په پښتنو کې دشیخ چلي نوم ډیر مشهور دی ، خو ډیر پښتانه په د ې نه پوهیږي ي چې شیخ چلي څوک و او د کوم ځای و.
همداراز په پښتنو کې د شیخ چلي کیسې او ټوکې او لطیفې هم ډیرې مشهوري دي. اوس به راشو چې شیخ چلي څوک و.
دی په اصل کې هندوستانی صوفی او درویش و چې دهند د مشهور مغولی واکمن اورنګزیب (July 1658– March 1707) عالمګیر معاصر او د مغولی شهزاده داراشکوه (مړ۱۶۵۹زیږدیز /میلادي ) استاد و. دی خورا پوه او ځیرک انسان و.
د شیخ چلي اصلي نوم عبدالرحیم و چې د عبدالکریم او عبدالرزاق په نومونو هم یادیده او په عامو خلکو کې یې په شیخ چلي سره شهرت درلود. نوموړی د قادریې د طریقې پیرو او لاروی و.
د هند په نیمه وچه (Indian subcontinent) هند او پاکستان کې دده کیسې او لطیفې د خلکو ترمینځ او په تیره بیا د ماشومانو تر مینځ مشهورې دي او دی د ساده ګۍ او حماقت سمبول ګڼل کیږي. د ده کیسې پر خیالونو او سوچونو ولاړې دي .هندي سینما د شیخ چلي په نامه یوفلم هم جوړکړی دی چې دغه فلم په ۱۹۴۲ زیږدیز کال کې جوړشوی دي. همداراز په هند او پاکستان کې په اردو ژبه د ده ډیرې لطیفې او ټوکې او کیسې هم د کتابونو په بڼه چاپ شوي دي چې د (شیخ چلی کی کہانیاں) او (شیخ چلی کے لطیفے) نومیږي .
د شیخ چلي مزار د هند د هار یانا د ایا لت په تهانیسر کې کروکشیترته نږدې پروت دی.
لطیف یاد
