د انګریزي رپورټونو نه د اتمانخېلو متعلق څو کرښې ــــــــــــ
۳۶ــ بخت جهانزېب خان په نولس سوه اتلس کې زېږېدلے دے دا د مرحوم نواب شاه درېم ځوۍ دے د ده خاندان په تېمور قلعه کې مېشته دے او دا په اسلامیه کالج کې تعلیم حاصلوي.
۳۷ــ بخت پور چې د فغفور پۀ نامه هم مشهور دے د شموزۍ قوم سره تعلق لري او د ارنګ پجيګرام اوسېدونکے دے یو مشهور بدمعاش دے او د دۀ نامه د ملاکنډ په مغربي پولو مېشته د نورو بدمعاشانو سره سمه یادیږي.دا د فقیراُولنګر ملګرے دے او د اتمانخېل قوم د بادِ سبا نومې تنظیم مشري هم کوي.
کله چې پۀ نولس سوه دوۀ دېرشتم کې د شموزۍ پۀ علاقه د بمب بلاسټ واقعه وشوه نو وروسته ده کوششونه کول چې د برټش علاقو په حدودو کې نورې دهماکې هم اوشي.
۳۷ــ بنارس چې د کوټ ملاکنډ ایجنسۍ اوسېدونکے دے پۀ قام اتمانخېل کې د پېغزي قبیلې مشر دے.
دۀ پۀ نولس سوه دېرشم کې د خدايي خدمتګار تحریک پۀ مخالفت کې د برټش سرکار ملاتړ کړے وۀ.
د دغه ملاتړ پۀ بدل کې دۀ ته یو ریوالور پۀ انعام کې ورکړے شۀ.
۳۹ ــ دولت خان د بټل کلي یو نوموړے پائنده خېل دے د عالمزېب خان حمایتي دے او د دیر د نواب سخت مخالف دے چې کله عالمزېب خان جلاوطن کړے شۀ نو دۀ هم د والي سوات پۀ خواه کې د جلا وطنۍ ژوند تېرول شروع کړۀ.
۴۰ــ دورے د سولۍ برنګ اوسېدونکے دے او پۀ اتمانخېل قام کې د اصیل خمارخېل قبیلې نوموړے ملک دے.
د دۀ مخالفت نوران سېد کړے دے دا د فقیر النګر نزدې ملګرے دے دۀ پۀ نولس سوه دوۀ دېرشم کې د سوات پۀ دریاب د کهجورې پۀ مقام د فقیر النګر د لښکر د پاره د پُل جوړولو هڅه کړې وه خو بریا شوے نۀ وۀ.
تحقیق و ترجمه ـ سفېد انجم اتمانخېل
(جاري)
