په موبایل کې د غږېدا اړوند مهمې لارښوونې

Riaz Muqamzai
Riaz Muqamzai
Author
1 min read
5,100
په موبایل کې د غږېدا اړوند مهمې لارښوونې

لیکنه ـ ریاض مقامزی

په ټولنیز ژوند کې د هرې چارې د ترسره کولو لپاره ځانګړي نزاکتونه او تګلارې وي. ددې آدابو موخه دا وي، چې کارونه په ښه شکل مخ ته لاړ شي او نورو ته د سرخوږي، مزاحمت او بې ادبۍ سبب نه شي. له همدې امله باید د موبایل کارولو لپاره هم ځينې لارښوونې په پام کې ونیسو ترڅو دا چاره په ښه او عالي شکل ترسره کړو. که موبایل کاروئ/غږېږئ دا ټکي تل په یاد ولرئ. 

 

اول| مناسب زنګ وټاکئ!

ځینې خلک د موبایل د زنګ په ټاکلو کې غور نه کوي. په دې معنا چې د خپل موبایل زنګ لپاره ډېر لوړ او مست میوزیک غوره کوي او یا هم برعکس خورا غمجن ساز ټاکي. اصولا دا کار نامناسب دی. ممکن تاسو په جومات کې اوسئ او یا هم له داسې کس سره ناست یئ، چې خفه دی. که پر دې مهال تاسو ته زنګ راشي، کېدای شي مقابل لوري ته یو بد احساس ورکړئ. نو هڅه وکړئ یو مناسب زنګ وټاکئ ترڅو ستاسو شخصیت تر سوال لاندې را نه شي. 

 

دویم| اجازه واخلئ!

که په مجلس کې ناست یئ او موبایل ته مو زنګ راشي، هڅه وکړئ له ناستو کسانو اجازه واخلئ. دا په دې معنا نه ده، چې تاسو دې د هغوی اجازې ته اړتیا ولرئ؛ خو په دې معنا حتما ده، چې ناست کسان د احترام وړ دي او تاسو د هغوی خبرو ته د درنښت په پار دا کار کوئ. که پرته له اجازې راسا موبایل ځوابوئ، ناست کسان د بې اهمیتۍ احساس کوي او هغوی ته د بې ادبۍ په معنا ده.

 

درېيم| ځان معرفي کړئ!

که هر چاته زنګ وهئ له سلام وروسته حتما ځان معرفي کړئ. حتی هغه کسانو ته مو هم ځان معرفي کړئ، چې اکثرا ورسره غږېږئ او ستاسو شمېره ورسره ثبت وي. کېدای شي شمېره ورڅخه پاکه شوې وي، شاید نوم ته یې پام نه شي،یا خپله ناروغ وي او بل څوک یې موبایل ځواب کړي او .... ددې کار ګټه دا ده، چې مقابل لوری مو پېژني. تاسو ته به ستاسو اړوند موضوع شریکه کړي. د خبرو د ګډوډۍ مخنیوی کېږي او د وخت د نه ضایع کېدو سبب به هم وشي.

 

څلورم| د وخت پوښتنه وکړئ!

که تاسو چاته زنګ وهئ د موبایل له ځواب، سلام او ځان معرفي کولو وروسته حتما ترې وپوښتئ چې وخت لري او که نا. دا پوښتنه آن له اوزګارو خلکو هم وکړئ. ممکن په دې وخت کې به بوخت وي او ستاسو له امله یې بل ضروري کار له خنډ او ځنډ سره مخ شي. نو هڅه وکړئ ځان ډاډه کړئ، چې مقابل لوری تاسو ته وخت لري. 

 

پنځم| ورو وغږېږئ!

اکثره خلک فکر کوي، چې په لوړ غږ غږېدا به مقابل لوري ته اواز سم ورسوي؛ خو داسې نه ده. اصلا چې تاسو هرڅومره په عادي ډول غږېږئ هومره مو غږ سم او صفا انتقالېږي. په ټيټ غږ د غږېدا بله ګټه دا ده، چې خپلو شاوخوا ملګرو او یا هم د کورنۍ غړو ته به مو مزاحمت نه وي کړی.

 

شپږم| موبایل خولې ته مه نږدې کوئ

تاسو به هم ډېری خلک لیدلي وي، چې په موبایل کې د غږېدا پر مهال موبایل خپلې خولې ته نږدې کوي. دا ډله خلک فکر کوي، چې په دې کار سره به یې غږ سم انتقال شي؛ خو دا هېروي، چې د موبایل خپل جوړښت داسې دی، که غوږ ته یې ونیسئ هم پخپله مناسب غږ ترلاسه کوئ او هم مو مقابل لوري ته سم غږ ور رسېږي. خولې ته د موبایل په نږدې کولو سره یوازې خپل ځان ساده معرفي کوئ او نوره هېڅ ګټه نه ترلاسه کوئ. 

