنګه تر ولسمشرۍ ورسېد!؟ پدې لیکنه کې پر همدې موضوع خبرې شوي. د لیکنې ت...

ځان موندنه

ته مینه ناک يې شېبه په شېبه ځان ته متوجه يې او غواړې په نړۍ کې یو مهم رول ولوبوې، نو له دې مخې هغه انسان يې چې هره شېبه خپل ځان او خپل لاشعوره ضمير ته توجه لرې او د موجودیت په نړۍ کې خپل ځان تر کنټرول لاندې نیسې او د هغو ارزونه کوې، نو ځکه هر وخت له ځانه پوښتې، چې زه څنګه شوم؟او څنګه باید ووسم؟ددې پوښتنو ځوابونه ستا شخصیت تر ارزیابۍ او اصلاح لاندې...

طالبانو ورونو ته د اشرف غنی په اړه

حتمن یی ولولی ـ خاص کر طالبان ورونه!!!د افغانستان حتمن یی ولولی ـ خاص کر طالبان ورونه!!!د افغانستان  ولسمشر اشرف غني د اقتصاد پروفيسر او د دوه دکتورا لرونکی  چالاکه او هوښيار انسان وه! ډاکټر غني د نړيوالو خلاف خپل ملي ځواک ته پټ امر کړی و، چې د طالبانو سره ونه جنګېږي، او پرېږدي چې طالبان ټول افغانستان په ارامه بې له جګړې ونيسي، او همداسې وشول، چې...

Recommended Articles

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته بيا بېرته خپل ټول تاثير له لاسه ورکړي، د هورمونونو تاثير د زيات وخت لپاره دوام کوي. د انسان په بدن...

څنګه کولای شو ښه شخصيت ولرو؟

 په دې لیکنه کې به تاسو هغه لارښوونې ولولئ، چې تاسو ځانګړي کوي او خلک به مو شخصيت ته درناوی لري.   خپل ظاهر ته ارزښت ورکړئ د هرې اړیکې په شروع کې ظاهري شکل خورا اړین فکټور ګڼل کېږي. په هاروارډ پوهنتون کې ترسره شوې څېړنه ښيي، چې انسانان ظاهر ته په کتو په لومړۍ ليدنه کې د مقابل لوري په اړه له ۳ نه تر ۷ ثانيو پورې  قضاوت کوي.  ددې لپاره چې ځانګړي و ا...

له وخت څخه مخکي مو ويښتان ولي سپينږي درملنه يې څه ده؟

په تيرو وختونو کې به سيپن ويښتان د زړښت نښه بلل کيده خو اوس داسي نه ده بلکي د ډيرو پيغلو او ځوانانو ويښتان سپين دي. که تاسو هم له دې ستونزي څخه ځورپږي يعني د سر ويښتان مو مخکي له وخت څخه سيين شوي نو حتمن مو په بدن کې ځيني پيچلي بيلوژيکي ستونزي شته ، بايد درملنه يې وکړئ. اوس ډير وخت ليدل کيږي چې آن ۱۶ کلن تنکي ځوانانو هم د ويښتانو د سپيندو په لور ر...