په
په مطالعه کې د «تمرکز» لرلو اغېز
لیکنه: وقار ابراهیمي
ځینې وختونه داسې ډېر پېښېږي چې یو څوک ډېره مطالعه هم وکړي، خو په سم او ټاکل ډول یې ذهن ته مطالعه نه شي سپارلي. له دغې ستونزې زده کوونکي، محصلین، یا نور ډېر عام مطالعه کوونکي مخامخ دي.
دغه ستونزه لرل؛ شاید ډېر عوامل ولري، په صحي ډول حافظ نه لرل، په هغه ځای کې چې موږ مطالعه کوو، د هوا او آرامتیا څرنګوالي، او داسې نور ډېر عوامل شته، چې د هغو له امله په صحي ډول، مطالعه ذهن ته نه سپارل کېږي.
په دې لیکنه کې مې هڅه کړي، چې تر څو تاسؤ ته زده کړي، چې په مطالعه کې یو اهم او مفید، تمرکز لرل هم دي.
تمرکز: یو کار چې تاسو یې کوئ، او خاص پام او فکر مو په هغه کې وي، هم تمرکز بلل شو. يعني تاسو درې داسې کارونه په غاړه لري، چې غواړي یې ترسره کړئ، او نتیجه یې مثبته او پر ځای وي، تاسو شاید ونه شي کولای، چې درې واړه کارونه په یو وخت کې وکړي، هغه هم په سم ډول، که هر یو کار ته بېل فکر وکوو، بېل وخت ورته وټاکوو، او په ټاکل وخت او شکل یې ترسره کړو، په هر یو ځان ته تمرکز ولرو معلومه خبره به وې، چې ګټه به يې وي او مثبته نتیجه به ورکړئ. هو دلته معلومه شوه، چې مطالعه هم له یو فعالیت څخه شمېرلي شو.
او په وړاندې یې که زموږ فزیکي، او روحي حالت په اړوند موضوع او مطالعه را ټول نه وي او فکر مو راټول نه وي، نو د مطالعه پایله به منفي وي، او د وخت د ځایه کېدو سربېره به مو هېڅ زده کړه نه وې کړې، خو که سربېره فکر او د بدن حواس مو په هغه موضوع او مطالعه چې کوو یې؛ راټول او فکر مو یوازي په مطالعه او اړونده موضوع کې وي، نو هر وخت به مطالعه ګټوره وي، او ډېر څه به مو زده کړي وي.
نو پایله دا شوه چې: څه وخت چې مطالعه کوئ، فکر او حواس مو یوازې او یوازې په مطالعه را ټول وي، تر دې چې د مطالعه په وخت کې فکر مو په مطالعه کې وي، له نورو سوچونو او فکرونو په دغه وخت کې ډډه وکړئ.
