د آیفون دیارلس ځانګړنې

لیکنه ـ ریاض مقامزی 

آیفون هغه موبایلونو دي چې د اپل شرکت یې تولیدوي. د ښې کیمرې، قوي امنیتي سیسټم او نورو ځانګړنو له کبله یې نرخونه (قیمتونه) د نورو کمپنيو د موبایلونو په پرتله لوړ وي. مګر نړۍ ده، د هر څيز خپل مینه وال وي. هغوی چې له موبایلونو سره ځانګړې علاقه لري، تل دې ته منتظر وي، چې نوی ماډل موبایل بازار ته وړاندې او دوی یې ترلاسه کړي.

د اپل کمپنۍ هم خپل نوی ماډل موبایل معرفي کړ او د خپلو پېرېدونکو انتظار یې تېره سه شنبه (د سپټمبر په ۱۴مه) پای ته ورساوه. تاسو به په دې لیکنه کې ددې موبایل پر ځينو مهمو ځانګړنو پوه شئ. 

له پخوانیو ماډلونو سره څه توپیر لري؟

هر کله چې کومه کمپنۍ خپل نوی ماډل موبایل بازار ته وړاندې کوي، نو مینوال یې تر هر څه ډېر پر دې غور کوي، چې له پخواني ماډل څخه به یې توپیر څه وي او کومې نوې ځانګړنې ولري. که تاسو هم د آیفون مینه وال یئ، ممکن خوښ نه شئ. ځکه چې دا نوی ماډل آیفون له مخکینيو څخه ډېر لږ توپیرونه لري.

یو ستر توپیر یې د موبایل په چارج ساتلو کې دی. اټکل کېږي، چې دا نوی ماډل ايفون به د تېرو په پرتله دوه نیم ساعته ډېر چارج وکړي. هغوی چې تل په موبایل کې بوخت وي؛ حتما به یې دا ځانګړنه خوښه شوې وي. 

همدارنګه اپل کمپنۍ د کیمرې په برخه کې هم یو شمېر ځانګړتياوې اضافه کړي دي. دا چاره به هغو خلکو ته چې له کیمرې سره علاقه لري یو ښه خبر وي. یوه ځانګړنه دا ده، چې د ویډيو ثبتولو پر مهال که په کیمره کې کوم نوی کس را څرګندېږي نو په خپلواکه توګه د کیمرې تمرکز (فوکز) هماغه کس ته اوړي. ممکن تاسو ته به پوښتنه پیدا شوې وي، که فیلم اخیستونکی داسې نه غواړې بیا به څه کېږي؟

د اندېښنې وړ خبره نه ده. فیلم اخیستونکی کولای شي، وروسته د ایډيټ له لارې فوکز پر هماغه کس وکړي چې دی یې غواړي.

د آیفون دیارلس بل توپیر دا دی، چې د پخوانيو ماډلونو په پرته به یې ښيښه (سکرین) څو چنده شفاف او صاف وي. اټکل دا دی، چې په دې سره به اپل کمپنۍ وکولای شي خپل پېرېدونکي راضي وساتي.

بل عمده توپیر یې په میموري (حافظه) کې تر سترګو کېږي. ددې کمپنۍ پخوانيو ماډلونو به ۶۴، ۱۲۸ او ... حافظه درلوده؛ خو په نوي ماډل کې به تر ۵۰۰ جي.بي حافظه موجوده وي.

ویلای شو، چې له مخکينيو ماډلونو څخه د نوي ماډل آیفون عمده توپیرونه همدا دي. خو ددې موبایل د لا ښې پېژندنې لپاره ښه ده، چې ځينې نورې ځانګړنې یې هم ولولو. 

عمده ځانګړنې