 

اووم| نوبت ورکړئ!

له نوبت ورکولو څخه یوه موخه دا ده، چې ټولې خبرې خپله مه کوئ بلکې مقابل لوری هم پرېږدئ چې خپلې خبرې وکړي. بله موخه مو دا ده، چې مقابل کس ته د خپلو خبرو پوره کولو اجازه ورکړئ. که تاسو د مقابل لوري نوبت ته درنښت نه کوئ او خبرې یې پرې کوئ حتما به یو بل سم درک نه کړئ او مکالمه به مو بې معنا او یا هم کمه اغېزناکه پای ته ورسېږي.

0 Comments

Sign in to leave a comment.

No comments yet. Be the first to share your thoughts.

Related Articles

3 articles
د وېټامین ډي د کمښت نښې، لاملونه او حل لارې
Pashto
Jan 09, 2022
2,494 views

د وېټامین ډي د کمښت نښې، لاملونه او حل لارې

د ويټامن ډي د کمښت نښې، لاملونه او د حل لارې په ځینو حالاتو کې د ویټامن ډي د کمښت هیڅ نښې نه څرګندیږي خو په ځینو نورو کې له څو کالونو وروسته راڅرګندې شي، مګر د ویټامن ډي کمښت د ځینو روغتیایي ستونزو رامنځته کېدو له کبله کیږي، په ځانګړي ډول چې دغه ستو...

Written by imranghani Read more
اورېدل او ویل
Pashto
Dec 19, 2020
2,675 views

اورېدل او ویل

اورېدل تر ویلو ډېر اړین دي. که داسې نه وي؛ نو خدای (ج) به یوه خوله او دوه غوږونه نه راکولای؛ هڅه مو باید دا وي چې لږې خبرې وکړئ ځکه ډېرې خبرې کول د انسان قدر کموي، نو باید خبرې مو تر اورېدو کمې وي او تل دا هڅه وکړئ چې کوم ځای کې مو چې خبرې کولو ته اړ...

Written by Nijatmal Safi Read more
کوم خواړه د وزن د زیاتوالي لامل کېږي؟
Pashto
Oct 22, 2021
6,517 views

کوم خواړه د وزن د زیاتوالي لامل کېږي؟

لیکنه:شکېبا نادري،کوم خواړه د وزن د زیاتوالي لامل کېږي؟     الله ﷻ انسانانو ته بېلابېل وزنونه ورکړي دي. ځینې لوړ او ځینې ټیټ دي، ځینې ښایسته او ځینې بدرنګ دي او دا هغه څه دي چې الله ﷻ خپلو بنده ګانو ته د یوه نعمت په بڼه ورکړي دي او موږ پکې هېڅ ډول...

Written by imranghani Read more

Recommended For You

وړیا PDF کتابونو معتبر سایټونه
Pashto
Jun 02, 2023
43,856 views
2

وړیا PDF کتابونو معتبر سایټونه

وړیا pdf کتابونه چیرته پیدا کړو؟ ځواب: 👇 دلته میلیونونه کتابونه موندلی شئ  دا چې یو زیات شمیر کتاب لوستونکو او څېړونکو هیواد پریښی او له بده مرغه نورو هیوادونو کې د پښتو او فارسي کتابونو چاپي نخسې نه موندل کیږي او ددې ترڅنګ د هیواد په دننه کې هم د...

Written by Faridon Delsoz Read more
که جرأت نه لرئ، مه خفه کېږئ! دلته يې لاملونه او حللارې لوستلای شئ
Pashto
Dec 17, 2020
32,985 views
7

که جرأت نه لرئ، مه خفه کېږئ! دلته يې لاملونه او حللارې لوستلای شئ

 ژباړه: هدایت الله همت ارواپوهانو له نظره، بې جراتي او پر ځان نه باور له هغو ستونزو دي، چې ځوانان د ماشوم والي له دورې ورسره لاس و ګرېوان کېږي. دوی ته دا حق نه ورکول چې له خپلو حقه حقونو ساتنه وکړي او که کله دوی دا کار کوي نو د کورنۍ د مشرانو له خوا...

Written by Riaz Muqamzai Read more
د نارينه د جنسيت د هورمون د کمېدو سببونه
Pashto
Nov 26, 2020
32,775 views
2

د نارينه د جنسيت د هورمون د کمېدو سببونه

هورمونونه په بدن کې ورو ورو خو ژور او دومداره اغېز لرونکي کيمياوي مواد دي، هورمونونه ورو ورو تاثیر پيلوي خو دا تاثيرات یې بیا د ډېر وخت لپاره دوام کوي، هورمون د کاربون هيدرات او شکرو غوندې نه دي چې يو کس ته لس دقيقې غښتلې انرژي ورکړي لس دقيقې وروسته...

Written by Shamshad Zaheer Read more

Have something to share?

Share your knowledge with the Ketabton community.

Write an Article